Колитис

ИМЕ НА ЛЕКОТ
МЕСАЛАЗИН
mesalazine
ATC A07E C02
КВАЛИТАТИВЕН И КВАНТИТАТИВЕН СОСТАВ
1 филм-обложена таблета, гастрорезистентна содржи 250 mg месалазин (месаламин USP/Ph.Eur.).
1 филм-обложена таблета, гастрорезистентна содржи 500 mg месалазин (месаламин USP/Ph.Eur.).
ТЕРАПЕВТСКИ ИНДИКАЦИИ
Месалазин таблетите се намененти за:
- третман на акутни напади на улцеративен колитис и Crohn-ова болест;
- превенција на релапси на улцеративен колитис.  
ДОЗИРАЊЕ И НАЧИН НА УПОТРЕБА
Месалазин таблетите можат да се комбинираат со супозиториите или ректалната суспензија, но треба да се внимава на вкупната доза на лекот, бидејќи со зголемување на дозата се зголемува и ризикот од бубрежни токсични ефекти.
Дозата треба индивидуално да се прилагоди. Третманот на акутни почетоци на заболувањето треба да трае се додека не настапи ремисија на болеста, најчесто 8 до 12 недели. Во колку не се постигне терапевтски одговор после 4 недели, месалазин треба да се замени со некој друг лек.
Во колку е неопходно, месалазин може да се комбинира со кортикостероиди или метронидазол.
Во текот на третманот со месалазин, треба да се обезбеди добра хидратација на пациентот.
Возрасни и деца над 40 kg телесна тежина 
Месалазин таблетите треба да се проголтаат цели, без да се џвакаат или кршат.
Пациентите треба да го земаат лекот најмалку 1 час пред оброкот.
Препорачаните дози на месалазин се:
- Акутни почетоци на улцеративен колитис: 1,5 g до 3,0 g на ден, поделени во три дози.
- Акутни почетоци на Crohn-ова болест: 1,5 g до 4,5 g на ден, поделени во три дози.
- Превенција на релапси на улцеративен колитис: 1,5 g на ден, поделени во две до четири дози.
Највисоката препорачана дневна доза изнесува 4,5 g кај тешки акутни почетоци на Crohn-ова болест и 3,0 g кај улцеративен колитис. Откако симптомите ќе се намалат, дозата треба постепено да се намалува.

Деца под 40 kg телесна тежина
Врз основа на досегашните искуства стекнати од утврдувањето на клиничката ефикасност и безбедност, месалазин може да се применува кај деца над две годишна возраст. Дозата ја одредува специјалист во зависност од активноста и локацијата на инфламаторниот процес и телесната тежина на детето.
- Акутни почетоци на улцеративен колитис и Crohn-ова болест: 30 до 50 mg месалазин на kg телесна тежина на ден, поделени во три дози.
- Превенција на релапси на улцеративен колитис: 15 до 30 mg месалазин на kg телесна тежина на ден, поделени во две до три дози.
Со оглед на тоа дека таблетите треба да се проголтаат цели, без да се џвакаат или кршат, тие не се погодни за многу мали деца.
Децата треба да го земаат лекот најмалку 1 час пред оброкот. Третманот на акутни почетоци на заболувањето треба да трае 8 до 12 недели.
КОНТРАИНДИКАЦИИ
Месалазин е контраиндициран во случаи на:
- преосетливост кон салицилната киселина, нејзините деривати или било која друга составна компонента на лекот;
- тешки оштетувања на бубрежната или црнодробната функција;
- гастричен или дуоденален улкус;
- хеморагична дијатеза.
Месалазин не се препорачува за употреба кај деца под две годишна возраст, бидејќи безбедноста и ефикасноста на третманот кај нив не е утврдена.
ПАКУВАЊЕ
Кутија со 50 филм-обложени таблети, гастрорезистентни
(Филм-обложена таблета, гастрореризстентна со специјално филм обложување, нерастворливо во кисел медиум pH 1,2; пуферски медиум pH 6,0 а растворливо во пуферски медиум pH 7,2) од 250 mg
Кутија со 50 филм-обложени таблети, гастрорезистентни
(Филм-обложена таблета, гастрорезистентна со специјално филм обложување, нерастворливо во кисел медиум pH 1,2; пуферски медиум pH 6,0 а растворливо во пуферски медиум pH 7,2) од 500 mg