Африка е огромен континент полн со прекрасни места. Да се одберат 10-те најубави места во Африка е навистина тешко, но доколку мора да изберете една држава која треба да ја посетите тоа сигурно мора да биде Јужна Африка. Ви ја предлагаме оваа листа на дестинации доколку се решите да го посетите „црниот континент“ и прекрасната Јужна Африка.

1. Планината Тејбл е планина која има уникатен рамен врв и буквално изгледа како маса. Оваа уникатна планина ќе ве воодушеви со прекрасните глетки и својата единственост.

2. Масаи Мара нуди прекрасни пространи савани и недопрена дивина која ќе ве остави без здив. Таму се наоѓа прекрасниот резерват кој ви нуди незаборавно садари патување. Освен со џип, убавините на Масаи Мара може да ги доживеете и со воздушен балон.

3. Гарден Рут (Патот на градините) е пат кој се простира покрај прекрасно крајбрежје. Долг е околу 200 км, а започива во гратчето Витсанд и завршува кај планината Тстисикама, која изгледа како шума од бајките. Долж целиот пат сте опкружени со прекрасни растенија, дрва и цвеќиња,  како и езера, реки и прекрасни песочни плажи крај океанот.

4. Националниот парк Кругер е резерват кој нуди доживување на вистинските квалитети на Африка. Недопрената природа и непредвидливоста на дивината ви нудат незаборавно искуство. Овој национален парк е најголем во Јужна Африка, а во светски рамки е признат како една од најдобрите локации за сафари.

5. Гратчето Кнусна, кое се наоѓа долж Гарден Рут, е опкружено со прекрасни езера, огромни шуми и преубави плажи. Овој град е најдобриот туристички град во Јужна Африка, заради одличните ресторани и врвната услуга на локалите.

6. Викториините водопади се едно од најубавите чуда на природата. Со своите импресивни 1708 метри, Викториините водопади се најголемите водопади на светот. Доколку имате можност да ги посетите, ќе останете маѓепсани од прекрасната глетка.

7. Кејп Таун е еден од најубавите градови во светот, каде ќе најдете преубаво крајбрежје со песочни плажи, винарии и лозови насади, но и град на културата измешана од повеќе народи. Кејп Таун е интересна туристичка дестинација, со топли лета и умерени зими.

8. Стеленбош е втор по ред најстар град во Јужна Африка, а најголемата атранција која че ја најдете е огромната винарија со 44 винарски визби, каде со произведуваат многу типови на вино.

9. Дурбан е град со тропска клима, кој се наоѓа на источниот брег на Јужна Африка. Градот е всушност долж прекрасна песочна плажа, каде ќе сретнете луѓе од секаков калибар. Во Дурбан се наоѓа и едниствениот музеј за сурфање во Африка, како и неколку клубови за луксузни јахти.

10. Планините Дракенсберг се протегаат неверојатни 400 км, а исто така се познати под името „Планини на Змејот“. Овој планински масив се смета за едно од најважните туристички атракции во Јужна Африка. На овој планински масив се наоѓаат неколку национални резервати, а највисоките врвови се изигнуваат дури до 3000 метри.

Mpumalanga е една од топ туристичките дестинации на Јужноафриканската Република...

Исто така позната и како „Земјата на рајот“, многу малку региони во светот може да се споредат со оваа во секој поглед вонредна убавина на натурална естетика од флора и фауна, во која човекот за среќа не успеал многу да измени. Mpumalanga покрива скоро 80 000 km², од високи и извиени планини и гребени, до возвишени пасишта и бујни мочуришта.

Туристичките власти на Mpumalanga имаат создадено и одбележао неколку региони со посебно означени стази и патишта, со кои што ги канат посетителите во спектакуларната провинција Mpumalanga, на незаборавно патување низ седумте области и атракции кои што мора да се видат и доживеат. Видете за што станува збор...

Во претходниот дел за Cape Town ви спомнавме дека овде се произведуваат и пијат едни од најдобрите вина во светот. Овој пат ќе се задржиме конкретно на местото во близина на Cape Town, каде што се одвива овој процес.

Плодните зелени долини на пределот познат како Cape Winelands, се ’опколени‘ со високи планини кои како богови на виното го чуваат својот имот. Во малите градови и селата се наоѓаат фарми и имоти со историско и монументално значење за целиот континент и каде што овошни расадници можат да бидат видени слично како и на многу места низ светот. Медитеранската клима и зимските дождови на југозападен Cape, се заслужни за производството на најдобрите вина во земјата.

Богатата и плодна почва во долината на реката Breede и посебно областите на Somerset West, Paarl, Stellenbosch и Franschhoek, со години наназад се познати низ цел свет помеѓу винските синеасти, по нивните бели, црвени, розе вина, како и по производството на Шери и Коњак. Ова е навистина место кое што е сон за секој еснаф љубител на добрата капка, кој што овде би го пронашол своето светилиште и вечно пребивалиште. Видете за што ви говориме:

Јужна Африка е една од најразновидните и волшебни земји во светот.

Претставува една голема егзотична комбинација од пејсажи, луѓе, историја и култура, која што на туристите и патниците им нуди уникатни и инспиративни искуства. Таа преставува мешавина од култура на таканаречениот ’трети‘ и ’прв‘ свет, во која меѓу другото се наоѓаат и најубавите и воедно најненаселени и преполнети со луѓе плажи во светот. Затоа ние од денес ќе отвориме еден мал серијал во кој ќе ги претставуваме убавините на оваа најјужна држава на црниот континент. А ќе започнеме со:

Garden Route

Garden Route претставува крајбрежен коридор на западниот брег на Јужноафриканската република, исполнет со древни шуми, реки, мочуришта, песочни дини, километарски долги плажи, езера, планински врвови, кои сите заедно споени во хармонија каква што само природата може да ја создаде.

Ова е линија на земјата каква што буквално не постои на ниедно друго место во светот, во смисла на убавина, природни атракции и уникатна флора и фауна и од таму и доаѓа и името, што во превод би му дошло „Патот Градина“. Три од највисоките врвови во Јужна Африка се наоѓаат овде – The Otter Trail, Tsitsikama и Dolphin Trails се гребените поктај самиот океан, каде што ретко стапнува човечко стапало и благодарение на тоа се скоро комплетно неизменети со векови, па и милениуми наназад.

Garden Route е вистински рај за љубителите на екологијата, оние кои обожаваат да посматраат птици и трагачите по осаменост. Воопшто, ова е еден од најубавите предели на делот од земјата познат како Western Cape. Се наоѓа како во сендвич помеѓу планините Outeniqua и Атлантскиот Океан и од таму е незаобиколна точка на маршутата на сите туристи кои имаат обичај да одат подалеку од вообичаените дестинации. Помеѓу домашното население на Јужна Африка, Garden Route е популарна дестинација за одмор,за време на празниците во лето и место за комплетен мир каде што можете да се ’скриете‘ и да ги наполните батериите за време на зимскиот период (да, инаку и во Јужна Африка има зимо). Токму така, обете сезони се подеднакво убави и посетени, благодарение на медитеранската клима која преовладува овде.

Бидејќи знаеме дека шансите за посета на ова место на обичен смртник од Македонија се помали од добивање на истовремена понуда за брак од Monica Bellucci и Jessica Alba во исто време кај мажите и Brad Pitt и Johnny Depp кај жените, ние ви припремивме убава галерија со фотографии за кои сме сигурни дека ќе ви се допаднат!