Изменето од Valerija - 28.Февруари.2012 во 09:01

Оскари 2012 

Во недела 83-то доделување на филмските награди Оскар

Во холивудскиот театар „Кодак“ во недела вечер ќе се одржи 83-тата церемонија на доделување на филмските награди Оскар.

Оваа гламурозна церемонија, која најдобро го симболизира сјајот на Холивуд, повторно на едно место ќе го собере кремот на светската кинематографија.

Домаќини на овогодишното доделување на Оскарите се младите актери Ен Хатавеј и Џејмс Франко, кои гостите ќе ги забавуваат не само со хумор, туку и со песна и танц. Во предавањето на златните статуетки ним ќе им помагаат и голем број ѕвезди, меѓу кои Хилари Свонк, Џош Бролин, Скарлет Јохансон, Расел Бранд, Роберт Дауни Џуниор, Хју Џекман, Анет Бенинг, Џад Ло, Рис Видерспун и Опра Винфри.

Според филмските критичари меѓу десетте одлични остварувања кои оваа година се во трката за Оскарите се издвојуваат два главни фаворити.

Првиот е британската историска драма „Говорот на кралот“, кој има 12 номинации за Оскар. Оваа трогателна приказна раскажува за односот меѓу идниот британски крал Џорџ Шести, кој се обидува да го надмине проблемот со пелтечењето, и еден обичен човек кој му помага во тоа. Овој филм веќе ја освои наградата на американското Здружение на режисери, продуценти и филмски актери, па важи за главен фаворит за Оскар во категоријата најдобар филм.

Речиси исти шанси критичарите и медиумите му даваат и на филмот „Социјална мрежа“ на Дејвид Финчер, кој исто така е снимен според вистински настан. Филмот раскажува за студентот на „Харвард“ Марк Цукерберг чии програмерски идеи се трансформираат во глобалната социјална мрежа „Facebook“, која за само шест години ќе го направи најмлад милијардер во историјата.

Во конк*ренцијата со најдобро филмско остварување се и психолошкиот трилер „Црн лебед“ на Дарен Аронофски, „127 часа“ на Дени Боил, спортската драма „Борец“ на Дејвид О. Расел и авантуристичкиот вестерн „Човекот наречен храброст“ на Џоел и Итан Коен.

Изненадување би можел да претставува научно-фантастичниот трилер „Почеток“ на Кристофер Нолан, кој говори за еден човек кој поседува моќ да манипулира со соновите, комедијата за лезбејското семејство „Децата се во ред“ на Лиза Чолоденко и драмата „Зима до коски“ на Дебра Гранит, која раскажува за една 17-годишната девојка која се грижи за болната мајка и двајцата помлади браќа во рурално и социјално деградирано опкружување. Како фаворит во сенка се смета и анимираниот филм „Приказна за играчките 3“, кој постигна извонредни рекорди на посетеност во кино салите.

Во трката за Оскар за најдобра режија се номинирани Дарен Аронофски за „Црниот лебед“, Дејвид О. Расел за „Борец“, Том Хупер за „Говорот на кралот“, браќата Коен за „Човекот наречен храброст“ и Дејвид Финчер за „Социјална мрежа“, кому критичарите му даваат најголеми шанси.

Речиси сите критичари и прогнозери се сигурни дека наградата за најдобра машка улога ќе ја добие Колин Фирт за улогата на Кралот Џорџ Шести во „Говорот на кралот“. Покрај него, за Оскар за најдобра машка улога се номинирани и Хавиер Барден за „Преубаво“, минатогодишниот добитник Џеф Бриџис за „Човекот наречен храброст“, Џеси Ајзенберг за „Социјална мрежа“ и Џејмс Франко за „127 часа“.

Во конк*ренција за Оскар за најдобра женска улога главен фаворит е Натали Портман за улогата на балерина во филмот „Црн лебед“. Покрај неа, за оваа награда номинирани се и Анет Бенинг за „Децата се во ред“, Никол Кидман за „Пат во непознато“, Мишел Вилијамс за „Blue Valentine“ и Џенифер Лоренс за „Зима до коски“.

Во конк*ренција за Оскар за епизодна женска улога се Мелиса Лео за „Борец“, 14-годишната Хејли Стејнфелд за „Човекот наречен храброст“, Хелена Бонам-Картер за „Говорот на кралот“, Ејни Адамс за „Борец“ и Џеки Вивер за „Животинско кралство“.

Кандидати пак за Оскар за споредна машка улога се Кристијан Бејл за „Борец“, Џефри Раш за „Говорот на кралот“, Џон Хоукс за „Зима до коски“, Марк Руфало за „Децата се во ред“ и Џереми Ренер за „Град на крадците“.

Во категоријата Оскар за најдобар филм од неанглиско говорно подрачје номинирани се мексиканскиот „Преубаво“ на Алехандро Гонзалес Ињериту, данскиот „Во подобар свет“ на Сузане Бир, грчкиот „Очник“ на Јоргос Лантимос, канадскиот „Пожари“ на Дени Вилнев и алжирскиот „Hors la loi“ на Рашид Бушаребе.

За најдобар анимиран филм кандидати за Оскар се „Приказна за играчките 3“, „Илузионист“ и „Како да го тренирате змејот“.

Во светот на модата веќе на големо се шпекулира какви тоалети оваа година ќе носат актерките - златно или сребрено ламе, како она што лани го носеше оскаровката Сандра Булок или пак „воздушен“ кројка, како што некогаш носеа филмските ѕвезди.

Се шпекулира и со тоа дали оваа година филмските ѕвезди ќе се определат за водечките модни куќи како што се „Армани“, „Версаче“, „Диор“ или „Шанел“ или пак својата доверба ќе му ја дадат на некој помалку познат дизајнер.

Дали сите овие претпоставки и шпекулации ќе се остварат сепак ќе биде познато во недела вечер кога ѕвездите ќе почнат да пристигнуваат на црвениот тепих пред театарот „Кодак“ во очи почетокот на овогодишанта церемонија на доделување на Оскарите.

srekja shto drugite vo svetov ne se kako makedoncive,..inache , bi izumrela produkcijata na filmovi za "golemoto platno"!

Доделени наградите на Американската филмска академија

Американската филмска академија по 82. пат ги додели наградите Оскар во преку 20 категории, а домаќини на церемонијата беа Стив Мартин и Алек Болдвин.

Оскар за надобар филм во изминатата година и припадна на нискобуџетната драма за војната во Ирак The Hurt Locker.

Оскар за најдобра режија доби Кетрин Бигелоу за "The Hurt Locker".

Најдобра женска улога освои Сандра Булок за улогата во филмот Мртов агол. Булок доби оваа година и Златна малина - награда за најлоша женска улога за остварувањето во филмот Се за Стив.

Оскар за најдобра машка улога доби Џеф Бриџис за улогата на остарениот пејач во филмот „Crazy Heart" (Лудо срце).

Оскар за најдобра споредна женска улога доби Мо'Ник за улогата во филмот „Precious".

Оскар за најдобра споредна улога му припадна на Кристоф Валц за остварувањето во филмот Inglourious Basterd.

Награда за остварување вон англиско говорно подрачје доби аргентинскиот филм „El secreto de sus ojos.

За најдобар анимиран филм е прогласен „Up".

Најинтересни факти за доделувањето на Оскарите

За време на 81-годишната историја на доделувањето на Оскарите се случувале различни и необични работи кои останаа забележани во историјата. Веројатно многу од вас се запрашале колку жени биле номинирани за Оскар за најдобра режија, или пак кој правел склекови на сцената и не се заблагодарил за Оскарот.

- Titanic, Ben Hur и The Lord of The Rings: Return of The King добиле по 11 Оскари и со тоа станаа епски популарни филмови. Titanic и All About Eve имаа по 14 номинации.

- Филмовите The Turning Point и The Colour Purple имале по 11 номинации, но не добиле ниту една златна статуетка, со што беа прогласени за најголеми губитници во историјата.

- Само два пара на актери биле номинирани за иста улога во ист филм. Кејт Винслет во Titanic ја играла Роус Дјуит, додека Глорија Стујард ја играла старата Роус. Кејт Винслет исто така биле номинирана за улогата на младата Ирис Мурдок во филмот Iris, во кој Џуди Денџ ја глумела старата Ирис.

- Walt Disney имал 64 номинации, а освоил вкупно 26 Оскари, што е најмногу од сите останати.

- Само четири жени биле номинирани во категоријата најдобар режисер во историјата на оваа церемонија. Тоа беа Лина Вермилер за филмот Seven Beauties, Џејн Кампион за The Piano, Софија Копола за Lost in Translation и режисерката Кетрин Бигалоу за филмот The Hurt Locker.

- Американскиот актер Боб Хоуп бил 18 пати домаќин на церемонијата за доделување на Оскари. Прв пат бил во 1939 година, а последен пат 1977 година. Актерот Били Кристал бил водител на програмата осум пати, а водителот и комичарот Џони Карсон пет пати.

- Единствен инцидент на доделувањата се случил во 1974 година кога форографот Роберт Опал истрачал на сцената. Тој во 1979 година бил убиен во кражба која се случила во секс шоп во Сан Франциско.

- Режисерот Френк Капра имал шанса да почувствува што значи кога ќе се помешаат идентитетите на луѓето. Имено, за време на доделувањето на Оскарите во 1934 година, на сцената по наградата излегол Френк, а вистинскиот добитник на наградата бил Френк Лојд за филмот Cavalcade.

- Том Хенкс за време на говорот го спомнал името на својот поранешен професор по драма, кој го окаректеризирал како најдобар хомосексуалец во САД. Тоа се се случило додека актерот ја подигнувал наградата за најдобар актер во филмот Philadelphia.

- Пејачот Фил Колинс добил Оскар, за најдобра песна You’ll Be In My Hart од филмот Tarzan.

- Актерот Џек Паланс го прифатил Оскарот во категоријата спореден актер во филмот City Stickers, но не се заблагодарил на сцената. Наместо тоа, овој 73-годишен актер направил склекови.

Објавени номинациите за Оскар

„Аватар“ на Џејмс Камерун и воената драма Катанец за срцето на Кетрин Бигелоу предничат во трката за Оскар со по девет номинации, меѓу кои и номинација за најдобар филм во изминатата година.

За престижната награда на американската Филмска академија ќе се натпреваруваат уште осум филмови, пет повеќе отколку сега - Во воздухот, Слепа страна, Драгоцена, Дистрикт 9, анимираниот филм До небо, Проклетници, Образование и Сериозен човек.

Во категоријата за најдобра машка улога се номинирани Џеф Бриџис, Џорџ Клуни, Колин Фирт, Морган Фримен и Џереми Ренер.

За најдобра женска улога Оскар може да очекуваат Сандра Булок, Хелен Мирен, Кери Малиген, Габори Сидибе и Мерил Стрип. Булок е првата актерка која е биде номинирана за најдобро остварување, но истовремено и за најлошо актерско остварување - Златна малина.

Номинирани за најдобра споредна улога во машка категорија се Мет Дејмон, Вуди Харелсон, Кристофер, Стенли Тучи и Кристофер Волтс, а во женска - Пенелопе Круз, Вера фармига, Меги Гиленхал, Ана Кендрик и Мо'Ник.

За Оскар за најдобра режија може да се надеваат Џејмс Камерун (Аватар) и Кетрин Бигелоу (Катанец за срцето), но и Квентин Тарантино (Проклетници), Ли Дениелс (Драгоцена) и Џејмс Ритман (Во воздухот).

Ако сакате да ја видите целата листа на номинирани кликнете тука.