Археолошки богатства на МКД

Ненадминатата убавина од Македонија во Утрехт

Најголема по вредност и по обем е изложбата чие осигурување го плати Холандија и е 139 милиони евра, а некои од експонатите прв пат излегуваат од земјава

Утре во музејот "Катаријнеконвент" во Утрехт, Холандија, Македонија ќе има едно од своите најрепрезентативни претставувања надвор. Земјава ќе изложи културно-историско богатство од кое голем дел не е изнесувано досега. Министерката за култура Елизабета Канческа-Милевска ќе ја отвори големата изложба "Ненадмината убавина - икони од Македонија", најголема поставка досега, како по своите вредности, така и по својот обем.
Ќе бидат претставени експонати од збирките на икони од Музејот на Македонија и од Галеријата на икони при Заводот за заштита на спомениците на културата и Музеј - Охрид.
Изложбата е збогатена со археолошки артефакти со вонредно значење од праисторијата и од античкиот период, како и со други исклучително значајни предмети од збирките на нашите музеи: 62 археолошки предмета, 6 примероци од оригинални фрагменти од средновековен живопис, 52 икони и 39 литургиски предмети.
Посебно се издвојуваат култните жртвеници од раниот неолит со претстава на Големата Мајка - Земја, извонредната фигурина Адам од Говрлево од 4 милениум п.н.е., исклучителните наоди од локалитетот Плаошник пронајдени во текот на неодамнешните археолошки истражувања, како и Златната маска пронајдена на Самуиловата тврдина во Охрид, можеби најзначајниот археолошки наод од поновата археолошка историја на нашата земја.
Осигурувањето на делата кое го плати Холандија е 139 милиони евра. к*ратори на изложбата се Вики Коробар и Милчо Георгиевски, а таа е организирана од Управата за заштита на културното наследство и Паско Кузман и со Музејот на Македонија и Завод и Музеј - Охрид.
На отворањето на изложбата ќе настапат групата "Синтезис" и Влатко Стефановски.
За ова претставување на Македонија од Министерството за култура велат оти е важно не само поради тоа што мал, но извонредно значаен сегмент од македонската историја ќе биде презентиран пред холандската јавност, туку и поради заложбите на земјава за продлабочување на културните врски што постојат меѓу двете земји.

Античкиот град Баргала и понатаму е главен извор на материјал од антички период. Градот Баргала се споменува и во актите на Халкедонскиот собор од 415 год. Името на градот се споменува и на еден натпис од 371 год., кој претставува спомен - плоча за подигање градската порта. Плочата е најдена во месноста Ханче, на левиот брег на реката Брегалница, во атарот на Општина Карбинци. Овој поменик дава податоци каде се наоѓал античкиот град Баргала, како и за проблемите на границата на Македонија кон Тракија и Дакија. Името на градот е со тракиско потекло.Старата античка населба со градски карактер со името Баргала се наоѓала кај Долни Козјак. Овој град при крајот на 4 век служел како воен камп на римските легии во поход на исток. Подоцна бил разурнат. Жителите подигнале нов град крај Козјачка Река кај Горни Козјак, што е потврдено со археолошки наоди. Овој град станал епископско седиште во 5 - 6 век. Епикопскиот град Баргала е разорен од аваро - аловенските напади, но брзо потоа бил населен. Црковната традиција на старото епископско седиште продолжило во словенскиот период на овој простор. Во поново време археолозите од Заводот и Музеј во Штип открија уште една базилика од ранохристијанскиот период што потекнува од 6 век. Со тоа Баргала има 3 базилики. Освен тоа, откриена е и винарија во североисточниот дел на ископините. Баргала и понатаму важи за еден од најважните античко - историски локалитети и бесконечна инспирација за археолозите од Македонија.

Изменето од bijonse1 - 09.Јуни.2010 во 16:43

..GOLEMATA MAJKA.

Охрид

Во Охридскиот краj познати се неолитските населби: Долно Трново-Охрид и Зластрана во селото Горно Средорече (Дебарца), како и локалитетот Кутлина во селото Велмеj (Дебарца), коj припаѓа на енеолитското доба. На бронзеното доба му припаѓаат локалитетите Лакочереско Градиште, Коселско Градиште, локалитетот Тумба каj селото Свиништа, како и ново откриената наколна населба "Плоча Мичов Град", каj полуостровот Градиште, на источниот брег од Охридското Езеро.Во трите споменати неолитиски населби со испитувањата констатирано е постоење на населби, при што има остатоци од градбите, гробовите и керамика. Во Лакочереско Градиште и Коселско Градиште на површините на локалитетите пронаjдени се фрагменти од керамички садови, орудиjа од камен и коска.Наjвероjатно досега утврдените наолитски локалитети во Охридскиот краj временски му припаѓаат на IV - III милениум пред н.е. Железно Ископувањата на просторот во близината на селото Горенци, на околу 9 км. од Охрид (Сува Чешма, Три челусти и Вртуљка) дадоа некои материjали кои индицираат време од железното доба II и тоа од подоцниот период. Следеjќи го хронолошки времето на железното доба во Македониjа, во текот на VI и V век се забележуваат нови културни поjави.

      

Овоj период е одбележан како железно доба III или време на формирање на македонскиот архаjски стил, манифестиран преку "кнежевски гробници". Споменатите гробови се откриени на некрополата "Требеништа" каj селото Горенци, а некропола од тоа време е откриена и каj селото Речица, северно од Охрид. Со археолошките ископувања од 1918 - 1972 г, откриени се вкупно 56 гробни конструкции, од кои голем дел се со богат гробен материjал. Секако наjзначаjни се пронаjдените златни посмртни маски како прилог во богатите "кнежевски" гробови од Горенци, работени од златен лим. Тие се предмет на низа опсервации на научниот свет. Стилските одлики, односно втиснатите орнаментални мотиви, според едни се карактеристични за грчката уметност од VI век пред н.е. Според други пак станува збор за мотиви кои исклучиво се поврзуваат со македонската уметност. Денес богатите наоди од некрополата "Требеништа" ги красат витрините на музеите во Софиjа- Бугариjа и Белград. Античко доба Од времето на Филип II Македонски кога се забележани неговите навлегувања во лихнидскиот краj, културните влиjаниjа на грчко-македонскиот свет се повеќе присутни. Богатата култура оставила траги на ова тло при што пронаjдени се разновидни материjали, од мермерна пластика, преку керамички и бронзени садови, до ситен накит изработен од злато, полудраги камења и стаклена паста. Во поново време со археолошки истражувања констатирано е дека потегот на Свети Еразмо, преку Габавци, Патерица и Козлук до Коселска Река, претставува урбанизирана целина во археологиjата позната под името "Хермелеjа". Високо на Габавскиот рид е акрополот, во неговото jугоисточно подножjе е подградието, а на источниот и западниот дел се протегаат сакралните и профаните обjекти.

Од античкиот период во околината на Охрид се откриени две некрополи. Едната сместена во Требенишкото Кале, а другата е откриена на локалитетот Црвеница каj Прентов Мост. Во првата се откриени остатоци од тврдина, со различни етапи на градба, керамички садови и 17 гробни целини. На локалитетот каj Црвеница се откриени 143 гробови од хеленистичкото време и од раниот среден век. Пронаjдена е и една македонска гробница во просторот на Варош, стар дел на Охрид. На местото наречено Дебоj е откриена централната некропола на Лихнид и на средновековниот Охрид. Уште еден обjект е карактеристичен од ова време. Тоа е античкиот театар, сместен во Варош (Охрид), коj е граден по типот на грчките и римските театри...................

Во ова време на тлото на Лихнид во голема мерка е присутна религиjата. Една од поинтересните фигури пронаjдени на тлото на Лихнид секако е претставата на богинката Изида-богинка на човековата судбина. Целиот антички период на охридската териториjа го следат наоди на монети наоѓани случаjно и при археолошки ископувања. Во нумизматската колекциjа на Музеjот во Охрид се чуваат 12 примероци на многу ретки монети ковани во градот Лихнид. Многу градови од тоа време со дозвола на македонските владетели ги користат рудниците и коваат монети. На нив вообичаен е натписот МАКЕDONWN и името на областа. Само во случаjот на Охрид стои името на градот..............

Изменето од bijonse1 - 14.Февруари.2010 во 23:39

Кокино
 важен археолошкиот локалитет и мегалитска опсерваторија, пронајдени во 2001 година од археологот Јовица Станковски во североисточна Република Македонија, на околу 30 километри од градот Куманово, во близина на селото Старо Нагоричане На Мегалитската опсерваторија Кокино се наоѓа во северо-источниот дел на Македонија, во близина на границата со Србија (попрецизно: географска ширина 42 ° 15 "47 ', географска должина 21 ° 57" 32').
Опсерваторијата Кокино е во близина на селото Кокино, на граница со с Arbanasko. Целиот регион денес е со мала густина на население како што има помалку од 1000 жители во областа на десетте околните села.
Пошироко во регионот регистри голем број на археолошки локалитети датира од времето на неолит до пипам возраст покажува историјата богата со значајни населби, sanctuaries, настани и лица на најмалку 6.000 години.
Овој сајт е повеќе од 3.800 години. Најстариот археолошки наоди датум од почетокот на Бронзеното доба. Наоѓа од Блискиот бронзеното доба се најбројната (главно керамички садови, камени мелници и неколку калапи). Агломерација еден од железното доба, исто така, се откриени. На archaeo-астрономските истражување беше спроведено од страна на бугарската astro-доктори и М. А. Ванчо Mulgova и продолжи во 2002 година од страна на физичарот Ѓоре Ценев од "Планетариум" во МКЦ во Скопје, кои се вклучија во истражувањата на локалитетот и ги направија првите посеопфатно archeo-астрономска анализа.
Кокино се состои од два дела. Тоа вклучува посебни камени маркери кои се користат за следење на движењето на сонцето и месечината на источниот хоризонт. Опсерваторијата се користи методот на набљудување на фиксните, означувајќи позиции на Сонцето во најдолгиот и најкраткиот, како и на рамноденица.
Кокино е номиниран за да бидат вклучени на УНЕСКО на светското наследство Мапа на листата.
Важноста на сајт беше потврдено од страна на американската вселенска агенција НАСА, која го стави на својата листа на античките опсерватории.


Изменето од bijonse1 - 25.Ноември.2009 во 18:17

Доколку бидат извршени соодветни истражувања на материјалните податоци што лежат под земјата, ѕидиштата на градот и темелите веројатно би можеле да се добијат нови сознанија за најразличните преданија за случувањата во тој период. Би се дознало многу за потеклото на градот, неговиот целосен изглед, степенот на развојот и причините за неговото уништување....................

НЕ НАЈДОВ СЛИЧНА ПОДТЕМА ЗА ПОСТИРАЊЕ НА ИНФОРМАЦИИ ЗА АРХЕОЛОШКИТЕ ИСКОПИНИ.......

РАЗНИ ПРЕДМЕТИ ОД МИНАТОТО.........

ВО МКД .......

ДАЈТЕ ДА ГИ ЗАПОЗНАЕМЕ СО ВАШИ КОМЕНТАРИ И СЛИКИ .....

Ќе почнам еве јас............ со градот Прилеп

Ново во Стибера..............

Три мермерни глави, делови од поголеми скулптури, се пронајдени на крајот на археолошките истражувања на локалитетот Стибера, Прилепско. Археолозите претпоставуваат дека скулптурите се претстави на видни граѓани на античкиот град, кој активно живеел од преминот меѓу 4 и 3 век пр.н.е. па се до крајот на третиот век од наша ера.

Едната глава е на младо момче, втората на жена, а третата, која е изработена во натприродна големина, претставува возрасен маж. Овие артефакти говорат дека Стибера крие големо богатство и дека бил значаен културен центар во Македонија во периодот кога градот егзистирал, екипата на прилепскиот Завод и музеј, откри и нов објект од јавен карактер, во него се пронајдени два натписи од кои се заклучува дека во градот живееле луѓе кои имале големо значење за поширокиот регион.
Античка Стибера е еден од најзначајните антички македонски градови, откриен пред 80 години. Тој се наоѓа на 16 километри од Прилеп, во близина на селото Чепигово.
Градскиот хеленистички бедем, чии остатоци се откриени во северниот и западниот дел од ридот, ѕидан е од кршен локален камен. Храмот на Богинката Тихе, заштитничка на градот, е на западната страна на ридот, на една од терасите кои стрмно се спуштаат од исток кон запад. Солидно е изѕидан, со масивни ѕидови од кршен камен, тули и варов малтер. Има централна полукружна ниша во источниот и бочни ниши во јужниот и северниот ѕид, во кои се сместени дародавни натписи. Во храмот се најдени портретни бисти на Орест и Филоксен - татко и син, заслужни граѓани на Стибера и култна скулптура на Бахус како дете. Натписот на централната ниша говори за обнова на храмот од втори век. Гимназионот е значајна градба, од која досега се истражени околу 1000 квадратни метри.Наодите од Стибера, која годинава се истражуваше посеопфатно, го потврдија значењето на локалитетот - откриени се 28 споменици со натписи со имиња на ефеби, на богови, имиња на донатори и 27 статуи, од култна и портретна пластика. Откриени се статуи на боговите Асклепие, Хермес и Бахус, а портретните статуи се на жени од типот херкуланки, на мажи - космети, торза од ефеби, една императорска и една статуа на македонијарх - граѓанин на Стибера. Мермерната пластика припаѓа на раниот римски период, а од движниот археолошки материјал најчести се наодите од фрагменти од керамички садови од хеленистичкиот и раниот римски период, застапени преку релјефната керамика украсена со антропоморфни и флорални орнаменти.
Стибера започнала да се формира во четвртиот век пред нашата ера. Градот својот процут го доживеал во вториот век наша ера, кога е вршена најголемата обнова на неговите објекти.
Значаен за македонската археологија и култура, градот Стибера дал четири македонијарси, еден во крајот на втори век - Септимиј Местриј Ликон и три во почетокот на трети век - Септимиј Силван Кловдијан, Септимиј Силван Николаос и Септимиј Силван Келер. Животот во Стибера згаснал во втората половина на трети век, во времето на ограбувачките походи на Готите и Херулите, кои во два наврата пустошеле во овие краишта. .............


Изменето од bijonse1 - 03.Ноември.2009 во 17:47