ФОТО: НАЈУБАВИТЕ НАЦИОНАЛНИ ПАРКОВИ - YOSEMIIT

Јосемит е еден од најголемите паркови во Сиера Невада во кој егзистираат разновидни растенија и животни. Националниот парк ги опфаќа источните делови на Телуме, Марипоса и Медера окрузи во источниот дел на централна Калифорнија. 

 
Паркот зафаќа површина од 761 268 хектари (3 080 74 км2 ), а се наоѓа на надморска височина од 648 до 3997м и содржи пет зони на вегетација: дабови шуми, долна планинска зона, горна планинска зона, субалпска и алпска зона. Во Калифорнија има околу 7000 видови растенија, околу 50% од нив ги има во Сиера Невада, а од нив повеќе од 20% ги има во Јосемит. Постои соодветна документација дека 160 ретки видови на растенија опстојувале во паркот благодарејќи на ретките геолошки формации и карактеристичната почва. Од геолошки аспект Јосемит го карактеризираат гранитни карпи. 

Сиера Невада како планински масив почнала да се издигнува пред 10 милиони години. По речните корите почнале да се формираат длабоки и тесни кањони. Пред околу 1 милион години акумулираните глечери од снег и мраз од високите алпски пасишта почнале да се движат надолу по речните долини. Еден од тие глечери за време на раната глацијација достигнал височина од 4000 стапки (1,200 м). При движењето на тие глечери се создале валови кои претставуваат природна атракција и привлекуваат огромен број на посетители. Јосемит над 3.7 милиони луѓе го посетуваат секоја година, а најмногу посетителите се задржуваат во 18 м2 од целиот парк. Јосемит за светско природно наследство е прогласен во 1890, а својата титула ја добил поради спектакуларните гранитни карпи, водопади, потоци, шумскиот џин Секвојата и разновидниот биолошки диверзитет. 









Јосемит е дом на безброј водопади. Најдобро време за набљудување на водопадите е во текот на пролетта кога поголемиот дел од снегот се топи. Некои од водопадите во текот на летото сосема пресушуваат, а тоа се случува најчесто во месец август. Во текот на зимскиот период околу рабовите на водопадите најчесто се формира мраз. Еден од Јосемитските водопади претставува и еден од најголемите во светот. Јосемитскиот водопад се состои од три дела: Горен пад со височина 430м, среден пад составен од повеќе каскади со височина од 204м и долен пад со височина од 96м. Јосемитскиот водопад може да се види од повеќе места во паркот, а најдобро за набљудување е околу селото Јосемит каде што има направено посебна платформа за набљудување. 

НАЈУБАВИТЕ НАЦИОНАЛНИ ПАРКОВИ ВО ЕВРОПА

Непознати и волшебни: десетте најубави национални паркови во Европа што, најверојатно, никогаш не сте ги посетиле. 


Гран Парадизо (Италија) – ова е најверојатно најастарото заштитено алпско подрачје. Богато е со планини од 800 метри до врвот Гран Парадизо што се наоѓа на 4061 метар надморска височина. 

Триглав (Словенија) – единствениот словенечки национален парк. Изобилува со питорескен пејзаж. Се наоѓа на територијата на Јулиските Алпи, а името го добил според највисокиот врв, Триглав, со 2864 метри надморска висина. 

Оуланка (Финска) – најпосетениот национален парк во Финска, со 80 километри недопрена шума и најпознатата патека Кархункиерос. 

Пенеда Гереш (Португалија) – најголемата португалска природна атракција и прв национален парк. Во него живеат разни животински видови, меѓу кои и автохтоната раса кучиња, Castro Laboreiro. 

Саксон (Швајцарија/Германија) – карпесто подрачје што се издигнува до 2000 метри височина. Мостот на фотографијата е изграден во 1824 година, за посетителите да можат да уживаат во спектакуларниот поглед.   

Сарек (Шведска) – најголемиот национален парк во Шведска, карактеристичен по нерамниот терен, каде што се наоѓаат 100 леднички езера во апсолутна изолација. Посетителите мораат да бидат храбри и да имаат изострено чувство за ориентација. Ова е место измислено за авантуристички типови луѓе.

Калкалпен (Австрија) – овој парк ја носи титулата „најбогато шумско подрачје“ во Централна Европа. И покрај импресивната убавина, паркот им е речиси непознат на туристите. 

Раго (Норвешка) – еден од 44 национални паркови во Норвешка. Предвидува активности на отворено, има означени патеки со мрежи и планинарски домови за сместување. 

Порт Крос (Франција) – најстариот француски национален парк. Таму можете да отидете на прекрасно подводно патување, благодарение на бродот Aquascope со проѕирен труп и да уживате во бујната вегетација, заливите, камените гребени, флора и сè друго што е типично за Медитеранот. 

Ордеса (Шпанија) – богат со реки и долини, го карактеризираат места со невидена убавина. Тука се наоѓа и водопадот „рибја опашка“, висок 1700 метри.   

Изменето од Valerija - 03.Април.2018 во 09:14

Национални паркови во Европа што некогаш треба да ги посетите

Кога ќе се спомене национален парк секогаш во умот ми се провлекуваат пејзажи кои ми будат спокој и хармонија.

Посебно оние места кои не се допрени од човечка рака и чија дивина те прави да се чувствуваш посебно. Исто како да имаш заталкано во некој сосема непознат свет, сличен на оние од приказните. Сигурно многумина ги имаат посетено македонските национални паркови како што се Пелистер, Маврово и Галичица.

Но, кога ќе се спомене патување во странство секогаш природните и заштитените предели се места кои знаат да го привлечат окото на туристите и патниците.

Планински масиви, полиња со трева, диви животно и кампување со логорски огин, тоа е комбинација што секое авантуристичко срце го посакува. Иако во светот постојат над 7.000 национални паркови, сепак во продолжение следува суптилна листа на неколку кои се наоѓаат во Европа.

Плитвички Езера (Хрватска)

Wild Taiga (Финска)

Saxon Switzerland (Швајцарија)

Belluno Dolomites (Италија)

Ecrins (Франција)