Галичка свадба

 

Ако имате време прошетај ги и до околните селца, ќе видите многу убавини. Тој дел од Македонија е дефинитивно најубавиот (од аспект на природни убавини)!

Каков е - таков е, во Галичник само тој хотел е...И воопшто не е хотел промаја 
Сега не очекувајте хотел од висока А категорија , сепак чиста постелина, покрив над глава и кревет во соба ќе добиете сигурно. Рака на срце, не сум видела како изгледаат собите, но затоа пак внатрешноста е и повеќе од задоволувачка.
Вие само стигнете до Галичник, патот е асвалтиран и освен неколкуте ( 3 или 4 остри кривини веднаш над Маврово) до Галичник нема да имате никакви проблеми.
Возете побавно за да имате време да уживате во преубавата природа што ќе ве следи долж патот, никако немојте да ги испуштите езерцата  (ако не е премногу топло и не испарат до тогаш) и дивите коњи кои во стада пасат покрај патот.Не се возбудувајте премногу доколку патот ви го попречат недогледни стада овци кои ги симнуваат на поило, причекајте, сепак вие сте натрапниците на патот
На влезот на Галичник обавезно застанете и освежете се од патот со ладната планинска вода на селската чешма.
Црквата не е на самиот влез на селото,до црквата продолжете по патот што води надолу.
Иако баба Гаца е единствениот заведен жител на Галичник, голем е бројот на на оние кои таму заминуваат со првите знаци на пролетта. Продавница има, и тоа релативно добро снабдена, а веднаш спроти продавницата е селската фурна каде што за топло селско лепче не ретко се чека во редици.
Како што ве води патот надолу, па нагоре кон една стрмна нагорнина, на врвот на таа нагорнина е сместен хотелот Неда
Цената за сместувањето не би знаела сега да ја кажам, би можела негде во јуни месец кога е и најидеално време да си закажете и резервирате соба.Сепак, еден хотел , а стотици гости кои доаѓаат специјално за тој настан.
Исто, би ве посоветувала, доколку планирате да одите за Петровден во Галичник тоа да го сторите петокот пред свадбата. Саботата утрото започнуваат обредите па нема да ви биде дозволено со кола да се симнете накај црквата. Исто, секој петок навечер, пред свадбата се организираат концерти на плоштадчето пред црквата( познат по Галичани како Упија).
Друго нешто ако испуштив, слободно прашајте, со задоволство ќе ви кажам ( ако знам, нормално)