Дома сте и однеднаш ви се најавуваат најблиските пријатели за гости, на кафе. Наместо веднаш да брзате кон маркетот да купувате чоколадо, оваа брза чоколадна торта е и повеќе од идеалното решение!

• 1 шолја шеќер
• 2 шолји брашно
• 2 супени лажици пециво
• 1/4 шолја какао
• 2 јајца
• 3/4 шолја млеко
• 125 гр растопен путер
• 180 гр темно чоколадо
• 1/3 шолја павлака

Начин на подготовка

• Измешајте ги сувите состојки, а потоа додадете гијајцата, млекото и путерот.
• Добро измешајте, а добиената смеса додадете ја во сад запечење, соодветен за микробрановата печка.
• Печете ја тортата 7-8 минути на највисоката температура,извадете ја и со чепкалка за заби проверете дали е готова.
• Оставете ја да се излади, а за тоа време, растопете гочоколадото и измешајте го со павлката.
• Нанесете го добиениот прелив врз тортата и вашиот десерте готов!
  

Состојки
1,3 л млеко
4 пудинга од ванила
100 гр шеќер
200 гр шеќер во прав
250 гр путер
500 гр бисквити
200 гр мелени бисквити
200 гр кокосово брашно
200 мл слатка павлака
1 лажица инстант кафе без кофеин

1. Во 800 мл млеко ставете 100 гр шеќер и варете додека да проврие. Посебно изматете ги пудинзите со 200 мл млеко и ставете ги во млекото што почнало да врие. Мешајте со рачна маталка додека да згусне. Тргнете на страна и изладете го кремот.
2. Со миксер пенасто изматете го путерот (оставен на собна температура) со шеќерот во прав.
3. Во изладениот крем од пудинзи ставете го изматениот путер и добро промешајте за да добиете хомогена смеса. Смесата поделете ја на два дела. Во едниот дел ставете кокос, а во другиот дел мелени бисквити и инстант кафе кое сме го раствориле во 1-2 лажица вода.
4. Секоја бисквита ја топиме во остатокот од млекото и ја редиме во послужавник или тацна во која ќе ви биде тортата. Преку бисквитите го ставаме кремот со мелени бисквити. Повторно редиме со натопени бисквити. Сега го мачкаме кремот со кокосово брашно па редиме натопени бисквити.
5. На крај ја матиме слатката павлака и украсуваме по желба.
6. Потребно е да се остави некој час во фрижидер за да се поврзат вкусовите и состојките и да добие потоа секое парче што ќе се сече убава форма.

Забелешка
Можеби нема да ви требаат толку бисквити, мене ми отидоа околу 420 гр. за редење, ама тоа зависи од бисквитите и од тоа каква форма ќе правите од тортата. Исто така во делот од кремот во кој ставаме кафе можеби ќе треба да ставите и некоја сомелена бисквита плус, ама и не мора, зависи сепак од бисквитите.
Ако го сакате многу вкусот на кафе можете да ставите и повеќе лажички, ама и вака се чувствува неговата вкусна арома.
Топењето на бисквитите го правите кратко, значи само ја ставате бисквитата некои 3-4 секунди и ја редите.
Можете да си ставите и кафе со кофеин или капучино, јас поради малите деца го избегнувам.

Магичен рецепт за топло-ладно

Кога се двоумите дали е подобро да подготвите топол или ладен десерт, можете да направите комбинација и од двете.
Десертот топло-ладно е изводлив и за оние кои не поминуваат доста време во кујната, а за негова подготовка ќе ви бидат потребни половина час и неколку намирници.

Магијата на чоколадна лава што тече кога ќе се отвори топлото колаче буди сензуални чувства, а нема да останете рамнодушни и на неодоливиот вкус кој го има.

За љубителите на ладниот десерт следи огромна топка сладолед која го прави овој рецепт извонреден.

Потребни состојки:

120 грама чоколадо за готвење
120 грама путер или маргарин
100 грама шеќер во прав
2 јајца
2 жолчки од јајца
6 лажици брашно

Начин на подготовка:

Во поголем сад на оган се растопува путерот на кој му се додаваат коцките од чоколадата за готвење. Откако ќе се растопат, тргнете ја смесата од оганот и додадете ги шеќерот во прав, двете јајца и жолчки од две јајца и брашното.

Мешајте  се додека не добиете густа хомогена смеса, која подоцна ќе ја ставите во калапчиња за мафини или пак чоколадна лава кои претходно ќе бидат премачкани со маргарин.

Потребно е едно калапче да биде наполнето со смесата помалку од неговата половина. Ставете ги калапчињата во рерна која ќе биде наместена на 200 степени и печете ги 7-8 минути.

Откако ќе бидат готови само извадете ги од калапчето и послужете ги со топка сладолед со вкус по ваш избор.

Лесен десерт дури и за почетници во кујна: Трослојна Милка торта

Два слоја крем и плус слој чоколаден бисквит – кој би одбил? Сигурно веќе замислувате како се топи во уста, па не се двоумете дали да одвоите малку време и да ја направите.

Рецептот е едноставен и лесен дури и за не многу вешти почетници, бидејќи е невозможно да згрешите.

Само внимателно следете ја постапката:

Бисквит

Состојки:

• 2 јајца
• 2 лажици шеќер
• 2 лажици брашно
• 1 ½ лажичка прашок за печиво
• 1 ½ лажица какао во прав
• 2 лажици топла вода

Изматете ги јајцата со шеќерот. Измешајте ги брашното, какаото и прашокот за печиво во посебен сад, па потоа додадете ги во миксот од јајца и шеќер. Додадете ја водата. Повторно измешајте.

Распоредете ја смесата во малечок калап за печење (околу 20cm дијаметар) и печете на 180 степени 15 минути.

Кога ќе се оладат бисквитите, пресечете ги на половина за да добиете 2 слоја за тортата.

Млечен крем

Состојки:

• 670ml млеко
• 70g густин
• 2 ½ лажици шеќер
• 70g бело чоколадо
• 170g маргарин на собна температура
• 100g шеќер во прав

Промешајте 100ml од млекото со шеќерот и густинот. Додадете во преостанатото млеко и загревајте. Додадете го и белото чоколадо. Мешајте додека не зоврие и не добиете густ крем.

Измешајте го маргаринот со шеќерот во прав и додадете во изладениот крем.

Милка чоколаден слој

Состојки:

• 140g Милка чоколадо
• 3 лажици млеко
• 2 ½ лажица шеќер
• 100g маргарин

Ставете ги сите состојки во еден сад и топете ги на пареа додека не добиете еднаков крем. Изладете добро.

Тортата наредете ја по следниов редослед: бисквит, бел крем, чоколаден слој. Повторете двапати.

Dave’s Kitchen: Бисквит чоко триаголници

Совршен брз десерт за летниот период, што се подготвува за помалку од 25 минути.

Потребни состојки: