Одмор во Хрватска

На почетокот на септември во Анталија во Турција е одржана церемонија на доделувањето на наградите "World Travel Awards", каде во рамките на овој натпревар, меѓу другите категории, се одбира и најдобар хотел во Европа.

Јадранските луксузни хотели со гордост објавуваат дека хотелот "Hotel Dubrovnik Palace" е прогласен за најдобар ресорт хотел во Европа, на свечената церемонија на доделувањето на наградите "World Travel Awards", одржани на почетокот на септември 2011 година во Аланија во Турција.

Овој хотел имал многу голема и сериозна конк*реција затоа што за титулата "најдобар" се бореле најлуксузните европски хотели од Италија, Франција, Монако, Ирска, Шпанија, Грција, Турција и Кипар.

Попозната и како туристички Оскар, наградата "World Travel Awards" во светот е позната како високо признание за туристичките субјекти кои што се доделуваат на најистакнатите брендови, а кои што туристичките службеници и нивните клиенти ги сметаат за најдобра препорака која што било кој туристички производ би можел да ја има.

Наградата за најдобар хотел во Европа е прва европска награда за хотелот "Hotel Dubrovnik Palace", по бројните номинации и награди кои што овој хотел ги имал во претходните години.

За потсетување, овој хотел е прогласуван три години по ред за најдобар хотел и СПА ресорт во Хрватска, во 2005, 2006 и 2007 година.

Раде Малобабич, директорот на хотелот, изјавил дека оваа награда е големо признание за хотелот и воедно е уште една потврда за квалитетите за кои што се заслужни сите вработени во хотелот.

"Hotel Dubrovnik Palace" во последните неколку години вложи многу труд во зголемување на квалитетот на услугите и воведе бројни дополнителни содржини и активности, се со цел хотелот да се позиционира како регионален лидер на високо конк*рентниот меѓународен туристички пазар", нагласил Малобабич. 

Наградите "World Travel Awards" за туристичката индустрија се основани во 1993 година со цел да се доделат признанија и награди за постигнувањата во сите сегменти од светскиот туристички сектор.

Оваа година се прославува 18 годишнината од постоењето, а во гласањето учествувале 183 000 експерти од светот на туризмот, вклучувајќи ги и патничките агенти, туристичките оператори и водичи од повеќе од 160 земји ширум светот.