Прилеп е рај за сликарите и за скулпторите

Со пристигнувањето на првите учесници од Русија на Интернационалната сликарска колонија во организација на Центарот за современа ликовна уметност во Прилеп, започна уметничкото лето.
Наталија Баженова и нејзината ќерка уметничката Ана Ремига од Москва работат инспирирани од прилепската околина, од населбата Варош, па среќаваме мотиви од манастирот "Св. Архангел Михаил", камената карпа "Слонот", тема "Ангел".
Наталија е третпат овде. Нејзина прва љубов се портретите, но слика и пејзажи. Потсетува на портретот на Тоше Проески, кој го создала пред две години. Вели, ја слушала неговата музика и насликала три негови портрети. Еден има во Москва, еден во Центарот за современа ликовна уметност и еден подарила во Манастирот "Св. Преображение" над Крушево.
Баженова има богата меѓународна биографија и високи награди во Русија, а заедно со нејзината ќерка Ана Ремига биле дел и од Ликовната колонија во Вевчани. Убавините на колониите е што се разменуваат искуства, се пренесуваат впечатоците од нив во различни земји и, преку сликањето, се доживуваат земјите и културите во нив. Тоа е еден вид ликовна или, како што вели, народна дипломатија. За Македонија вели оти е добра земја, еколошки чиста, со љубезни граѓани, со многу стара историја, но со многу сиромашни жители

Најверојатно тука е најсоодветно да се одбележи на форумов Македонскиот павиљон во Венеција.Годинава претставен од авторот Жарко Башески со инсталацијата "LEAP"

Ќојме вечер на Архангел??????????????

Вевчани подготвено за овогодинешниот карневал..........
ќе биде весело............

Бугаринот Димитров со прва награда

Наградите се доделени во конк*ренција од над 100 карикатури од автори од Југоисточна Европа

Димитар Атанасов од Бугарија ја доби првата награда за карикатура на возобновениот втор Меѓународен фестивал на хуморот и сатирата "Ин Виница веритас", кој започна завчера во Виница. Жирито, чиј претседател беше Братислав Димитров, наградата ја додели во конк*ренција од над 100 учесници од цела Југоисточна Европа. Второнаграден е Србинот Горан Челичанин, додека третата награда отиде во рацете на домашниот карикатурист Мирослав Ѓорѓиевски - Миро.
"Ин Виница веритас" започна да се одржува во деведесеттите, па беше прекинат и возобновен лани. Годинава е побогат со содржини и доби меѓународен карактер. Манифестацијата се затвора утре, кога ќе бидат прикажани уште две театарски претстави, едната бугарска и едната стенд ап на Сашко Коцев. И.Ст.

Гоце Смилевски ми е еден од омилените македонски писатели и посебно се радувам што е добитник на ваква престижна награда од саемот на книгата во Франкфурт.
Браво за Гоце!

Престижна награда на ЕУ за Гоце Смилевски

Писателот Гоце Смилевски е добитник на наградата за литература на Европската Унија за романот „Сестрата на Сигмунд Фројд“. Одлуката е соопштена вчера на Саемот на книгата во Франкфурт на кој, како гостин, присуствува Гоце Смилевски

Наградата ја доделува Европската комисија во соработка со Европската федерација на издавачи. Високото признание на Смилевски на свечен начин ќе му биде врачено на 18 ноември во Кралскиот фламански театар во Брисел. Покрај македонскиот автор Смилевски, добитници на наградата се и писатели од Германија, Данска, Белгија, Финска, Луксембург, Романија, Кипар, Естонија, Словенија и од Шпанија.

Наградата „Живко Чинго“ за расказот „Будење“

Охрид, 8 август (МИА) - Расказот со наслов „Будење“ на авторот потпишан под шифрата Осветлувач е добитник на наградата „Живко Чинго“ што секоја година традиционално ја доделува локалната самоуправа во Охрид.
Наградата во износ од 30 илјади денари на авторот ќе му биде врачена на 13 август, на манифестацијата „Денови на Живко Чинго“ што по 21. пат ќе се одржи во родното место на овој познат македонски писател селото Велгошти кај Охрид.
Најдобриот расказ од доставените 52 авторски дела  едногласно  бил избран од тричленото жири во состав Славе Ѓорго Димовски, Венко Андоновски и Кристина Николовска.
Членовите на жирито на денешната прес - конференција  изразија задоволство од квалитетот на понудените трудови, со препорака до општинските власти во Охрид да издвојат средства за објавување на уште два понудени расказа и тоа „Земја“ и „Другарка ми Лиле Боголиева“ доставени без шифра.
На малата свеченост што се одржа денеска во општината, градоначалникот  Александар Петрески  на авторот Александар Лазов, му ја врачи наградата за најдобар расказ на конк*рсот што објавен по повод одбележувањето на дваесетгодишнината од смртта на големиот охридски и македонски писател, Живко Чинго. Наградата во висина од 30.000 денари Лазов ја доби за расказот  “Будење“  кој стручното жири го оцени како најдобар.........

^{Доделена наградата за најдобар расказ}

Венко Андоновски истакна дека квалитетот на пристигнатите авторски творби е добар знак дека се подига нивото на манифестацијата посветена на Живко Чинго.........



Изменето од bijonse1 - 02.Ноември.2009 во 18:23