Дали...

Мајкл, нашата врска со нив е грешната природа која ја наследуваме од нив. Ние немаме врска со нивниот грев, но имаме врска со нашиот грев. Исус умре и за нивниот и за нашиот грев. Врската со Исус им е достапна и на нив и на нас. Од нас зависи дали ќе ја прифатиме Христовата жртва за нашите гревови или ќе си платиме самите за нив.

Ние сме нивни внуци Мајкл. Сите ние сме внуци на Адам и Ева. Сите ние сме излезени од нивното бедро и ја наследуваме грешната природа од нив. Адам направи грев (и Ева, но бидејќи во брак - тие се едно тело) и Божјата пресуда за тој грев беше однапред кажана - смрт. Но она што го направи Божјата љубов беше преместување и пролонгирање на таа пресуда од Адам во Едемската градина, до Христос на Голготскиот крст. Тука Бог си го одржа ветувањето што му го даде на Адам "ќе умреш" и затоа Адамовиот потомок (по тело) Христос беше погубен на тој крст. Павле тоа многу убаво го илустрира во Римјаните 5то поглавје. Поздрав!

zidarski, овој проблем на означување/нарекување (грешник, грев, или само осуденик заради гревовите) на Христос во моментот на превземањето на гревовите на крстос го поистоветувам со именувањето на блажената Марија на 3от вселенски собор. Додека Несториј се обидувал да ја нарече Марија Христородица за да потенцира на тоа дека Марија е родителка само на човечката природа на Исус, повеќето епископи бурно реагирале на ова осудувајќи го Несториј дека на тој начин од тоа ќе произлезе дека Исус не е Бог и затоа треба Марија да ја наречат Богородица за да се знае дека таа Го родила Оној Кој е Бог. И така оваа страна победила во расправијата и од тогаш Марија ја добива официјално титулата "Богородица" што понатаму ќе резултира со нејзино обожавање и култивизирање заради тоа "Бого" во нејзината титула.