Дали сме наследници на АнтичкитеМакедонци

Дома > Македонија	< name="txtBaraj" id="txtBaraj" size="30" maxlength="70" ="text"> < ="if (of(Page_ClientValidate) == '') Page_ClientValidate(''); " name="ctl04" value="Барај" style="font-family: Verdana; font-size: 10px; font-weight: bold;" ="submit">

Почна прославата на Илинден во Грција

Горан Момировски	Коментари (0)

Атмосферата во Битола е мирна. Според нашите информации, во Овчарани се подготвува теренот за главниот настан на овогодинешниот Свети Илија, настанот на којшто ќе учествува играорната група „Танец“.

Инаку, и покрај неколкудневните пресии коишто ги правеа грчките власти и грчките медиуми, сепак вчера над 5.000 луѓе со македонски песни и ора во селото Овчарани на најдиректен начин на грчкиот премиер Караманлис му порачаа дека не е во право кога вели дека не постои и не постоело македонско малцинство во Грција.

Денеска македонските медиуми без проблем влегуваа во Грција, но тоа не беше случај и со националниот ансамбл за песни и игри „Танец“, коишто откако претходно им беше кажано од страна на грчките власти дека можат да патуваат во Грција, но само на своја сопствена одговорност, сепак собраа храброст и решија да влезат во Грција и да ја презентираат македонската култура таму.

Сепак, околу два часа беа потребни да се завршат сите гранични процедури. Притоа, играорците на „Танец“ беа наредени во линија како осомничени шверцери, при што беа натерани да ги отворат своите торби и да прикажат што се имаат внатре.

Сомнителни беа дури и националните носии во коишто вечерва ќе треба да настапат во Овчарани, па дури и цветните дезени коишто ќе стојат на бината во ова леринско село.

Инаку, А1 дојде до информација дека поради тоа што во текот на утринава на граничниот премин Ники на грчка страна имало собир на 50-ина грчки националисти. На „Танец“ им било сугерирано да патуваат во Грција затоа што би можело да се соочат со инциденти.

За директорот на „Танец“ сепак не постои сила којашто може да ги исплаши играорците да не заминат во Грција или било каде во светот и да ја презентираат македонската култура.

„Не е лесно да се биде Македонец во Грција, но ние немаме избор. Мораме да бидеме тоа што сме“, велат Македонците од Солун, од Серес и од другите места во Грција кои дојдоа на Свети Илија во Овчарани.

Покрај ова, во Лерин е денеска мирно и сите се подготвуваат за настанот кој ќе започне во 21 часот по македонско време.

Во партијата на Македонците „Виножито“, поддршка дадоа и претставниците на Македонците во Бугарија. Претставници на ОМО Илинден Пирин дојдоа лично на членовите да им посакаат среќа и сила во битката којашто допрва претстои за да се овозможи Македонците во Грција да ги почувствуваат сите права согласно со меѓународните конвенции.

За членот на колективното претседателство на „Виножито“ Павле Васкопулос, нема дилема, борбата продолжува, а Македонците во Грција мораат да го живеат животот којшто им е даден од Бога.

„Навистина се големи жртви било кои граѓани на овие држави што сакаат да изразат друг идентитет, поразличен од овие национални, доминантни идентитети, како што се во Грција, така и во Бурагија, а ние, како наши политички активности, како Македонци, дали тука или во Бугарија, сметаме полека да им дадеме позитивен поттик на овие елити уназадени, затворени националисти да почнат отворено да гледаат кон иднината со целосно почитување на овие европски принципи“, вели Павле Воскопусол, „Виножито“.

Инаку, според информации на А1, никогаш досега немало волкав голем број на екипи на грчките медиуми коишто пишуваат и тоа секако, е само добра промоција за борбата на Македонците во Грција.