Дали да работат отпадите

До вторник ќе се знае судбината на фирмите откупувачи на старо железо дали ќе продолжат со работа или ќе мора да ги затворат своите компаниити. На денешната средба во Владата со вицепремиерот Владимир Пешевски и министерот за животна средина Абдулаќим Адеми е договорено штрајкувачкиот одбор до 18 часот да достави предлог мерки и решенија  за ставање крај на кражбите на шахти, сообраќајна сигнализација, железнички пруги, бакарни кабли и друг вид стока забранета за откуп. Мерките ќе треба да бидат разгледани од комитетот за економски прашања, па потоа и на седница на влада.

 -Ќе предложиме мерки со цел намалување на кражбите. Поголема контрола на откупот во самите отпади, контроли и затворање на дивите отпади и контрола на извозот со цел да се утврди дали се извезува крадена стока, изјави Владо Момировски, претседател на Асоцијација на секундарни суровини и рециклатори.

 На денешниот протест пред Владата, покрај фирмите кои откупуваат секундарни суровини, беа присутни и собирачите на старо железо кои се жалат дека доколку Владата не ја укине одлуката за забрана за вршење на внатрешен промет, откуп и извоз на секундарни суровини, ќе останат на улица и без работа. Ние од собирање на железо ги прехрануваме нашите семејства, а Владата ни го зема лебот револтирано додаваат граѓаните.

 -Груевски нека си оди, не ни требаат споменици , нас ни треба работа.Треба владата да има слух за овие луѓе кои се загрозени и на овој начин доаѓаат до егзистенција. Бараме да се отворат отпадите бидејќи така заработуваме за леб, велат лутите собирачи на железо.

 -Во Македонија има пет илјади кафеани. Доколку една работи по 24 часот дали сите други треба да бидат затворени? Секој отпад кој откупува крадена стока треба да биде затворен на 10 години , а тој што краде нека лежи 10 години затвор, велат други лица на протестот.

 Доколку Владата не ја укине одлуката до вторник од 1 мај фирмите ќе ги отпуштат вработените, протестите ќе продолжат, а ќе бидат блокирани и граничните премини, беше најавено по денешниот протест пред Владата.     

извор Телма

Сигурно затворањето на отпадите за старо железо не е решение и не е фер за чесните собирачи и откупувачи, но од друга страна пак никако не може да им се застане на патот на крадците на железо. Од овие на протест што излегле гарант добри 60-70 % од нив се лопови прва класа( сега за волја на вистината не им се ни до колена на оние во владата ама тие се класа за себе). Решение некој???