EURO 2008

Пеколен портокал

             Холандија
ја шокираше Италија, актуелниот светски првак, совладувајќи ја со 3:0
во натпреварот од групата Ц на Европското првенство во Австрија и
Швајцарија. Руд ван Нистелрој и Весли Снајдер беа стрелци во првото
полувреме, а одличниот дефанзивец Џо

                 Холандија ја шокираше Италија, актуелниот светски првак, совладувајќи
ја со 3:0 во натпреварот од групата Ц на Европското првенство во
Австрија и Швајцарија. Руд ван Нистелрој и Весли Снајдер беа стрелци во
првото полувреме, а одличниот дефанзивец Џовани ван Бронкхорст го
додаде третиот гол по еден контранапад на десет минути до крајот за
најтешкиот пораз на Италијанците во историјата на натпреварувањето. 

- Ова не остави неверојатно горди и со одлично чувство. Првиот
натпревар секогаш е екстремно важен и да и го направиш ова на Италија,
тоа ни дава многу самодоверба - кажа Снајдер.

Холанѓаните имаа проблеми со повредените играчи, но Италијанците
започнаа со деветмина репрезентативци со над 30 години и не можеа да се
справат со креативноста на "портокаловите". 

- Ова е историско постигнување. Ова беше Италија, светскиот шампион. Не
можам да именувам ниту еден играч што одигра слабо - рече холандскиот
селектор Марко ван Бастен.

Едвин ван дер Сар, 37-годишниот голман на Холандија, имаше одлична
интервенција по слободниот удар на Андреа Пирло и спречи Италијанците
да се вратат во игра во 78. минута. 

Најдобриот италијански дефанзивец Фабио Канаваро се повреди непосредно
пред првенството и Марко Матераци, херојот од СП 2006, требаше да го
земе неговото место. Тоа не успеа.

Матераци не можеше да го следи темпото на Ван Нистелрој и, да биде уште
полошо, мораше да биде заменет во 53. минута со Фабио Гросо. Селекторот
Донадони мораше повторно да ја осмислува одбраната место да го засили
нападот.

Победата и стави крај на 30-годишната суша на Холандија против Италија,
која ја елиминираше во полуфиналето на ЕП 2000, чии домаќини беа
Холанѓаните.

***

- Ова е најтешкиот пораз на Италија на европските првенства. Претходно,
само уште двапати има загубено со три гола разлика на големите
натпреварувања: 1:4 од Швајцарија на СП 1954 и 1:4 од Бразил во
финалето на СП 1970.

- Италија ја изведе највозрасната прва постава во историјата на ЕП. Првите 11-мина во просек имаа 31 година и 52 дена.

- Весли Снајдер постигна гол на својот 24. роденден. Тоа досега му
успеало само на уште еден фудбалер: Французинот Жан-Франсоа Домерг во
победата над Португалија од 3:2 во 1984 година.

- Едвин ван дер Сар и Алесандро дел Пјеро настапија на четвртото ЕП по
ред и со 14 мечеви се израмнија на второто место со Лотар Матеус и со
Петер Шмајхел. 

Изменето од blueprayer - 11.Јуни.2008 во 16:54

Прашање: Кој ќе биде новиот европски шампион?
Одговор	Гласови	Статистика
Италија	11	[17,46%]
Холандија	11	[17,46%]
Франција	1	[1,59%]
Германија	16	[25,40%]
Португалија	7	[11,11%]
Шпанија	7	[11,11%]
Хрватска	3	[4,76%]
Друга земја	7	[11,11%]
Не може да гласате на оваа анкета

Внеси реплика	страница <1 18 192021 22 79 >
Tweet