Деца

Од фотографија открила дека бебето има рак......................

27/08, 12:57

Маделејн Роб се допишувала преку интернет со една жена од Америка, и, иако никогаш не се сретнале, тие две станале добри пријателки.

Меган преку меил и испратила фотографија од роденденот на својата ќерка, која што полнела една година.

Но, Маделејн на сликата здогледала нешто невообичаено. Сенката преку едното око на девојчето и разбудило кај неа сомнеж за болест. Набргу на својата американска пријателка и испратила порака во која и советува да побара помош од лекар.

Кај бебето бил дијагностициран агресивен вид на рак – ретинобластома, а набргу и било направено операција и хемотерапија.

Двете мајки имале деца родени во ист ден и тие секогаш им биле омилена тема во нивните интернет разговори.

Но, кога госпоѓата Роб ја видела фотографијата знаела дека нешто не е во ред.

“Препознав нешто што го прочитав во една статија во весник“, вели таа.

“Окото рефлектираше светлина, но она што беше невообичаено е дека тоа не се појавуваше само на една фотографија, туку на сите“, додава таа.

Меган Сантос истиот ден кога ја примила пораката го однела бебето кај лекар и состојбата е дијагностицирана. Она што е интересно е дека овој редок вид на рак може да се открие во раната фаза преку фотографиите.

Госпоѓата Сантос вели дека не може доволно да се заблагодари на својата интернет пријателка за советот.

“Ако Маделеијн не го забележеше тоа, кој знае кога ќе го однесевме бебето на лекар. Освен преку интернет пораките, навистина не се познаваме. Долго размислувала дали да ми го испрати тој мејл и сега ми е драго што го направи тоа. Би сакала да ја запознаам во живо и да ја прегрнам. Таа е причината што нашето бебе ќе го доживее вториот роденден“, додава Меган Сантос.

Бебето, за жал, ќе го изгуби окото, но лекарите велат дека шансите да преживее се многу поголеми благодарение на раната дијагноза.