Внатрешни несогласувања во исламот

Кулминира нетрпеливоста меѓу двете струи во ИЗ за Санџак

Војна меѓу имамате!

Мешихатот на ИЗ во Нови Пазар соопшти дека во џамијата упаднале 30-тина полицајци кои употребиле сила за да ја исфрли делегацијата на ИЗ и ги тепала нејзините верници

Само неколку дена по формирањето паралелен мешихат на Исламската заедница за Санџак,во време на Рамазанските пости, дојде до големи непријателства меѓу верниците на главниот муфтија Муарем Зуколиќ и новиот реис Адем Зилкиќ. По инцидентот во џамијата во Пријепоље, во саботата навечер дојде до судир и во џамијата во Сијеница, при што интервенирала и полицијата. Мешихатот на ИЗ во Нови Пазар соопшти дека во џамијата упаднале 30-тина полицајци кои употребиле сила за да ја исфрли делегацијата на ИЗ и ги тепала нејзините верници.

Потпретседателот на мешихатот Решад Појовиќ тврди дека полицијта му ја свиткала раката и дека со пендрек по глава бил удрен еден нивен имам, додека на верниците на Зилкиќ не им е направено ништо.
Инциденти имало и за време на емитување на интервјуто на новоизбраниот реис-ул-улема на ИЗ на Србија, Адем Зилкиќ на регионалната ТВ Единство во Нови Пазар. Во нив едно лице е претепано и едно студио е целосно демолирано. Главниот уредник на ТВ Единство Рамиз Етемовиќ изјави за Танјуг дека во студиото на телевизијата влегол непознат човек со качулка на глава и со метален предмет почнал да удира по опрема. "Кога влегов во студиото лицето извади пиштол и почна да ни се заканува дека сите ќе не убие", изјави Етемовиќ.