Свирки, концерти, клубски настапи...

Време е за нашиот мал јубилеј. Ви го претставуваме Плагиј.ат event-от број 10, концертот на два одлични бендови кои доаѓаат од просторите на поранешна Југославија: Coma Stereo од Марибор и Fjodor од Загреб.


Сакајќи или не, стана традиција концертите организирани од наша страна да содржат пост-рок елементи во себе, па и овој пат нема да биде ништо поразлично. Можеме да најавиме уште едно вистинско аудио-визуелно доживување за сите фанови на овој жанр.
Нивниот настап во нашиот главен град е дел од балканската турнеја која опфаќа девет градови. Концертот во Скопје ќе се случи на 24.10.2008 (петок). Почетокот е закажан за 21 часот, а цената на влезницата е 150 денари.
Ден подоцна ќе настапат и во штипскиот Дом на млади.


COMA STEREO (Марибор)
Coma Stereo се основани во 2003 година во Марибор. Во сегашната постава свират Томаж к*реж (вокал и гитара), Домен Репник (тапани), Сашо Стаматовски (синтисајзер и секвенцер) и Марко Ширец (бас). Нивната музика ја опишуваат како мрачна мешавина од лајв-електроника/амбиент, гитари и моќен бас. Инспирација црпат од постарата СФ-литература и филмови. Во својата кратка историја имаат впишано над 60 концерти во Словенија, Италија, Германија, Холандија и во Англија. Делеле сцена со имиња како Cul de Sac, 31 Knots, Damo Suzuki и Experimental Dental School. Зад себе имаат едно EP - I can programme myself whenever I want to (Marsiglia Records) и албум - Binary Endings (Solar Pulse Music). Летово го снимија вториот албум, кој наскоро треба да се појави на музичкиот пазар..

Официјална веб страна
Мајспејс профил

FJODOR (Загреб)
Fjodor би можеле да ги прогласиме за директни наследници на загрепскиот underground состав Acoustic Beefsteak. Денес во бендот се: Иван Беуц (гитара), Иван Аранѓеловиќ (синтисајзер), Аљоша Рељиќ (тапани), Мирко Голубиќ (бас) и Тена Новак (виолина). Членовите на Fjodor имаат соработувано со многу музичари од регионот (Owie Pockshull, Seven That Spells, Tena Novak, Zemlja broj 9, Coma Stereo...). Веќе е традиција секоја година во близината на Загреб да организираат илегална psychedelic забава за која се раскажува долго време по нејзиното одржување.

Мајспејс профил



Концертот на Ласт.фм

 

И толку!... Тоа ли е најдоброто од Македонија?!...

 

Мислам, не спорам за квалитетот на претходно наведените, ама не е тоа се што имаме... Каде се другите, барем на државен празник да се појават, да отсвират нешто..