Малиот брат со големо уво ве демне!

Правото за прислушување опасно се проширува 

Проширувањето на списокот на делата за кои може да
се примени прислушувањето, следењето на комуникациите предизвика реакции во
стручната јавност. Но нас тука
очигледно не не интересира,  или пак не
сте запознати со новиот Закон за следењето на комуникациите кој експресно беше
изгласан во Собранието на 25.08. и според кој може ако не му се допаѓате на
комшијата да среди да ве присклушкуваат и да бидете под надзор. 

Затоа внимателно со комшиите, пријателите
и роднините, бидете добри и споделете се што имате...кога ви бараат давајте им,
и повеке од она што го побарале,  затоа
што може да се јават кај големото уво и сите ваши кашканици да излезат на
виделина...кога ја пцуете сопругата-сопругот, кога децата, кога државата, дали
ручекот е според рецептите од храна и вино или според рецептот на оној дебелион
сезонец, дали сте јаделе бурек, дали сте  .... и колку пати...

Според Законот за кривичната постапка, посебните истражни мерки се преземаат за
кривични дела за кои е пропишана казна затвор од најмалку 4 години и за дела за
кои е пропишана казна затвор до 5 години, за кои постои основано сомнение дека
се извршени од организирана група, банда или злосторничко здружение. Со
предлогот се зафаќа еден круг на таксативно наброени кривична дела за кои можат
да се применат посебните истражни мерки, без да важат тие критериуми. 

Во случај кога примената на
посебните истражни мерки нема да вроди со плод, полицијата секогаш ќе биде
законски покриена. Некогаш оправдано, но никогаш нема да знаеме и колку
неоправдано. 

Се предупредува на
неусогласеноста на измените со Уставот и на можноста од нивна зголемена
злоупотреба од страна на државата. Досега примената беше строго определена со
тежината на делото и со висината на казната што се изрекува за него. Со
измените на овој закон, наспроти важечките одредби во Законот за кривичната
постапка, судот ќе може да нареди следење на комуникациите во случаи кога
постои само сомневање дека некој тргува со дрога, пере пари, шверцува или дека
ја злоупотребува службената положба. Увото на тајната полиција ќе „проработи“ и
во случај на сомневање за изнуда, уцена, царинска измама, проневера, измама,
примање и давање поткуп, противзаконито посредување, незаконито влијание врз
сведоци и за кривични дела сторени преку средствата за електронска
комуникација.

Кај нас, со оглед на
ниската правна свест и политичка култура, паланечкиот менталитет и отсуството
на примарноста за државниот интерес, тоа ќе оди повеќе на штета на човековите
права и слободи отколку што со тоа ќе се зголеми ефикасноста во откривањето,
прогонот и судењето на сторителите на кривични дела.

И внимавајте малиот брат ве демне
и бидете фини со ближните!

Изменето од moira - 08.Септември.2008 во 20:38

Внеси реплика	страница 12 >
Tweet