Како ви ѕвони мобилниот

 

Внимателно со рингтонови

Рингтонот на мобилниот телефон може да биде било што. Може да го имитира звукот на старомоден телефон, да репродуцира поп-хит од 80-те, па дури и да звучи како крекање на жаба.

Но, во одредени општествени средини најбезбедно е да внимавате што ставате како рингтон. Кога сте излезени со пријатели или со колеги од работа стилски најелегантен избор ви е отворена мелодија или нечујни вибрации. Ако рингтонот ви е звучи како да пуштате вода во веце, другите може да се вознемират.

Едноставно кажано, рингтоновите зборуваат за стилот исто како и облеката, чевлите и шминката. Тие кажуваат многу за сопственикот на телефонот. Музичкиот вкус на една личност, изразен преку рингтонот, може да биде показател за тоа каква личност е тој/таа, вели Агнешка Зилок, од рингтон провајдерот "Јамба" во Берлин.

"Немаме често прилика да се прошараме низ нечија музичка колекција, а рингтонот зборува многу за една личност па е полесно да се допре до него/неа" вели Зилок. Такму затоа "Јамба" темелно ги проучува своите корисници.

Листата на песни кои ги имаме групирано не мора да значи дека е конечна и значенска, но може да значи многу кога запознавате нови луѓе, додава Зилок.

 

"Ако некој симнал песна од Боб Дилан или Џими Хендрикс за својот мобилен телефон, значи дека таа личност најверојатно многу размислува и се интересира за различни работи. Тоа е знак дека таа личност е креативна, паметна и со отворени сфаќања. Од друга страна, доколку од нечиј телефон ја слушнеме возбудливата песна "Фитил" на групата "Продиџи", најверојатно сопственикот на тој телефон има чуден вкус за многу работи и авантуристички дух" вели Зилок, маркетинг експерт.

"Таа личност прифаќа ризици и открива нови возбудливи искуства, за разлика од некој кој избира музика од Бритни Спирс или Кристина Агилера, што значи дека повеќе сака да излегува во дискотеки со пријатели" додава Зилок.