Матичен млеч

МАТИЧНА МЛЕЧ – „GELLEE ROYAL “

            Живееме во време кога е се поизразено загадувањето на атмосферата, водата и земјата. Во храната добиена со употреба на хемијата се повеќе се намалува количината на потребни материи за организмот. Денешната храна е се поубава на изглед но се повеќе ја губи основната функција да не храни, на организмот да му дава енергија, да му овозможи да се развива, да расте и да ги надополнува резервите од неопходните минерални материи, витамини и други супстанции. Во храната се додаваат разни адитиви, бои, вештачки ароми, вкусови и други додатоци. За да се исчистиме од сиве овие неприродни додатоци во храната треба да го користиме она што ни го дава природата. Да семе што повеќе на чист воздух и да користиме што повеќе непреработени природни производи. Да пиеме што помалку газирани пијалоци оносно да внесуваме во организмот што помалку отровни и бескорисни супстанции. Најдобар и најправилен начин е избор на чиста и биолошки исправна полновредна храна, храна која освен неопходни градивни елементи и потребна енергија има заштитна и превентивна улога. 

            Од најстари времиња, човекот го интересирало зошто матицата која се испилила од истото јајце како и пчелата работничка живее 5 па и повеќе години а нејзината ќерка само 35-45 дена до 6 месеци. Само првите 3 дена сите ларви добиваат иста храна – матичен млеч. Потоа матичните ларви добиваат матична млеч а останатите ларви кашичка од мед и полен. Богатата исхрана на матичните ларви со млеч придонесува на забрзан развој. Во текот на првите 5 до 6 дена од развојот на матичните ларви тие ја зголемуваат својата тежина за 1500 пати (од 0,1 мг на 150 мг). Матицата е најплодното суштество на планетата. За време на сезоната неси околу 2000 јајца дневно, во текот на сезоната околу 300 000, а за текот на својот живот и до 2 000 000 благодарејќи на чудотворната моќ на матичната млеч.

            Пчелата е инсект која се што произведува е од полза за човекот. Пчелните производи се мали ремек дела на природата. Од нив најлековита е матичната млеч.

            Матичната млеч е високохранлива материја, лесноприфатлива за организмот, која содржи елементи потребни за нормална егзистенција на организмот.

            Матичната млеч е сретство кое го чува здравјето, овозможува подобро да се чуствуваме, да се избориме со стресот и ако се разболиме полесно и побрзо да оздравиме со минимална употреба на лекови.

            Матичната млеч е густа супстанца, слична на киселото млеко, со сивкасто бела боја, киселкаст до неодреден фкус со блага нијанса и специфичен мирис. Специфичната тежина на матичната млеч е1,1 гр/цм3. Матичната млеч ја лачат млади пчели на возраст од 6 до 12 дена од горновиличните жлезди. Благодарејќи на специјалната храна матицата се испилува за 16 дена а пчелите работнички за 21 ден.

            Од најстари времиња млечот бил скап производ и претежно го користеле царевите поради што го добило името царско желе. За да се добие млеч во исхраната на еден матичник учествуваат 300 млади пчели на возраст од 6 до 12 дена. 1 грам млеч се добива од 5 до 7 матичници. Од снесувањето на јајцето до вадењето на млечот поминува период од 7 дена. Трудот што пчелите го вложуваат во производството на млечот е огомен и практично млечот нема цена.

            Со многубројните испитувања е докажано дека млечот е комплексна и богата супстанца.Млечот го содржи се она што е потребно за раст, развој и нормално функционирање на организмот, белковини (градивни елементи), масти и јаглени хидрати (енергетски елементи), витамини (заштитни елементи) и во изобилство многу разновидни и за човекот корисни минерални материи.

            Матичната млеч има антибактериски и антипротозични својства со бактериостатски и бактерицидни особини (го запира или уништува развојот на бактерии). Матичната млеч е со кисела реакција (pH 3.6)

            Составот и квалитетот на матичната млеч во голема мерка зависи од:

·        Староста на ларвите

·        Моментот на вадење на млечот

·        Физиолошка состојба и јачина на пчелното семејство

·        Од сезоната на добивање

·        Услови на чување

·        И др.

Во млечот има 60-70% вода, и 30-40% сува материја. Белковини има 10-18%, шеќери 9-15%, масти 1,5-7%, неоргански материи 07,-1,5%. Матичната млеч не е ипитана до крај. Останато е недоволно истражено уште 2,84%.

            Белковините во млечот се претставени со албумините и глобулините. Белковините се состојат од 5-8 фракции а пронајдени се и 22 аминокиселини вкључувајќи ги и осумте есенцијални (незаменливи).

            Гликозата и фруктозата се главни претставници на шеќерите во млечот. Тие спаѓаат во група на редукциони шеќери кои ќелиите можат директно да ги примат. Во млечот постојат и други шеќери но во помали количини.

            Млечот содржи и разни видови на витамини. Вкупната количина на витамини во 1гр млеч изнесува 336-354мг. Во млечот има витамини мг/г,  Витамин Ц 3-5, тиамин (Б1) 1,2-7,4, пиридоксин(Б6) 2-10,2, никотинска киселина ПП (Б5) 48-149, пантотенска киселина (Б8) 180-200, биотин (Х) 1,6-4,фолна киселина (Бц) 0,5-2,2, инозитол 44-400, рибофлафин 6-100 мг/г..... Докажано е присуство и на други витамини како што се А, Е, Д, К..... само во помали количини.

            Во матичната млеч има ензими, биотини, нуклеински киселини и слободни нуклеоиди. Млечот содржи ходин и ацетилхолин (0,3-1,2 мг/г)

            Во млечот се наоѓаат сите важни микро и макроелементи: железо, сулфур, магнезиум, манган, бакар, калиум, калциум, натриум, хром, никел, сребро, кобалр, алуминиум, бизмут, злато.....

            До денеска во природата не е позната материја слична со состав како што го има млечот посебно со количината и количеството на разни витамини.

            Витамините, ензимите, хормоните имаат значајна улога во организмот. Без минерали и олигоелементи (елементи кои се наоѓаат во трагови) витамините неможат да го искажат своето благородно дејствување на организмот. Без присуство на минерали организмот не може да асимилира витамини. Некои витамини организмот може самиот да ги асимилира а минералите неможе самиот да ги создаде па ги внесува со храната. Синергизмот (содејството) на витамини и минерали е неопходно бидејќи многу сложени процеси и хемиски реакции неможат да се извршат без нивно едновремено содејство.

            Неправилната и неурамнотежена исхрана може да биде причина за многу заболувања на организмот. Пчелните производи а посебно матичната млеч не е само високовредна храна туку многу повеќе од тоа. Млечот има способност да ги регенерира оштетените ќелии. Многу научници од разни земји во светот го испитувале млечот во лечење на разни болести.

            Нервниот систем е еден од најкомпликуваните и најважни системи за опстанок и правилно функционирање на човечкиот организам. Тој ги контролира надворешните и внатрешните промени и врз основа на тоа одлучува кој систем кога и како треба да функционира. Млечот делува на опоравување на оштетените нервни ќелии. Употребата на млечот доведува до:

• Смирување на вознемирените особи
• Го враќа нмирниот сон
• Помага при сенилност
• Помага при атериосклероза
• Придонесува за намалување на употреба на разни психоседативи

Голем број научници го испитувале дејствувањето на млечот во педијатријата. Млечот се користи како терапеутско сретстви и како превентива. Со примената на млечот во лекувањата на децата заболени од хронични растројства, заостанување во растот и псохомоторниот развој се констатирало следното:

·        Зголемување на телесната тежина

·        Подобрување на општата состојба на организмот

·        Зголемување на апетитот и сонот

·        Зголемување на тургорот на ткивата

·        Зголемување на еластичноста на кожата

·        Зголемување на поткожниот мастен слој

·        Стимулирање на растот и развојот

·        Зголемување на имунитетот на организмот

·        Стабилизација на нормалниот развој