Сакате да вежбате? Ви треба мотивација?

   ВЕЖБИ НА ГОЛЕМА ТОПКА

Работата на топка е забавна, динамична, енергична, но и безбедна. Освен за вежбање, топката се користи во ортопедијата, неврологијата, спортската медицина, ревматологијата, за поттикнување на психомоторниот развој кај децата, за психофизичка подготовка за породување како и за опоравување после породувањето.

Вежбите со голема топка не ги топат килограмите, но со неа можете да ги зацврстите мускулите на стомакот и да го поправите држењето на телото. Вежбите со топки подразбираат мал број движења, но голем број повторувања на тие движења.

Кога и како почнале да се воведуваат вежбите со топка?

Топките за вежбање први почнале да ги користат швајцарските терапевти во 60-тите години на минатиот век. Големиот обем на овие топки (50-60см), се покажал многу ефикасен при санирање на ортопедски проблеми, при поттикнување на педијатриски и невролошки развој, за зголемување на еластичноста и подобрување на рамнотежата. Првите топки за вежбање биле направени од винил, а се произведувале во една италијанска фабрика за играчки. Во почетокот, ги користеле клиничките физиотерапевти, а од неодамна и професионалните спортисти – за постигнување на што подобра кондиција.

На што треба да обрнете внинание пред да почнете со вежбите?

Ако немате искуство, најдобро е прво да почнете да вежбате без топка и, откако ќе стекнете кондиција и ќе ги совладате основните принципи, да прејдете на вежбање со топка. Меѓутоа, без оглед на тоа колку долго вежбате, секогаш може да се случи да го истегнете вратот или да почувствувате болки во долниот дел на ‘рбетот. Во тој случај, вежбите приспособете ги на вашето тело за да не стане болката поинтензивна, но за да вежбањето и инатаму има ефект. Кога ќе се почувствувате подготвени, можете постепено да воведувате понапреден облик на вежбање.

Како да се одбере вистинската топка?

Големите топки, наменети за вежбање, обично ги има во подобро снабдени продавници за спортска опрема. Најчесто се изработени од трослојна гума, што е гаранција за квалитет и издржливост. Потполно се безбедни и не можат да пукнат. Ако воопшто дојде до физичко оштетување (најчесто фабричко), топката полека ќе се издише. Идеална големина на топка е со обем од 55 см, но ако не сте премногу крупни. Вистинската топка за вас е онаа која овозможува, додека седите на неа, аголот меѓу вашите колена и колкови да биде 90 степени.

Предности од вежбање на топка

    * растоварување на сврзното ткиво и зглобовите, што не се постигнува со вежбање на тврд под,

    * оптимално оптоварување на мускулите, без воспаленија и болки,

    * ангажирање на одредена група на мускули кои не се директно вклучени во вежбањето,

    * економично и природно движење, што го овозможува лабилната површина на топката,

    * корекција на држењето на телото,

    * ангажирање на ‘рбетниот столб и на сите зглобови, што ја зголемува подвижноста и еластичноста, па ги опушта скратените мускули.

За што сè се користи топката?

Освен за вежбање, топката се користи во ортопедијата, неврологијата, спортската медицина, ревматологијата, за поттикнување на психомоторниот развој кај децата, за психофизичка подготовка за породување како и за опоравување после породувањето.

Зошто е посебна топката?

Работата на топка е забавна, динамична, енергична, но и безбедна. На крајот, задоволството кое го дава топката, би можело да биде најважна работа која топката им го дава на оние кои вежбаат на неа. Топката е посебна и затоа што не асоцира на детството, но и затоа што прави да се чувствуваме млади и слободни. Скокањето на топка е забавен и едноставен начин за затегнување на на мускулите и за подобрување на општата состојба на организмот.

Затоа, на крајот на напорниот ден, немојте да се фрлите во фотелја пред телевизор, туку набавете си топказа да се протегнете, да го смирите умот и да се подготвите за спиење. Играта со топка би можела да биде едно од најпријатните вежби кои вашето тело ќе ги почувствува...

Внеси реплика	страница <1 4 567 8 10 >
Tweet