ФОТО: Паднат ангел на модната писта во Њујорк

Падовите на модните писти не се ништо ново и можат да им се случат и на најискусните манекенки од калибарот на Наоми Кембел.

Овој пат непријатната ситуација ја доживеа ангелот на Victoria’s Secret, Кендис Сванепоел која беше дел од модната ревија на Живанши во Њујорк.

Кендис ја превитка ногата, по што болно се испружи на модната писта. Гостите од публиката и понудија помош, но русокосата им даде знак дека сè е во ред.

По ревијата постираше фотографија од своите крвави колена на која се гледаат и чевлите поради кои падна.

Ова сигурно не е модел што сакате да се најде во вашиот плакар без разлика на тоа што е од најновата колекција. 

Сванепоел не беше единствената која заврши на земја на ревијата.

Манекенката Поја Мор падна на дрвените скали што беа поставени на пистата и за среќа помина без посериозни повреди.