PATRIK SVEJZI

15 септември, (Нетпрес) - Познатиот холивудски актер Патрик Свејзи почина во 57 – та година од животот од рак на панкреас. Тој две години се бореше со тешката болест, пренесуваат американските медиуми.



Свејзи е познат по култната серија “Север – југ“, по филмовите “Дух“ и “Валкан танц“. Актерот починал во својот дом во присуство на својата сопруга Лиса и останатите членови на семејството, соопштила неговата портпаролка Анет Вулф.

Генерациите ќе го паметат актерот по улогата на инструкторот по танц Џони Кастла во филмот “Валкан танц“ од 1987 година.

И покрај дијагнозата рак на панкреасот Патрик Свејзи и натаму продолжил да работи , напишал мемоари со сопругата и ја снимил драмската серија “Ѕвер“. Свејзи е роден во сојузната држава Тексас, освен по актерската игра бил познат и како професионален танчер.