Пророштвата на Исаија

Излез 24:7-8

 Messenger напиша:

A Isus rekoj deka megju nas i Kreatorot ne postoi nikakov medijator. Sekoj sto ke se javi kako takov e lazhen prorok i ne treba da mu se veruva. 

Малку попрецизно, христијанската теологија вели вака:
Нема друг посредник меѓу нас и Создателот освен Исус Христос.
Исус Христос е посредникот на Новиот Завет (Новиот Пакт/Договор) меѓу луѓето и Бог.
Посредник на Стариот Завет беше Мојсеј и тој го завери стариот завет со крвта на јунци...

"Потоа ја зеде Книгата на Заветот па му ја прочита гласно на народот, а народот одговори: „Ќе вршиме и ќе послушаме сè што рече Господ.” Потоа Мојсеј ја зеде крвта и го попрска народот, говорејќи: „Ова е крвта на Заветот што Господ го воспоставува сега со вас на основа на сите овие зборови.”"
(Излез 24:7-8)

Значи заветот беше заснован на зборовите на евреите "Ќе вршиме и ќе послушаме се што рече Господ".
Но овој завет беше прекршен од страна на евреите бидејќи тие очигледно не извршија се што Господ им рече т.е. тие не го исполнија Законот.
Затоа Бог, сожалувајќи се на нивната немоќ и несовршеност да го исполнат Законот, им обезбеди нов завет, далеку подобар од стариот...

"Еве доаѓаат денови - говори Господ - кога ќе склучам Нов Завет со Израелевиот дом и со Јудиниот дом. Не Завет каков што склучив со нивните татковци во денот кога ги зедов за рака за да ги изведам од Египетската Земја, Завет што тие го раскинаа иако Јас Сум нивни господар - говори Господ. Туку, ова е Завет што ќе го склучам со Израелевиот дом по оние денови - говори Господ. Мојот закон ќе го ставам во нивната душа и ќе го напишам во нивното срце. И ќе бидам нивен Бог, а тие Мој народ. И веќе не ќе го учи другарот другар ни братот брат, зборувајќи: ‘Познајте Го Господа!’ туку сите ќе Ме познаваат, и мало и големо, говори Господ - зашто ќе го простам нивното беззаконие и не ќе си спомнувам веќе за нивните гревови."
(Еремија 31:31-34)

Бидејќи не се најде ниту еден посредник, да посредува за луѓето, Бог ја употреби Својата мишка т.е. Својата десница - Својот Син...

"Виде дека нема човек, се зачуди дека нема посредник. Тогаш Му помогна Неговата мишка и Неговата правда Го потпре. Ја облече праведноста како оклоп, го стави на главата шлемот на спасението. Со одмаздата се облече како со облека, со ревноста се наметна како со наметка."
(Исаија 59:17-18)

Исус Христос стана посредник на Новиот Завет.
Христос не го завери заветот со крвта на јунци како Мојсеј, туку со Сопствената скапоцена крв. Овој пат немаме човек за посредник, туку лично Бог е посредник на Новиот Завет. Големата предност во тоа е што ако човек може да го раскине заветот, Бог не може. Бог е верен на Својот Завет и затоа Новиот Завет е вечен завет.

Новиот Завет не е заснован на Законот, туку на милоста Божја.
Во Новиот Завет нема место за жртви и посредници (свештеници) бидејќи Христос е единствениот посредник и првосвештеник и Христовата жртва е ДОВОЛНА жртва за секој грев на човекот. Во Новиот Завет нема место за колење јагниња (к*рбани), палење свеќи, искупување со праведни дела, застапување на свештеници итн.
Во Новиот Завет праведноста не доаѓа преку исполнувањето на Законот, туку преку вера во Исус Христос.