Жени ???

Кој ли беше тикварот во историјата што прв пат ги нарече жените „понежниот пол„? Од тој ден до денес живееме со предрасудата дека самото поседување на навнатре увиени гениталии автоматски ги облагородува половината членови на човечката раса со доблести од типот на нежност, мирољубивост, општочовечка емпатија, и помала подготвеност да ти ги исчукаат забите низ анусот само затоа што си им истурил пиво врз грбот (нели Збунет? ).

Е не во овој пост.

Секако дека во аналите на историјата се забележани многу повеќе геноцидни психопати со пар тестиси отколку без истите, но дали тоа се должи на некаква вродена женска добробит, или едноставно социјалните прилики низ историјата им пружиле на момите далеку помалку прилики да се докажат? А оние што ја добиле шансата богами се потрудиле во име на феминистичката кауза да надоместат за сите нивни дискриминирани претходнички и да докажат дека и во бруталноста можат да бидат рамо до рамо со мажите.

Интересно е што неколку очигледни познати теткици не се најдоа на листата: Катрин де Медичи, касапот на илјадници Хугеноти (француски Протестанти) од Масакрот на Бартоломејската Ноќ 1572? Извини срц, едноставно не е доволно добро. Блади Мери, Кралицата на Шкотите? Да испечеш на клада стотици Протестанти е импресивно, ама сепак втора лига во случајов. Катерина Велика, руската буцка царица? Нејзината бруталност е за почит, како и меракот за изразито надарени војсководци од нејзината коњаница, па и гласините за секс со нивните коњи(!), но сега си имаме работа со правите девојки. (За претходниве три, ги препорачувам филмовите „La Reine Margot„, „Elizabeth„ и „Young Catherine„)

Од женскиве кои следат на секој маж треба да му рипне нагоре ташак-торбичето и да му се собере како плашлив избричен хрчак. Да ги претставиме нашите дами на јадот и чемерот:

Султана Косем (Отоманско Царство 1585-1651)

Еве една наша Балканка за почеток. Добро, не баш наша. Оваа да ти била грчка мома кога ја главил султанот за анама, и и направил двајца суртуци: Мурат IV и Ибрахим I Лудиот - и двајцата подоцна станале едни од најлудите султани во отоманската историја (првиот наредил да се удават неколку жени кои пееле во градината затоа што му правеле галама, а овој вториов си го фрлил целиот харем од 280 жени заврзани во вреќи во морето, на пример). Тоа дека султановите жени сите биле уќутени забулени секс-робинки го препишуваме на македонската образовна пропаганда од основно. Стале Попов гомна да јаде. Калеш Анѓа да знаела да се ебе како што се моли, можела далеку да дотурка, па и за државава нешто да направи. Ете ти, затоа Грците отсекогаш поусшешни од нас.

Косем, плашејќи се од влијанието на другите жени во харемот врз нејзините синови престолонаследници, кога веќе не можела да ги одврати жените од нив (иако се обидела преку тоа што задавила неколку), мислела дека е попаметно ако ги одврати синовите од жените. Мурат го терала да се секса со мажи, што подоцна придонело за неговата сексуална конфузија и лудило, а другиот, Ибрахим, го држела под постојано дејство на психотични дроги затворен во една мала соба без прозорци до 25-тата година и го опсипувала со најдебелите жени во харемот, 150 кила и нагоре (Турците до душа општо земено си имаат слабост за дебелки). Откако Ибрахим станал султан и не одел саде по нејзин ќеф, им помогнала на јаничарите да го симнат од власт и убијат. Подоцна се обидела да изврши атентат и врз нејзиниот внук Мехмед IV, но бадијала. На крај, задавувајќи ја, повратен билет за пеколот и обезбедил телохранителот на Мехмед.

Матилда де Каноса (Италија 1046-1115)

Матилда де Каноса со папата

Низ историјата, многу жени осознале дека најефикасниот метод да се дограбиш до моќ и престиж се пар нозе отворени при погодна прилика. Матилда, како вистински виртуоз на оваа уметност, е една од нив. Значителен дел од европската историја зависел од тоа кому му се доделени правата за пристап до нејзината дундица во секој даден момент. „Влијание„ обезбедила кај папата Григориј VII, и како негова пратиља се закачнала и со Германскиот император Хајнрих IV, против кого лично, на коњ и цела конзервирана во комплетен витешки аутфит ги предводела папските војски. На 43 години, се мажи за 17-годишниот Војвода Велф од Баварија. После 6 години, и се здосадило од малиот па се спанџала со уште помладиот и пополетен 19-годишен син на императорот Хајнрих IV – принцот наследник Конрад, кого го „убедила„ да се сврте и побуни против својот татко. Денес може да го видите она што останало од нејзините славни нозе во базиликата "Свети Петар" во Рим.

Зое (Византија 978-1050)

Зое (десно) во друштво на Константин IX (лево) и Исус Христос (центар)

Еве и една „наша„ - условно, една од најпознатите царици на Византија од македонската династија, но кога ќе се погледне нејзиното досие и не е многу ласкаво да си ја присвојуваме. За Зое византиските хроничари напишале дека била убава „како печено пиле, секој нејзин дел бил цврст и во добра состојба„. Ваквиот живинарски опис можеби се должел на фактот што Зое и покрај своите 50 години, кога по смртта на својот татко конечно го презема престолот (значи „порфирогенита„), немала воопшто брчки се до 60тата, благодарение на византиските козметички мирудии со кои се мачкала. Зое била во принцип исфрустрирана кучка – сестра и Теодора ја протерала на манастир, обвинувајќи ја за соработка со Бугарите. Бидејќи бракот на Зое уследил по нејзиниот климактериум, оваа била пис бесна на мажа си Роман III, затоа што не можел да и направи деца, па така во 1034 заедно со својот љубовник Михаил, обичен дворјанин од селска фамилија, го убива Роман во када, и уште истиот ден се мажи со Михаил, по што овој станува византиски цар Михаил IV (подоцна истиот оној што ќе го скине Петар Делјан). Откако во 1041 нејзиниот посвоен син ја презема власта и ја шутнува неговата маќеа на страна (голема грешка, малечок!), мама Зое се враќа заедно со Теодора и само една година подоцна го ослепува посвоениот син (ех, византиски навики) и го протерува во манастир. Откако и се здосадува да владее заедно со сестра и Теодора, се мажи по трет пат (последна шанса според правилата на Православната Црква тоа време) за Константин IX Мономах и скинува конци неколку години подоцна.

Света Ирена (Византија 752-803)

Ако го носите ова свето име и задутре на 9. Август имате именден, можеби е редно да се запознаете и со оваа пресвета светица во православниот свет. Ко за почеток инсистирала да ја викаат „цар„ наместо „царица„. Во 790 нејзиниот роден син Константин се прогласува за цар наместо неа. Пресветата Ирена е малку љубоморна на власта, па му организира завера и во 792 го симнува од престолот, наредува да му ги ископаат очите, по што Константин умира по неколку дена од раните. Сепак, Ирена својата светост за век и веков си ја обезбедила со одлуката со која го осудила и забранила иконоборството и ги вратила византиските икони назад во црквите. Да не богохулиме против светците и понатаму, доста е за неа.

Ержебет Батори (Трансилванија 1561-1614)

Еве мома која е од прва рака е заслужна за лезбејско-вампирските приказни кои се вртат денеска по порно-готик сајтовите, инспирација за сите малечки к*рветинки на гроф Дракула што постојано го опкружуваат во филмовите. Ержебет Батори била родена во престижната унгарска благородничка фамилија Батори. На 9 години ја свршуваат за грофот Ференш Надажди, но веќе на 13 години ја раѓа својата прва ќерка од друг маж, па за да не си го расипе планираниот брак со Надажди, кој се склучил една година подоцна, морала бебето да го даде бог знае каде. Додека нејзиниот сопруг бил зафатен со војната со Турците, Ержебет развила мошне плодна садо-мазохистичка кариера на нејзиниот имот во близина на Замокот Чахтице. Најцрните сведоштва ја обвинуваат дека била виновна за смрт од претерано тепање и измачување на дури 500 селски девојки, кои ги намамила да дојдат на нејзиниот замок, демек нудејќи им работа и к*рсеви по двроски бонтон. Но она што всушност им го пружила биле сурови тепања, сакатења, гризеви по лицето, рацете, гениталиите, замрзнување до смрт, изгладнувања, и слични други стандардни и помалку стандардни практики од садистичката палета на услуги, меѓу другото употребувајќи ја и својата завидна колекција на дилда и разно разни дроги. Еднаш педагошки и ја сошила устата на некоја девојка која „многу зборувала„, а ако се сомневала дека некоја слугинка краде пари, ја соблакала гола и ја бележела со вжештени парички. Подоценжните легедни ја обвинувале дека се капела во крвта на своите жртви за да може да си ја одржува младоста, но овие се веројатно(!?) претерани приказни. И се ќе било в ред да не се закачнела Ержебет со Германскиот кајзер (Dont f**k with ze deutschen). Набрзо и пратиле комисија свештиници кои ја осудиле нејзе и нејзините најблиски слуги за застрашување, измачување, вештерство и паганизам. На двајца од слугите им биле откорнати ноктите пред да бидат фрлени во огнот, а на третиот, како помалку виновен, му ја отсекле главата пред да го запалат, додека самата Ержебет Батори жива ја заѕидале во една кула, каде по четири години испуштила душа.

Ву Жао (Кина 625-705)

Коге се зафаќаме со Кинезите, веќе знаеме дека сме во тешка категорија. Родена во обична благородничка фамилија (патем, на иста дата како и Сатаниел), Ву веќе на 13 години влегува во к*рварникот на императорот Таицонг (имињава се уби боже, ако добро сум ги превел) како една од неговите многу конкубини. Дали поради мало искуство, големи стапала или едноставно лоша карма, Ву не успеала да се наметне како конкубински деликатес, па откако императорот умрел, сите негови конкубини со кои тој немал деца, меѓу кои и 25-годишната Ву, ги избричиле на кец (главата) и ги пратиле да бидат калуѓерки по будистички манастири, каде во мира ќе можеле да си медитираат до крајот на животот. Арно ама за секое јинг има и јанг, па откако новиот император Гаоцонг ќе ја бендиса, Ву успева да се врати на дворот и тоа по ургенции на неговата жена, императорката Ванг, со цел да го оттргне императорот од влијанието на некоја друга конкубина Ксјао. Тука Ву успева за кратко време да се изебе до самиот врв на конкубарникот и да го убеди императорот да ја направи неа императорка, додека другиве две, Ванг и Ксјао, ги обвинила за вештерство и наредила да се затворат. За да го сврти императорот против неговата поранешна жена, тогашните кинески хроничари верувале дека Ву си ја убила дури и сопствената новородена ќерка, само за да ја обвини императорката Ванг за убиството. Како и да е, Ву откако станала императорка продолжила мирно да ги убива сите конкубини и постари советници на императорот, кои и се спротивставувале или ја обвинувале дека нејзиниот брак со императорот Гаоцонг е фактички инцест, бидејќи според кинсеските закони ако некоја конкубина се сексала со таткото (како што се верувало за Ву со претходниот император Таицонг), тогаш немала право истото и со синот (Гаоцонг). Настрана интригите, Ву се покажала како многу способна императорка, бидејќи Гаоцонг бил мивка, па Ву можела ефективно да владее во негово име. И се препишува дека во борбата да задржи влијание над престолот си го убила и најстариот син, а симнала од власт и протерала три останати сина. Конечно, откако и се здосадило да го гледа најмалиот и најнеспособниот син како император, макар и само про форма, му ја симнува и нему круната и се прогласува сама за император-владетел, како првата и единствената жена во целата кинеска историја, и згора на тоа создава и своја династија Жоу на местото од дотогашната Танг, по што мирно си владее уште 15 години се до својата смрт како 80-годишна душа од бабичка.

Будика (Британија 20?-60AD)

Оваа тета е поразлична од досегашниот тренд на дворски плетки и пајажини и крволочни црни вдовици. Будика решила со мажите да се справи на единствениот можен начин кој тие со нивното однесување го заслужиле - „машкиот„. За неа ширењето нозе бил ритуал пред качување на коњ, а под пенетрација подразбирала набивање Римјани на дрвени колци. Будика, наспроти модерниот мит за неа, не била лепотица, дури ни според стандардите на Мрачното Доба (во тоа време 180цм и мускулеста градба не биле манекенски атрибути). Будика била мажена за Прасутагус, поглаварот на келтското племе Ицени. Единствениот начин да можел Просутагус уште повеќе да се потчини на римската власт во Британија било да отиде на аџилак до Рим за јавно да му го испуши на Нерон (нешто што на овега сигурно немало да му пречи). Единствената скромна желба на Просутагус била по сопствената смрт да им ги остави своите владевини на неговите ќерки. Арно ама Римјаните сметале дека женско не може да владее со ништо, па по неговата смрт решиле да го анектираат кралството на Ицените, Будика ја врзале и камшикувале, а нејзините ќерки им ги дале на римските робови да ги силуваат. Е тука веќе се откачува некое шрафче во главата на Будика и решава дека Римјаните има да го папаат за неправдите се додека е таа жива – не за долго за жал. За неколку месеци успева да собере војска од 100,000 Бритонци, околу една десетина од целокупната келтска популација на Британија. Јавајќи на кочија и придружена од нејзините ќерки, Будика тргнува во најголемото касапење во целата Британска историја. Дури 4 градови спалува до земја, вклучувајќи го и Лондон (Лондиниум тогаш) без да остави преживеани. На аристократските жени од највисоките класи им биле исечени цицките и сошени за уста, по што биле набиени на колец, сиот овој ритуал придружен со жртвувања за келтските богови, банкети, славје... Цела една римска легија ја сништила до последниот човек (Ицените немале причина да земаат воени затвореници.) Се верува дека вкупно близу 200,000 луѓе биле масакрирани во востанието, од кои најсурово Бритонците соработници со Римјаните, за кои Будика сметала дека се предавници (иронично, како и самата таа, пред да „полуди„). Конечно римскиот генерал Суетониј иако со многу помала војска ја поразил армијата на Будика, а таа извршила самоубиство веројатно за да избегне камшикување по втор пат или нешто полошо.

Се обидов да најдам слична личност во македонската историја, но ако ферски ги изоставиме најновите фацки (Радмила Шеќеринска, Гордана Јанкуловска), како што во интернационалната конк*ренција исто така ја изоставивме Дора Бакојани, по се изгледа дека најблиско нешто до ваков крвав женски профил ни е Мара Бунева.

/Сатаниел/-te sakam

Внеси реплика	страница <1 12 131415 16 19 >
Tweet