Хорор приказна: Децата ми лебдат и стојат на таванот!

Латоја Амонс е самохрана мајка на 3 деца, кои живеат во куќа во Гери, Индијана. Во 2011 година таа почнала да слуша чекори во куќата и забележувала дамки од мокри чизми низ цела куќа, па дури и на места недостапни за нејзините деца.

Но, вистинското измачување започнало по една година, кога една сосема обична вечер Латоја седела со свои пријатели, кога наеднаш слушнала врескање од собата на нејзината 12-годишната ќерка Кембел. Кога влегла во собата, Кембел буквално лебдела над креветот! Латоја не знаела што да прави и почнала да се моли. Кембел наеднаш се нашла на креветот и воопшто не била свесна за она што се случило.

Бидејќи Кембел не била финансиски подготвена да ја напушти куќата, решила да се бори со демоните. Набрзо побарала секаква помош и го прифаќала секој можен совет. Сепак, јасновидците кажале дека куќата е опседната со повеќе од 200 демони! По тие испитувања, демоните изгледа се налутиле па измачувањата сè повеќе се зголемувале. Очите на децата почнале да им се набабруваат, се смееле злобно, гласот им се задебелувал, зборувале со личности кои мајката не ги гледала и слични други демонски работи.

Но, властите не можеле да веруваат во оваа приказна, па во куќата освен што се појавил доктор, се појавиле и неколку полицајци, кои зад грб ја исмејувале мајката. Додека тие биле таму, 9-годишниот син на Латоја бил турнат, но од некоја виша сила. Докторот се исплашил и ги прегледал сите деца. Одлучил да ги однесе во болница, за подетален преглед, но и таму демоните не ги напуштале. Додека траеле прегледите, најмалото дете почнало наеднаш да ја врти главата и застанало на таван! Момчето по некое време наеднаш паднало долу и исплашено стоело така додека траел прегледот, несвесен за она што му се случило.

Поради целото измачување во текот на ноќта, децата го запоставиле учењето и веќе не оделе на училиште. Токму поради ова, тие се пренесени во центар за социјална грижа. По неколку дена, шерифот на полицијата Валери Вашингтон решила да ја посети мајката, со уште тројца полицајци, кои ја сликале куќата. За време на нивната посета се слушале различни гласови, а подоцна на сликите јасно се гледале избледени лица кои шетале низ домот.

- На почеток кога слушнав, не можев да поверувам и се смеев на Латоја, бидејќи не верував во нешто слично. Но, кога слушав звуци и подоцна кога ги видов сликите и лошото 9-годишно момче како ме гледа низ прозор, јас се преплашив! Што сè не постои на овој свет?!, изјави еден од полицајците.

Бидејќи измачувањето продолжило, а многу повеќе се одразувало на децата и покрај тоа што не биле дома, свештеникот решил да изврши егзорцизам на трите дечиња. За време на егзорцизмот присуствувал и шерифот и полицајците. Тоа било едно неописливо и страшно искуство.

- Чувствуваш дека има некој во собата, дека некој ти диши во вратот, дека е до тебе..а не го гледаш!, изјави шерифот.

По овој страшен и измачувачки егзорцизам, демоните веќе не ги опседнувале децата, ниту пак куќата. Латоја успеала да собере средства и да се пресели, а потоа си ги вратила назад и своите деца. По кратко време, друга фамилија се преселила во истата куќа, но до сега не се појавиле знаци на демони, ниту пак на опседнатост. Како и да е, Латоја ве советува да бидете внимателни кога слушате одредени звуци дома, бидејќи навистина постојат виши сили, кои можат да ви го загорчат животот!