Ви откриваме неколку необични факти кога станува збор за еден од најстарите природни материјали во светот – волната.

- Волната се смета за биоразградлив материјал.

- Бедуините со векови носеле облека од волна, многу пред да биде откриена индустриската вредност на овој производ.

- Во волната се наоѓа истиот протеин кој го содржи кожата во надворешниот, заштитен слој. Затоа таа функционира во согласност со телото – зимно време грее, летно време лади.

- Дури и кога е мокра, волната грее и затоа се користи како главна состојка во бебешката облека.

- Се смета за природна UV заштита.

- Отпорна е на мувла.

- Волната е одличен изолатор и е отпорна на оган.

Сепак, кога кажуваме волна, не помислуваме на облека или џемпери. Откривме дека овој материјал може да е многу инспиративен и креативен кога станува збор за уредување на домот.

Следат голем број на уникатни и топли парчиња мебел направени токму од волна.

 

„Откачен“ мебел инспириран од цртаните филмови

Ова е најверојатно најинтересниот мебел кој некогаш сте го виделе. Навистина е освежувачки да се види толку добро изработен мебел, кој истовремено е уникатен и дизајниран по ваша желба. Тој е изработен од компанијата „Straight Line Designs“, лоцирана во канадската покраина Британска Колумбија, која може да ви го создаде секое парче мебел кое може да го замисли вашиот ум.

„Straight Line Designs“ е една фантастична работилница која функционира одлично во последниве 25 години. Дизајнерот Џадсон Боумант и неговиот осумчлен персонал, имаат конструирано мебел со многу „откачен“ дизајн, кој потсетува на мебелот кој сме го гледале во цртаните филмови.
Освен неверојатно креативните парчиња кои ги гледате на сликиве, персоналот на оваа компанија, изработува и мебел по нарачка на саемот за деца, како и мебел специјално дизајниран според потребите на јавните институции ширум светот.
Посветено на добар квалитет и уникатен дизајн, студиото на Џадсон се држи настрана од масовното производство.
Мораме да признаеме дека резултатот од нивната работа е фантастичен, какви што впрочем се и дечињата, кои дефинитивно би скокале од радост доколку нивните родители им ја уредат детската соба со ваква уникатна уметност, а колку е интересен, веруваме дека и на возрасните воопшто не би им „пречел“.


Изменето од Анастеа - 23.Април.2011 во 00:07