Улогата и значењето на сексот во животот

Улогата и значењето на сексот во животот на поединецот

Значењето на сексот во животот на секој поединец е доста комплексна работа и секако дека има големо влијание средината во која расте и живее поединецот и секако степенот на културата, бидејки таа ги дава вредностите кои ги стекнуваме со времето на социјализација и го дава контекстот во кој се развиваме. Може да се каже дека културата дава и некаков, да го наречам self-ideal,  кој како членови на општеството би требало да го интернализираме и да тежнееме кон него. 

Сега да не завлекувам премногу во философирање, бидејки темава сакав да ја обработуваме од психолошки аспект, сакав да кажам дека сексот претставува мошне комплексна работа, бидејки има мноштво улоги и функции како за поединецот така и за неговото пошироко и потесно  опкружување.

Гледано од еволуциски и биолошки аспект, улогата на сексот е репродуктивна и секако јасно е зошто неговата улога не е занемарена и зошто околу сексот се изградени мноштво правила и вредности.

Од друга страна внатрешното, интимното значење на сексот за секој поединец ја има онаа хедонистичка улога...сексот како  уживање,  а секако преку тој вид на уживање, природата не мотивира да се репродуцираме...:)))

Меѓутоа, за разлика од некои други биолошки потреби, сексот не претставува само еднонасочна приватна потреба бидејки за секс ни е потребна и друга страна, па дури и за време на мастурбација воглавно замислуваме некоја личност, или пак гледаме филмови, слики и сл.

Сексот има и интерперсонална улога...мошне е важен за нашата врска со партнерот. Тој  е важен како за продлабочување и јакнење на односите, но и за намалување на напнатоста и како средство за подигање на самодовербата и чувството на задоволство од самиот себе. (Не)задоволството од сексот и доживувањето себеси како личност која е (не)способна за секс и (не)привлечна е мошне важно и за (не)задоволството и (не)исполнувањето во поширок аспект на функционирањето во животот и работата.

Дури и еднократен секс со релативно непозната личност не мора да ја има само функцијата на задоволување на сексуалната потреба и уживање и честопати во такви односи некоја личност се впушта не само затоа што очекува само телесно уживање...

Секако дека сексот не треба да се прецени, бидејки луѓето меѓудругото се разликуваат и по тоа колку сексот им е важен во животот, а секако на тоа влијаат некои претходни искуства, како и воспитанието и начинот на којшто  се формирала личноста,  а истовремено искуставта без разлика дали се лоши или добри повратно влијаат на личноста, и всушност  ова претставува  една сложена интеракција во која се влијае на се...

Како и да е сексот има разни улоги, како  кога и како кому, понекогаш имаш секс за да се намали нервозата, некогаш затоа што си возбуден, предизвикан од партнерот, некогаш  затоа што и двата партнера се во некое посебно `секси` расположение, некогаш сексот претставува природно неминовно продолжение   на флертот...но сето тоа резултира со задоволство, уживање, ослободување (секако доколку бил успешен...ако не, може да резултира со срам, вина, незадоволство од самиот себе...)

И секако да споменам дека постојат и некои генерални разлики помеѓу начинот на кој тој се доживува кај мажите и жените и во неговата улога, кои понекогаш се резултат, последица од некои биолошки, воспитни, културолошки чинители...

Јас за почеток го дадов воведот и мислам дека бев јасна и сега ве молам не се срамете,  повелете, продолжете, ме интересираат вашите искуства и мислења за влијанието на сексот на психата на поединецот!

Изменето од moira - 02.Август.2008 во 04:45

Внеси реплика	страница 12 3 16 >
Tweet