Поуки од Светото Писмо

 А Пилат штом виде дека ништо не помага, туку викотницата станува сè поголема, зеде вода и ги изми рацете пред народот и рече: „Невин сум за крвта на Овој Праведник! Вие гледајте!”

 И целиот народ одговори и рече: „Неговата крв на нас и на нашите деца!”

Тогаш им го пушти Варава, а Исуса Го бичува и Го предаде да Го распнат. (Матеј 27:24-26)

Наместо да преземе одговорност да донесе одлука во врска со ИСУС ХРИСТОС, Понтиј Пилат оставил другите да одлучат за него.

Сепак, тоа не го ослободило од одговорноста што лежела врз него кога изрекол неправедна осуда против ИСУС( Матеј 27:11-26; Лука 23:13-25).

А како е со нас? Кога треба да донесеме некоја одлука, дали дозволуваме некој друг да одлучува место нас?

Не е лесно да се донесуваат одлуки. Потребна е зрелост за да се избере она што е исправно.

Се разбира, тешко е да се донесуваат одлуки кога некоја ситуација е сложена и мора да се одмерат многу фактори.

Во Светото Писмо имаме едно ветување од БОГ: "Вака зборува Господ, твојот Искупител, Израелевиот Светец: „Јас Господ, твојот Бог, те учам за твое добро, те водам по патот по кој треба да одиш."

Кога нашата доверба е во БОГ и сме послушни на Словото, ќе донесуваме одлуки кои се најисправни и БОГ ќе не води по вистинскиот пат.

  "Поумен сум од сите мои учители, зашто размислувам за Твоите сведоштва.  Поразумен сум и од старците, зашто ги чувам Твоите наредби."   

                         ( Псалм 119:99,100)

 Пред неколку децении , добронамерните советници и психолози инсистираа родителите да се воздржуваат од се' што е повеќе од благо исправање на своите деца.

Многу такви експерти сега ги поттикнуваат родителите да бидат малку построги, повторно да преземат контрола врз своите деца. 

Во Светото Писмо има напишано специфичен, урамнотежен совет на темата воспитување на децата. 

Библијата вели: "А вие, татковци, не дразнете ги вашите деца, туку воспитувајте ги во науката и опомената на Господа. " (Ефесјаните 6:4)

Грчката именка која во преводот на македонски е преведена со " опомена" означува "стега, подигање, воспитување, поука. "

БОГ во Светото Писмо кажува дека стегата, односно поуката, е доказ за родителската љубов.

Правилно применетата стега и поука им помага на децата да се чувствуваат безбедни. Таа им кажува дека нивните родители се грижат за нив и за тоа какви личности стануваат.

Вреди да обрнеме внимание на овие мудри зборови од Божјото Слово :

10 Послушај, сине мој, прими ги моите зборови и ќе се умножат годините на твојот живот.

11 Те поучив на патот на мудроста, те вратив на правите патеки.

12 Не ќе ти се заплеткаат чекорите кога ќе почнеш да одиш; ако се растрчаш, нема да се сопнеш.

13 Држи се цврсто за поуката, не ја пуштај, пази ја, зашто таа ти е живот.

14 Не оди по патеките на нечесните и не оди по патот на лошите.

15 Остави го, не оди по него, отстранувај се од него и заобиколувај го .

                                               (Изреки 4:10-15)

 " И ова е увереноста која ја имаме во Него: дека Не' слуша ако бараме нешто според Неговата волја " (1 Јованово 5:14)

 Животот на Божјите слуги денес е исполнет со различни притисоци и грижи. 

 За мнозина, болестите и емоционалните притисоци се главен извор на грижа.

 Животот ни го отежнува и насилството кое се' повеќе го има околу нас. Економските  проблеми на многу начини отежнуваат да се заработи за живот.

 Сепак, можеме да бидеме утешени што БОГ ги слуша нашите молитви ако се во склад со  Божјите правила .

 Во Псалм 102:17 пишува дека Бог ќе погледне кон молитвите на лишените, на оние кои останаа без ништо , и нема да ја презре нивната молитва.

Всушност, се' што влијае врз нашиот однос со БОГ може да биде предмет на нашите молитви.

Ако стоиме пред одлуки во врска со брак или вработување, или за било која друга работа, треба  слободно да зборуваме со БОГ за тоа и да бараме водство од Него. 

ИСУС рече : "И што и да побарате во Мое име, ќе направам, за да се прослави Таткото во Синот " ( Јован 14:13).

 Затоа, да  да му ги изнесеме слободно на БОГ во молитва своите барања , потполно уверени дека Тој ќе ги услиши . 

  И кога сееше, едно зрно падна покрај патот, и дојдоа птици и го исколваа.

   Друго падна на каменлива почва, каде немаше многу земја; и никна брзо, зашто немаше длабока земја.

   А кога сонцето изгреа, овена и бидејќи немаше корен се исуши.

   И друго падна во трње, и трњето израсна и го загуши, па не донесе плод.

   А друго падна на добра земја и донесе плод, кој напредуваше и растеше, и принесе: едно триесет, и друго шеесет, а друго сто.”

  И рече: „Кој има уши да слуша, нека слуша!”

                                                ( Marko 4:3 -9)

Spored Marko 4:1-9, ISUS opisuva eden sejac koj frla, odnosno see seme.

Vo ovaa sporedba, sejacot ne go see semeto namerno na razlicna zemja. Naprotiv, koga toj zamavnuva, semeto pagja na razlicni mesta.

Isto taka mozeme da zabelezime deka ISUS ne rekol deka sejacot see razlicno seme.

ISUS rekol deka istoto seme pagja na razlicna zemja i zatoa dava razlicni rezultati.

Prvata zemja, na patot, e tvrda i nabiena; vtorata, na kamenliva pocva ,kade nema mnogu zemja e plitka; tretata e obrasneta so trnje, a cetvrtata e dobra zemja koja bogato ragja.

Sto e semeto? Toa e Bozjoto Slovo.

Sto pretstavuvaat razlicnite vidovi zemja? Lugje so razlicna sostojba na srceto .

13 И им рече: „Не ја разбирате ли оваа приказна? А како ќе ги разберете сите параболи!

14 Сејачот сее слово.

15 Оние, покрај патот, каде се сее словото, се оние кај кои - кога ќе го чујат - веднаш доаѓа сатаната и го грабнува словото, посеано во нив.

16 Исто, посеани врз каменлива почва се оние, кои - штом го чујат словото - го примаат со радост,

17 но немаат во себе корен, туку се непостојани, и кога ќе дојде неволја или гонење заради словото, веднаш се соблазнуваат.

18 А другите, што се посеани во трње, тоа се оние, кои го чуле словото,

19 но светските грижи, и измамливоста на богатството, и желбите за други работи, кога ќе влезат го загушуваат словото, и останува без плод.

20 А посеаните на добра земја се оние, кои го слушаат словото, го примаат и донесуваат плод: еден триесет, и еден шеесет, и еден сто.

                                ( Marko 4:13-20)