Летните дискотеки кои се наоѓаат во Градскиот парк на Скопје нажалост ќе се уриваат и на нивно место ќе се изгради новиот забавен парк за кој веќе се зборува со месеци.

Според проектот, паркот ќе биде на површина од 26.000 метри квадратни, односно освен просторот на сегашниот луна парк, ќе се прошири и на местото на летните дискотеките. Поголема површина за новиот забавен парк како што објаснуваат од кабинетот на градоначалникот Шилегов е потребна, бидејќи во него нема да има реквизити само за деца, туку и адреналински содржини за возрасни.

Како што најави Шилегов на презентацијата на проектот, летово ќе започне постапката за проектирање и набавка на реквизитите, што значи на есен ќе се уриваат познатите летни дискотеки (Хавана, Кабрио).

Доста жална вест за љубителите на летниот ноќен живот…

Три платформи кои се поставени во заштитеното подрачје на Матка се дивоградби а градоначалникот на Сарај, Блерим Беџети, најавува дека ќе се обиде да најде правно решение за трите во пакет, објави Телма.

Иако прецизно не кажа, меѓу редови најави дека како последна ја остава можноста да се руши било која од поставените три платформи. Вели дека платформите се таму со години и дека станува збор за реновирање и реставрирање, а не изградба како што објавија медиумите.

На градоначалникот Шилегов му порача дека избрзал со изјавите и дека треба да се фокусира на проблемите за кои е надлежен а кои се на територијата на Општина Сарај.

-Избрзана му е изјавата, не држи. Петре треба да ги види другите надлежности кои ги има, а не да се занимава со надлежностите на Општина Сарај, изјави Беџети.