Верска поезија

Петте рани

Како ли ќе дојдам Боже,
пред Тебе на небо?
Гревот мој е голем Боже,
со што ќе го платам?

Правдата што Ти ја бараш,
во мене ја нема.
Светоста што Ти ја имаш,
никој друг ја нема,
никој друг ја нема.

Петте рани Твои мене ќе ме бранат,
петте рани Твои за мене ќе платат,
петте рани Твои Христе од Голгота,
петте рани Твои живот што ми значат,
живот што ми значат.

Бог го помни оној ден, оној ден пред Велигден,
кога Христос страдаше, смртна казна трпеше.
Умирам Јас за тебе, за тебе еј, грешниче!
Твојот грев до смрт ме донесе, умирам Јас за тебе!
Бог ја помни таа ноќ, таа ладна, црна ноќ,
таму в Гетсеманија, беше во агонија.

Бог ја помни Голгота, таа страшна срамота:
Христос го понижија и на крст го распнаа.

Сепак дојде весел ден, оној славен Велигден!
Христос од гроб воскресна, тебе да те оправда.
Живеам јас за тебе, за тебе еј, грешниче!
Дење, ноќе молам за тебе, ти да дојдеш кај Мене!
Денес пак е весел ден, пак е славен Велигден!
Сега имаш прилика, да Му пратиш порака:
Доаѓам јас кај Тебе, кај Тебе мој Господе!
Мојот живот ти го предавам, за Тебе јас живеам!

На зимската мора крај и доаѓа
и пролетна живост пак настапува:
низ планини потоци жуборат,
ливадите раскошно цветаат,
Велигденски денови душата ни ја веселат.

Реф: На Велигден, на Велигден,
 нов живот блика отсекаде,
 на Велигден, на Велигден,
 спомни си дека си бесмртен.

Во Господа имај душо доверба:
кој во Него верува - не умира;
и телото наше да се распадне -
со Божјата сила пак ќе воскресне,
Велигденски денови за душата Бог ќе донесе.

Реф:

На Велигден, штом ќе чуеш поздрави:
"Христос воскресе" - ќе се објави,
срцето нека ти прошепоти:
"Јас верувам во Тебе, Господи;' 
Велигденски Денови за мене Христос подготвил".

Реф:

На Голгота беше прободен,
тоа зборува колку ме љубиш.
Трновиот венец е знак дека Ти,
поднесе бол за мене.

Кога небото ќе помине,
Твојте рани ќе останат,
лузните ќе зборуваат
колку ме љубиш
и сега морам да речам...

Засекогаш си, во моето срце,
мојот живот Ти припаѓа Тебе. / x2