Велија Рамковски и неговата акција за име

Светот да разбере дека промената на името не е прашање на време туку прашање со кое Македонските граѓани никогаш нема да се согласат. Уцената за промена на името како предуслов за евроатлански интеграции е голема навреда и таа нема да биде прифатена.

Овие пораки содржани во писмото и це-дето на Фондацијата „Рамковски“ испратени до релавантни свестки институции имаат за цел да ја исправат погрешната слика што некои македонски политичари ја создавале во последните 17 години.

Во писмото доставено до првите луѓе на Македонскиот државен врв, Обединетите Нации, Европската Унија, Европарламентот, Советот на Европа и американскиот амбасадор во Скопје, се вели дека никој нема право да размислува за промена на името уште помалку има право да преговара за такво нешто.

„После посета на 7-8 градови, и контактот и разговорот што го имавме со граѓаните во тие градови, ни се зацврсти сознието, односно сфативме зошто повеќе од 70% од граѓаните не сакаат промена на името, како услов за влез во НАТО и ЕУ“, изјави Велија Рамковски, претседател на фондацијата „Рамковски“.

За време на кампањата на фондацијата „Рамковски“ во Скопје, Куманово, Прилеп, Свети Николе, Битола, Кичево и Охрид граѓаните беа еногласни дека името не смее да биде услов за влез во НАТО и ЕУ.

„Ние сме Македонци и Македонци ќе умреме“.

„Ма какво менување. Ние сме Македонци и Македонија останува“.

„Дедо ми бил Македонец, татко ми бил Македонец, јас сум Македонец, моите деца се Македонци. Не го даваме името“.

„Името Македонија не го менуваме па и никогаш да не влеземе во НАТО и ЕУ“, изјавуваат граѓани присутни на трибината.

Кампањата на фондацијата „Рамковски“ ја подржаа голем број на невладини организации меѓу нив членките на асоцијацијата на мултиетнички градови во Југоисточна Европа „ФИЛИА“ и асоцијацијата на невладини организации на Југоистиочна Европа „ЦИВИС“.