Може ли христијанин да се зачлени во масо

Како не... секој ден.

Хм... тоа е доста "филозофско" размислување...
Идејата позади тоа е дека квалитетите кај еден човек (кои се предуслов да станеш масон), се работи кои ги развиваш од раѓањето, целиот свој живот, така што - кога ќе станеш член на ложата, ти веќе си бил масон во своето "битие".
Кога ќе размислиш, може да се каже дека е така - секој од нас во себе ги носи тие квалитети, некој ги остава скриени цел живот, некој ги отстранува работите кои ги покриваат и им пречат... иако не се согласувам апсолутно со таа теза. Особено што да се биде масон, е многу повеќе од тоа да се биде само добар и квалитетен човек (тоа е предуслов, но не се).

MASON ZNACI SLOBODEN ZIDAR NA STO ZIDAR I JAS SAKAM DA SUM MASON

zidarski- znaci ako sme tolku dobri zidari vo taja smisla kako sto mislis ce stanime site masoni? ili ce sonuvame za podobro utre                            

Vidi majkata... interesna tema, dali e vistinita taa grupa ili se samo shpekulacii, ima li dokazi za iznesenite tvrdenja ovde ?

Masonstvoto e interesen fenomen... za nas sepak fenomen. jas mislam deka postojat razni drushtva, religii, sekti i neznam ushte shto no, kako shto gledam maloto covece koe neznae nishto poveke od ona shto go gleda na zidot prednego, si bara samo zamisli za nekoj vinovnik koj e vinoven za toa shto toa covece neznae shto ponatamu od zidot i senkata koja si ja gleda cel zivot.

Здравко - за масонството се знае многу и се знае одамна. Не е тајна организација како што се мисли и не е точно дека не смее да се кажува кој е член. Не е во ред да се зборува за други луѓе (освен ако јавно не се изјасниле), но тоа влегува во општо човечка култура, нели? А секој за себе - има право да зборува слободно. Секоја Голема Ложа во светот има веб-страница, повеќето индивидуални ложи дури имаат свои страници, на кои јавно се изложени адресите и датумите на собирите, како и останатите активности. Има барем едно 100-тина масонски форуми, кои се достапни и за масони и за немасони, за дискусии и општа информација.

Мајкл - еве одговор едно по едно...

Majkl напиша: zidarski, ти благодарам за обемните информации изнесени за масонството. Сите твои постови во темава ги прочитав.

Драго ми е ако можам да допринесам кон општата информираност на темава.

Дали е клубот ROTARY INTERNATIONAL масонска организација или поврзана со масонството? a LIONS клубот? Дали е Bai 'n Bai ритуалот масонска организација?

Не, ниедна од овие не е масонска организација, иако речиси сите ги поистоветуваат. Нема ништо заедничко, освен што некои масони се членови и на Ротари или Лајонс. Ротари и Лајонс се клуб организации, со хуманитарна цел - не се занимаваат со лична надградба и наобразбна на своите членови и немаат езотеричка природа.

Пирамидата и се`гледачкото око представена на банкнота од 1 Американски долар има врска со масонството или со некои други тајни(или јавни) организации?

Да, и едното и другото се поставени во крајот на 18-тиот век на доларот, под влијание на двајца масони уметници, кои се во комисијата која го креира изгледот на банкнотата (останатите членови, мислам 3ца, не се масони).
Пирамидата не е "официјален" симбол, односно не присуствува во ритуалот по никаков начин. Симболички претставува дека градбата е недовршена и дека делот кој се довршува (врвот) е духовен, а не материјален (каде што е поставено окото).
Окото од друга страна е библиска позајмица - Окото кое се гледа (се мисли на Бог). Симболиката - при затворањето на церемонијата, секогаш се потсетуваат членовите да бидат примерни граѓани и добри сопрузи и татковци, да бидат верни и предани и во јавност и приватно, затоа што Севидливото Око на Севишниот секаде и секогаш не гледа (односно - и да направиш грев и никој да не дознае - на оној свет, ќе платиш за тоа, затоа што Тој се гледа).

Дали е точно дека Адолф Хитлер(или Национал-социјалистичката партија на Германија) крваво ги прогонувала масоните?

Да. Во периодот на втората светска војна, единствено нешто што било полошо од тоа да си евреин, било да си масон. Евреите дури имале шанса да преживеат во логорите понекогаш, додека масоните сите биле казнети со смрт. Во тој период убива илјадници масони во Германија, Полска, Франција, Холандија... При навлегувањето на германските војски во соодветните земји, ложите ги палеле членските списоци, за да не се дознае кој е член, но сепак - за многу луѓе се знаело и јавно - и биле елиминирани веднаш. Зградите на ложите биле палени или преправани во штабови на нацистите. Дури семејствата на масоните биле целосно апсени и праќани во логори.
Но не е само Хитлер - Мусолини го прави истото... но најлош од сите бил Франко. Франко - чиј татко (разведен од мајка му) и брат се масони, ги мрази од дното на душата и врши невидени убиства и погроми. Казната е смрт и се изведува на место, без судење. И тоа - не само за масонот, туку за целото семејство, како и за секој кој бил поврзан со него, а не го пријавил. Во Шпанија пред граѓанската војна има околу 5.000 масони. Под обвинување за масонство или поврзаност со масоните се убиени над 80.000 луѓе!
За време на комунизмот има исти дејства од страна на Соц блокот (освен Југославија и Куба).
Ова верувам е доволно добро објаснување зошто во Европа масонството е толку скриено и ретко кој јавно зборува за тоа (освен во Франција, Англија и Шкотска, каде е сеприсутно во јавниот живот). Затоа што ако нешто слично се случи пак како 2ра светска војна - луѓето сакаат да се заштитат. Во Америка и Канада - е многу јавно и никогаш немало сериозни проблеми.

Дали е точно дека Јосип Броз Тито бил Масон? А Черчил? А Нил Армстронг(што слета на месечината)?

За Тито се претпоставува. Има јасни индикации дека бил, но нема сочувана членска книшка, така што не може да се каже "да, сигурно бил". Но има премногу индикации дека бил, како и присуства на чисто масонски собири (што не би било инаку можно). Истотака - во СФРЈ, масонството не беше забрането, туку беше прогласено за "непотребно" и елемент од минатото, кој не е потребен во совршеното ново општество. Во исто време - речиси целиот ЈУ врв (првиот) се состои од масони - Рибар, Кардељ, Крлежа, Иво Андриќ итн...
Черчил бил масон, Армстронг истотака, како и Баз Алдрин (астронаутот кој слета со него).
Единствена соц земја каде што легално постои масонството цело време е Куба. Поединечни масони биле апсени заради пројави на продемократски идеи, но како целост не било никогаш забрането и се многу активни.

Разбрав дека во масонските ложи не се дискутира за политика. Но дали масоните како организација, имаат некаков став во врска со војните(праведни, неправедни)?

Официјален став никогаш не се изнесува. Во врска со ништо (освен со директната работа на ложите). Не е масонството тоа кое треба да се занимава со светот, туку поединечниот масон. Секој си има свое политичко убедување и погледи, но сите се луѓе со високи морални и човечки вредности, па е нормално тоа да го пренесат и во своите секојдневни активности (било бизнис, политика или било што друго).

Бидејќи масоните ја поздравуваат интелектуалната надградба на човекот и користењето на истиот за подобар свет, дали тие како организација имаат конкретен и единствен став за на пр.: - Генетскиот инжинеринг? - пресадувањето човечки органи?

Не. Масоните немаат единствен став околу ништо. Сериозно. Секој се води од сопствените морални вредности и норми. Секој се води од сопствените религиски, социјални и политички убедувања, а масонството служи како алатка, како орудие со кое се применуваат и поттикнуваат тие норми.
Лично познавам масон кој е генетичар (еден од подобрите во светот и се занимава со генетика поврзана со ракови заболувања), но познавам и масон кој е крајно против мешањето во генетиката на човекот, животните и растенијата.
Истото се однесува и за прашања како абортусот, пресадувањето на органи, еутаназија, хомосексуалност...
Нема потреба да имаат единствен став. Секој од нив работи за доброто на заедницата, за доброто на средината, и не наштетува никому. Тоа што имаме различни ставови, не пречи на работата на едниот или другиот. Секој се води од сопствениот морален компас и не може некој да му каже дека треба вака или онака да прави, затоа што тогаш тоа нема да е негов став, туку нечиј туѓ.
Единствено што се бара (тоа е услов) - е да се има толерантност кон другите и кон нивното размислување и определба. Секогаш. Секое размислување и сечиј став има вредност и треба да се разгледа и да се прецени.

Благодарам.

Ти благодарам и јас на интересот и се надевам дека ги одговорив прашањата. Ако има нешто нејасно - слободно прашај.

Изменето од zidarski - 20.Август.2008 во 04:16