Со монопол -атак врз тенкиот семеен буџет

Коментар

Студен туш од „Топлификација“

„Топлификација“ добро олади дел од своите корисници во овие жешки летни денови со испораката на мајските сметки за парно греење. Граѓаните останаа замрзнати откако сфатија дека овој пат ќе треба да платат и до 1.000 денари повеќе затоа што компанијата што се грижи за затоплување на нивните домови во зимските месеци,реши и да„лади“во летните месеци.Скопска „Топлификација“ со самоволно воведениот начин на пресметување на потрошената топлинска енергија уште еднаш ја покажа и докажа монополската позиција на пазарот. Без никакво одобрение, законска основа и предупредување таа експериментално ги преиначи сметките за дел од корисниците. Веројатно за да види дали ќе помине идејата. Впрочем, се покажа дека компанијата и лани ги ставила граѓаните на тест. Но повторно била откриена.Иако корисниците се револтирани, а регулаторите изненадени од однесувањето на „Топлификација“, раководството не е многу вознемирено. За раководните лица, не е пречка ниту тоа што Регулаторната комисија за енергетика еднаш веќе го одбила барањето за ваква наплата, ниту што во официјалниот тарифник за греење на становите е предвидено да се плаќа според квадратурата на домот. Надлежните во „Топлификација“ треба да одговорат зошто почнале со ваква наплата, а немаат поставено калориметри во секој стан. Тоа е потребно за да се знае кој корисник колку топлинска енергија потрошил. Некои станари имаат поставено по дваесетина ребра на радијаторите и кај нив пука од топло, а другите што гледаат на север ништо не може да ги стопли.

Корисниците секоја зима го чувствуваат монополскиот однос на „Топлификација“. Никој не сака да ги чуе нивните жалби поради тоа што и при најмал зрак од зимското сонце остануваат без парно, а навечер се под ќебе уште во 21 часот. А во такви услови не знаат ни колку топлинска енергија добиваат ни колку плаќаат. Ако на „Топлификација“ не и' одговара цената што корисниците ја плаќаат за парно греење, таа треба да побара нејзина корекција од Регулаторната комисија за енергетика. Но, за тоа има постапка и утврдени критериуми, а не самоволно да наметнување незаконски модели на пресметка на испорачаната топлинска енергија. За жал, кога надлежните институции се инертни и чекаат граѓаните да поднесат претставка за да реагираат, сосема е очекувано ваквото однесување на „Топлификација“.

Марјан Блажевски

...e pa ajde da ne bideme inertni...

Владата ќе расправа за поскапување на струјата

Македонските домаќинства плаќаат по 50 евра за мегават-час, а во околните земји тој не е помалку од 70 евра

...samo da ni objasnea kolkavi se platite...tamu ...tuka...

„Топлификација“ ќе порамнува сметки со домаќинства кои се поголеми потрошувачи

„Топлификација“ става крај на паушално наплатената потрошена топлинска енергија

АД „Топлификација“ ќе им понуди модалитет на порамнување на сметките на домаќинствата кои трошат топлинска енергија пет отсто повеќе од предвиденото. Ваквите потрошувачи ќе бидат регистрирани во авансни и два месеца во годината со нив „Топлификација“ ќе ги порамнува сметките, односно таа ќе им врати пари или ќе побара од нив да го доплатат она што го потрошиле и претходно не го платиле. Од „Топлификација“ објаснуваат дека му доаѓа крајот на паушалното наплаќање на повеќе потрошената топлинска енергија. На пример, велат оттаму, ако за стан од 60 квадратни метри се предвидени 100 единици топлинска енергија за да се постигне внатрешна температура од 20 Целзиусови степени (плус-минус еден степен) на одредена надворешна температура, а потрошувачот потрошил 120 единици, тогаш сигурно има надградено радијатори и за тоа ќе мора да си плати.

Претпријатието најавува дека од идната година ќе инвестира околу 10 милиони евра и кај сите 52 илјади потрошувачи ќе постави вентили-испарувачи на радијаторите во нивните домови. Секој станар ќе треба во просек да издвои од 150 до 200 евра за нивно поставување и, дефинитивно, самиот ќе може да го затвори вентилот на радијаторот што ќе сака да го исклучи. Така секој потрошувач ќе има можност да одреди кои простории ќе ги грее, а кои не и ќе може да штеди. Вкупната сума што треба да се плати за овие вентили-испарувачи секој станар ќе ја плаќа на рати и месечно ќе издвојува во просек од 10 до 12 евра. Преку овие специјални вентили ќе се мери целокупната потрошена топлинска енергија, која потрошувачот и реално ќе ја плати, тврдат од „Топлификација“. (Сн.К.)

...mozelo da se stavi red... samo  dodeka se moze...se moze da se graba... molceshe narodot...moceshe toplifikacija..