Каде сакате да живеете?

Најдобри градови за живеење

Во кои градови најдобро се живее?

Магазинот Monocle во последниот број ја објави својата годишна листа на градови со најдобар квалитет на живеење.

Monocle традиционално ја објавува листата составена од 25 светски градови кои исполнуваат одредени критериуми како што се ниска стапка на криминал, добар транспортен систем, поволни цени на недвижнини, брзина со која доаѓа итната помош, како и број на зелени површини по глава на жител.

Ова истражување е спроведено така што магазинот испраќа свои истражувачи во светските урбани центри за кои слушнале "добри работи" или пак во градови кои учествувале во некои претходни студии.

Според спроведеното истражување на првото место по втор пат се најде Минхен, кој има најдобар квалитет на живеење, добра поврзаност, културни центри и многу зелени површини. Минхен е еден од ретките градови на Западот каде наталитетот е во пораст.

На второто место се најде градот Копенхаген, престолнината на Данска, кој успеа да освои сребрен медал главно поради неговата еколошка политика. Потоа следува Цирих кој се развива многу добро и покрај  рецесијата и во него е најлесно да започнеш сопствен бизнис.

Токио се најде на четвртото место поради тоа што е "технолошка мека" и луѓето започнале се повеќе да се грижат за својата околина со садење на дрвца и зелени површини.

Според многумина еден од најубавите градови во светот е Париз, a според магазинот го зазема седмото место што е напредок во однос на минатогодишниот пласман, главно поради воведување на метрото во проблематичните предградија. Потоа следи Виена која авторите ја сметаат за прогресивен културен центар, но ги предупредуваат дека треба да се чуваат од политичкиот конзерватизам.

Мелбурн е на деветтото место поради поволните цени на недвижностите, а Сиднеј е на дванаесеттото затоа што има "1000 клупи поставени по градот". Велат дека овој град ќе стави насмевка и на најтажните лица.

Шпанскиот град, Мадрид  ја затвора топ 10 листата, "бидејќи е водечка европска културна престолнина".

Интересно е што на оваа листа се најде хавајскиот град Хонолулу, кој конечно ја искористил одличната позиција што ја има помеѓу двете држави, Азија и Америка. Покрај него на оваа листа се најде уште еден американски град - Портланд кој има околу 600.000 жители и со тоа не може да се мери со големите градови во САД, но е познат по својата толеранција и љубовта кон животната средина.

25 градови со најдобар квалитет на живот:

1. Минхен

2. Копенхаген

3. Цирих

4. Токио

5. Хелсинки

6. Стокхолм

7. Париз

8. Виена

9. Мелбурн

10. Мадрид

11. Берлин

12. Сиднеј

13. Хонолулу

14. Фукуока

15. Женева

16. Ванкувер

17. Барселона

18. Осло

19. Монтреал

20. Окленд

21. Сингапур

22. Портланд

23. Кјото

24. Хамбург

25. Лисабон

Овде

или овде