Најдобрите моменти на Оскарите: Нил Патрик прошета по гаќи, Џон Траволта ѝ се „пушташе“ на Идина Мензел

Oва беше едно од подосадните изданија на Оскарите и покрај тоа што се очекуваше Нил Патрик Харис да блесне на водителската позиција. Освен неколку интересни сцени, не понуди нешто кое ја воодушеви публиката.

Од друга страна, немаше ниту некои посебни гафови за смеење, туку повеќе емотивни говори кои навистина ќе се паметат.

Реакциите во некои моменти на дел од ѕвездите се дел од највпечатливите моменти:

Опра поттрчна на црвениот килим за да стигне на време

Патриша Аркет одржа одличен емотивен говор за еднаквите права на жените во Америка

Предизвика овации од страна на Џеј Ло и Мерил Стрип

Џон Траволта лани ѝ го згреши името, а годинава ѝ се „пушташе“ на Идина Мензел

Реакцијата на Опра кога доби Оскар од Лего коцки

Сите му завидуваа на Бенедикт Чембербач што му текнало да си се обезбеди со пијачка за време на церемонијата

Нил Патрик се прошета по гаќи

Ема Стоун не доби вистински Оскар, ама се задоволи и со Лего Оскар

Октавиа Спенсер доби задача од Нил Патрик да внимава на ковертот со неговите предвидувања

На Бехати Принсло поинтересно ѝ беше да позира

Камерата му беше поинтересна и на Бенедикт

Некои мажи се расплакаа

Сè на сè добро се заврши...

fiks напиша: На кој канал ќе има пренос?

На Сител

Редно и време е да се отвори темата во предвечерието на доделувањето на најпрестижната награда во филмската индустрија на планетарно ниво оскарите

Годинава ја одбележаа доста квалитетни филмски остварувања кои се закитија со номинации во различни категории, номинирани во категоријата најдобар филм се 8 филмови, (за разлика од минатата 2014 година кога беа номинирани 9 филмски остварувања) од кои скоро сите се одлични и квалитетни, но сепак, неколку се издвојуваат со својот квалитет во однос на другите, Birdman (2014) на мексиканскиот режисер Александро Гонзалес Инариту на кого ова му е втора номинација за филм после номинацијата за најдобар филм во 2006 година за Бабел,    Birdman (2014) е чуден, необичен, мистериозен, алегоричен, со комични елементи проткаена приказна која фасцинира, замислува, потикнува на размислување, секоја чест за Инариту, за концептот на самиот филм и начинот на негова реализација, филмот откако беше  претставен на неколку значајни филмски фестивали го привлече и окупира вниманието на публиката а посебно на филмската критика, заслужена номинација, еден од најсериозните кандидати за оскарот, Boyhood (2014) - номиниран за 6 оскари, исто така фантастичен филм со голем потенцијал за оскар, филм во кој е претставен животот на младото момче во текот на 13 години, Линклатер го потврди квалитетот кој го поседува, познат по трилогијата на филмови  Before Sunrise (1995), Before Sunset (2004), Before Midnight (2013), и во најновиот негов филм Boyhood (2014) преовладува таа нота, тој стил по кој е препознатлив Линклатер, The Grand Budapest Hotel (2014) - филм кој ги воодушеви гледачите ширум светот, и покрај премиерата која беше на почетокот на годината сепак не беше истиот потиснат, засенет, од останатите филмови кои беа промовирани пред неколку месеци, се со цел истите повеќе да останат во  меморијата на критичарите, ова го потенцирам како факт, стратегија која ја практикуваат најголемиот дел од продукциите, кои  ги промовираат своите филмови неколку месеци пред оскарите со цел да изборат сигурен пласман во номинациите, но и покрај тоа  The Grand Budapest Hotel (2014) се избори за номинација, со тоа го потврди квалитетот кој го поседува, The Imitation Game(2014) - Одлична биографска приказна,  номиниран за 8 оскари, филм кој заслужува и вреди да се погледне, Мортен Тилдум се потврди како фантастичен режисер, но и останатата екипа е на висината на задачата со одлично одиграни улоги од страна на Бенедикт Комбербач и Кеира Најтли, Selma (2014) - прекрасна биографска приказна за едно од најголемите имиња во историјата на САД, хумана личност, борец за човекови права, поборник за мирно, ненасилно решавање на конфликтите и добитник на нобеловата награда за мир - великанот Мартин Лутер Кинг, одлично одиграна улога од страна на главниот актер кој феноменално го одигра великанот Кинг, Дејвид Ојеоло заслужи да биде номиниран за оскар за најдобра машка улога, откако го изгледав филмот сигурен бев дека ќе добие номинација, но пак патриотската политика на најголемиот дел од членовите на академијата му даде предност на Бредли Купер - кој за мене беше големо изненадување бидејќи и не очекував воопшто истиот да биде номиниран за главна улога, не дека не е добар, сепак Ојеоло повеќе ја заслужи номинацијата од Бредли, овој филм беше изземен и од номинацијата за најдобра режија која исто така ја заслужи, зошто? затоа што Ава Дувернеј е афроамериканка, треба да се гледа, да се цени, квалитетот и тој да биде единствен критериум а не бојата на кожата да биде мерило кој ќе добие номинација.The Theory of Everything (2014) филм кој ми го привлече вниманието уште откако го изгледав трејлерот, само од изгледаниот трејлер кој го постави Орка, бев убеден, сигурен дека филмот ќе биде еден од најсериозните кандидати за оскарите, што се потврди како точно, воопшто не згрешив, филмот е феноменален во секој поглед, одлична режија од страна на Џејмс Марш, феноменални улоги од страна на главните актери Еди Редмајн и Фелисити Џонс, филм кој го прикажува животниот пат на најгенијалниот ум на денешницата големиот, големиот гение Стивен Хокинг, Whiplash (2014) - одличен филм кој ја покажува истрајноста, одлучноста во насока да се постигне животната цел која ја има поставено поединецот, филм кој со уживање и задоволсто се гледа, American Sniper(2014) вистинско изненадување е филмот кој воопшто не се очекуваше да добие номинација, како гром од ведро небо беше дочекана информацијата за номинацијата на филмот во 6 категории, неочекувана, но веројатна номинација, која стана стварност, по незнам кој пат ова се потврдува веќе неколку години со ред во кој се фаворизираат филмови каде е прикажана "патриотската" американска страна во делот од воените конфликти ширум светот и нивните херои и потфати. Сублимирано можам да истакнам оваа година имаше доста квалитетни филмови кои ги исполнија очекувањата на публиката и филмската критика, но сепак неколку се издвојуваат како фаворити во трката за најпрестижната награда во филмската индустрија - во најзначајната категорија најдобар филм Birdman (2014), Boyhood  (2014) се двата филмови кои се најсериозни кандидати за добивање на златната статуетка во оваа категорија, но нема да биде изненадување доколку тоа биде и еден од овие филмови The Grand Budapest Hotel (2014), или The Theory of Everything (2014).

Во категоријата најдобра режија најголеми шанси за добивање на златната статуетка има Ричард Линклатер кој повеќе од одлично си ја заврши задачата со филмот  Boyhood  (2014), но како негов најсериозен конК*рент се јавува мексиканецот Алесандро Гонзалес Инариту режисерот на филмот Бабел, кој од нив двајцата и да ја добие, нема да биде неправда, и двајцата ја заслужуваат, нијанси се во прашање, на Линлатер ова му е прва номинција за режија додека на Инариту втора, првата беше за филмот Бабел во 2006 година, вредно е да се напоменат и останатите номинирани Вес Андерсон кој е дебитант во оваа категорија заедно со Мортен Тилдум, Бенет Милер за филмот Foxcatcher ја освои својата втора номинација, првата му беше за филмот Capote (2005) 

Најдобар актер - во оваа категорија најсериозен и сигурен кандидат е Еди Редмајн, немам никакви  дилеми дека тој потполно заслужено треба да го освои оскарот за најдобар актер, супериорен е во однос на останатите номинирани,  лично тој е мој фаворит, Еди во последниве години прилично на високо ниво го демонстрираше својот талент и квалитети, најпрво неговиот талент го забележав во филмот Мојата Недела со Мерлин во 2011 година, следната година тоа го продолжи со својата одлична улога во филмот Клетници на режисерот Том Хупер(режисер на оскаровецот Говорот На Кралот) каде Редмајн уште повеќе се истакна со својата улога на исклучителен актер, за да врвот - кулминацијата ја достигне со маестралната улога во филмот Теорија за Се, едноставно блесна во полн сјај, на површина испливаа неговите квалитети, талент кој го поседува и заслужено оскарот треба да замине во негови раце, толку добро го портретираше ликот на Сивен Хокинг - до најситни детали, психички го долови маестрално, до совршенство се доловени моторичките движења на Стивен, Хокинг верувам се гордее што Џејмс Марш се одлучи неговиот лик да го толкува феноменалниот Еди. Дополнително нешто што треба и му оди во прилог на Редмајн да го добие оскарот е ликот, делото, значењето на великанот Стивен Хокинг, лично сметам дека не постои некој кој подобро, поавтентично, пооригинално би го портретирал Стивен. Мајкл Китон - одлично одиграна улога во фантастичниот филм за кој немам никакви забелешки, концептот на самиот филм е за секоја пофалба, Китон феноменално го одигра ликот но сепак е далеку под нивото на Редмајн, не очекувам изненадување во тој поглед од академијата, иако и тоа е можно, ова му е прва номинација за оскар во прилично долгата актерка кариера, Бенедикт Комбербач - одлично одиграна улога достојна за номинација, е фаворизиран од одредени кругови и  лобисти за да го освои оскарот за надобар актер, не верувам дека ќе го добие, добар актер кој се прослави на филмското платно со улогата во серијалот за Шерлок Холмс, исто така минатата година имаше солиден перформанс во филмот August: Osage County каде ми се допадна, Стив Карел - актерот кој сите го знаеме од улоги во комедии, најголем дел од неговото филмско портфолио е исполнет со таков тип на перформанси, оваа година се претстави во сосема подруго светло, во посериозна улога, како и минатата година што истакнав во врска со актерот Метју Меконахи кој претежно играше улоги во романтични драми - комедии, тоа истото се однесува и за Карел за кој сите имавме такво мислење, и така истиот беше и е перцепиран од страна на публиката и особено од филмската критика, ова на Стив му е плус во неговото сиви, кој веројатно има шанси во наредниот период доколку демонстрира вака добри перформанси да се закити со златна статуетка, Бредли Купер - неколку години последователно е номиниран за оскар и тоа 2013 за филмот Во Добро И Во Лошо - за главна машка улога, во 2014 за Американска Измама за споредна машка улога и годинава за Американски Снајперист исто така за главна улога, која му е трета номинација по ред, не е спорно дека станува збор за одличен актер, но во однос на останатите нема никакви шанси за оскар.

Оскарот за најдобра актерка најверојатно ќе замине во рацете на бриљантната Џулијан Мур маестрално ја одигра улогата во филмот Still Alice(2014) истата ги освои наградите и на претходните филмски фестивали како што се Златните глобуси, Бафта,  Фелисити Џонс - феноменално го одигра ликот на сопругата на Хокинг -  Џејн во филмот Теорија за Се - таа е мој фаворит, ова и е прва номинација за оскар за разлика од Џулиен која досега имаше четири номинации ова и е петта така да со оглед на минатиот труд заслужува да го добие оскарот, Марион Котилард - една од најдобрите актерки во Холивуд, една од моите омилени, после маестралната улога и оскарот за улогата на Едит Пјаф ова и е една од повпечатливите улоги, шансите за оскарот на нејзина страна се мали, Розмунд Пајк - изненадување во позитивна смисла, актерка која е прилично анонимна, со улогата во филмот Gone Girl на маестралниот Финчер, се возвиши до небо со својот очигледен и неспорен талент кој го поседува, очекувам исто така добри улоги од нејзе и во иднина, Рис Витерспун - после освоениот оскар за филмот По Работ, ова и е една од најдобрите улоги во последниве неколку години, вистинско освежување и уживање да се гледа Рис во вистинската приказна за авантуристката која се одлучува да тргне на долго авантуристичко патешествие.

Оскарот за споредна машка улога заслужено ќе замине кај Џеј Кеј Симонс, според мене е супериорен во однос на неговите конК*ренти, но и останатите номинирани  Роберт Дувал, Едвард Нортон, Итан Хоук, Марк Рафало се исто така добри.

Во категоријата споредна женска улога силите ќе ги одмерат Патриша Аркет која најверојатно го освојува оскарот, нејзините конК*рентки се подеднакво добри во своите перформанси нијанси се во прашање, посебно ми се допаднаа улогите на Мерил Стрип која е стандардно добра во своите маестрални перформанси, одлична во улогата е Кеира Најтли, Ема Стоун ме освои со улогата во филмот Човекптица, и Лора Дерн беше добра во филмот Дивина

За најдобар анимиран филм трката ќе се води помеѓу Big Hero 6 и How to Train Your Dragon 2

Во категоријата филм од англиско неговорно подрачје шанси за златна статуетка имаат следниве два филмови полскиот Ида кој мислам дека ќе победи и рускиот Левитијан

Ќе прокоментирам и за филмовите, актерите, актерките кои ја обележаа оваа 2014 година со своите квалитети и исклучителни перформанси но не се изборија за номинација иако потполно ја заслужуваат исто како и оние кои се номинирани, Ејми Адамс очекував номинација, бидејќи сосема ја заслужи со нејзината феноменална улога во филмот на Тим Бартон Big Eyes(2014) но академијата се одлучи да номинира некоја друга, доколку Ејми добиеше номинација загрозена е победата на Џулиен Мур, Дејвид Ојеоло исто така е онеправдан со номинација, неговото место го завзеде Бредли Купер, Ава Дувернеј си заслужи номинација но бојата на кожата најверојатно е критериумот што истата не ја доби, можеби и Џенифер Анистон требаше да добие - улогата во Cake и е одлична, ова позитивно ќе и се прокнижи во нејзиното сиви, и во иднина доколку даде вакви исклучителни перформанси и е загарантирана номинација, тука ќе ги споменам и Џесика Честејн со одличната улога во филмот A Most Violent Year на Чандор, Хилари Свонк и многу други, од режисерите ќе ги споменам Финчер, Нолан, Чандор

Очекувам од останатите членови на форумот, љубители и поклоници на филмот  да земат активно учество, да ги искажат своите ставови, мислења, фаворити, во различни категории со цел да развиеме квалитетна дебата дискусија на темава.