Жаби

Бакнежот ќе ја убие жабата

 - Во светот на бајките жабата со бакнеж се претвора во принц. Во вистинскиот живот само еден допир може да убие други суштества и да предизвика сериозни проблеми кај луѓето. Април е Месец на жабите и иако поголемиот број луѓе веруваат дека ако допреш жаба нема да ти се направат брадавици, жабите се преносители на болести.
Можат да ги заразат луѓето со тенија и салмонела, вели Џерми Гудман, директор на зоолошката градина "Туртл бек" во Вест Оринџ, Њу Џерси. И двете болести може да предизвикаат сериозни компликации ако веднаш не се пружи лекарска помош.
Човечките дланки содржат природни соли и масла што ја иритираат кожата на жабата, така што ако со гола рака ги допрете овие водземци им предизвикувате сериозни проблеми, а можеби и смрт, вели Девин Едмондс од Медисон, Висконсин. Едмондс е автор на прирачникот за сопственици за миленичиња "Водни и копнени жаби", објавен минатиот месец.
Меѓутоа жабите може да бидат добри миленици за одреден тип луѓе. Нема да уживате и да си играте со нив како со куче, мачка или папагал, вели Едмондс, но ако сте љубител на аквариуми, ќе сакате водни и копнени жаби.
"Најмногу што ќе може да си поиграте со жабата е да ви земе крекер од рака", вели Едмондс во неговото електронско писмо од Мадагаскар каде работи на проектот за зачувување на водоземци.
"Сите копнени жаби некогаш биле и водени, но водените не можат да бидат само копнени", објаснува тој. Има жаби кои се доволно големи да изедат змија или птица и толку малечки што може да се сокријат зад зрно ориз

Додека ги проучувале, научниците забележале дека овој вид целосно му се посветува на одгледување на потомството, во што се крие и тајната на нивната верност.

- Ова е прво вистинско откритие на моногамни водоземци, изјави професорот д-р Џејсон Браун од Универзитетот Источна Каролина во Гринвил во САД.

По парењето, женката ги става јајцата на површина на листот. Кога се формираат полноглавци тогаш се сместуваат во мали водени базени каде нивните родители се грижат за нив. Кога полноглавците се гладни, мажјакот ја повикува женката која ги носи неоплодените јајца, со кои ги храни своите млади.

Новите експерименти покажаа до која граница оди нивното заедништво и верност. Многу животни се моногамни, па можат да се пронајдат парови кои остануваат заедно до крајот на животот. Новите студии и генетски испитувања покажуваат дека многу моногамни врски кај животните се само обична фарса. Постојат многу примероци од животински видови кои ги изневеруваат своите партнери кога имаат таква можност.

Врз основа на ДНК примероци земени од возрасните жаби и нивните наследници, откриено е дека перуанската жаба му е верна на својот партнер до гроб.