ВМРО-ДПМНЕ или СДСМ?

СДСМ вчера побара од премиерот Никола Груевски „и на дело да покаже дека конечно сфатил оти проектот за антиквизација ја води Македонија во тешка изолација“. Да ги врати старите имиња и називи на аеродромот, стадионот и автопатот, потоа, 8,6 милиони евра за споменици во Центар да ги пренасочи за македонското стопанство, и да се откаже од мегаломанскиот 35-метарски споменик во корист на стечајците.

ВМРО-ДПМНЕ веднаш побара парите за кои беше покренато обвинение против Зоран Заев за процесот „Глобал“, тие собрани од провизиите во ТАТ, од сите уметнички слики, „рејбан“ очила за сонце, скулптури, коњи набавени во мандатот на Љубомир Фрчкоски, како и парите од приватизацијата во времето на Бранко Црвенковски, да им бидат донирани на стечајците и на другите граѓани на кои им е неопходна помош.

---------------------------------------------------------------------------------------------

Од ваквите секојдневни препукувања на релација СДСМ - ВМРО ми се смачува и од политичари, и од партии, и од нивниот начин на јавна комуникација со кој секојдневно ги малтретираат граѓаните. Па толку ли мислат дека сме недоветни и не знаеме кој што и кога направил, кој колку украл, кој повеќе афери имал... Или навистина мислат дека политички поени се добиваат исклучиво со плукање по противникот, во недостаток на креативни идеи?! Наместо да излегуваат со предлози и решенија за проблемите, тие секојднево со нашкрабаните партиските соопштенија ни ги тупат главите и си ги мерат пред камери!

Неподносливото ривалство меѓу двете најголеми партии остава се помалку простор за некоја трета опција која би била свежа, работлива, креативна, со некомпромитирани кадри кои нема да бидат никакви -фили и полтрони на меЏународната, која нема да се раководи од тесно-партиски и лични интереси, која ќе знае да дефинира национална стратегија и национален интерес, која нема да се плаши да воспостави ред на територијата на цела држава... 

Јас сакам подобра опција, која ќе ги задоволи сите мои критериуми... па макар нека е и утопија!

do koga so tie vmro i sdsm....