Одмор во Тунис

Туризмот во Тунис по немирите е намален за 40 проценти. Во туристичките агенции низ Македонија годинава не ни помислиле да подготват аранжмани за оваа егзотична африканска земја

Тунис оваа година ја нема во туристичките понуди низ Македонија. За разлика од минатите години каде туристите уживаа во евтините и прекрасни аранжмани во Тунис и Египет, оваа година не ни помислуваат да прашаат дали воопшто има аранжмани за овие две дестинации. Од туристичките агенции ни потврдија дека нема заинтересираност од страна на граѓаните, а нема ни понуди од страна на агенциите.
-Не се ни потрудивме да организираме аранжмани. Од Тунис не контактираа колегите со кои комунициравме минатата година, но ништо не направивме. Познавајќи го нашиот пазар залудно ќе беше да организираме било што. Стравот кај народот е голем, затоа тој пазар оваа година е затворен - вели Стеван Пешевски од туристичка агенција Савана.

И другите агенции што ги контактиравме ни го потврдија истото. Тунис и Египет годинава нема да бидат на листата на туристички понуди во агенциите низ државава. Поради немирите во двете држави, сите оние кои планирале годинава да одмараат на афричкиот брег се откажуваат од својата намера, а туристичките оператори велат дека најсоодветна алтернативна дестинација ќе биде Турција, евентуално Шпанија. Оваа претпоставка на агенциите излезе дека е точна, тие си го знаат пазарот и не сакаат да преземаат непотребен ризик. Но не само кај нас, иста е ситуацијата и во другите европски градови. Тунис на туристичката мапа не постои. Исконтактиравме неколку туристички агенции од соседна Србија и за разлика од кај нас, кај нив и покрај се има понуди за северноафриканскиот брег, но досега ретко кој прашува дали има аранжмани за овие егзотични земји.

СО МАНТИЈА НА ПЛАЖА
Но и Тунижаните се исплашени за нивната иднина и нивниот опстанок. Државата им е опустошена, се краде, се убива, им се случува државен колапс, а од друга страна исламистите немилосрдно напаѓаат и имаат невозможни барања. Овие немири во јануари годинава предизвикаа пад на туризмот од 40 проценти. Тунис е држава каде туризмот е втора економска гранка со преку 400 илјади граѓани вработени во овој сектор, и 7 милиони туристи годишно кои внесуваат 2,5 милијарди долари.
-Тунис е земја која живее од туризмот. Исламистите сакаат да не уништат, покрај се што направија - сите немири, кражби, и се што уништија, сакаат и туризмот да го направат муслимански. Тоа значи дека мажите и жените ќе одат на посебни плажи и сите да бидат во мантии. Можеби тука за нас тоа е до некаде нормално, но да дојде турист и да треба да се капе на посебни плажи или на 40 степени да стави мантија затоа што некои фанатици така сакаат, ни на сон нема да се случи. Многу сме загрижени и најискрено се надеваме дека оваа ситуација ќе се среди. Ако не тргне на подобро може да се случи и по толку години живеење во Тунис, да треба да се селиме дали во Македонија или во било која друга држава - изјави Мери Типевска Беннасер, Македонка која повеќе од 40 години е омажена во Тунис и таму живее.

Светската туристичка организација при Обединетите нации (ОНСТО) ќе помага во закрепнувањето на туризмот во Тунис, која од почетокот на минатиот месец започнаа светска кампања за враќање на туризмот во нормала. Првичната мерка за заздравување на туризмот во Тунис која е и краткорочна мерка е намалување на цените во скоро сите засегнати сектори, но според експертите оваа мерка ќе донесе долгорочни резултати
-Новосоздадената средина за Тунис ќе има долгорочни придобивки, бидејќи ќе се создадат транспарентни услови за инвестирање во туризмот, како и добри услови за отворање на многубројни мали бизниси - изјавил генералниот секретар на ОНСТО за европски медиуми.
Тунис години наназад профитира од својата убавина, воодушевувајќи ги многубројните туристи со своите тиркизносини плажи, со пустините и нејзините оази, римските урнатини и со градовите преполни со богата историја. Жално е туризмот да не се развие повторно, затоа што сигурно постојат илјадници луѓе со желба да ја видат и да уживаат во убавините на оваа прекрасна