Македонија-земја на информатичари

   ... dilema...POLITIKA ili OBRAZOVANIE... kje da e politika..
Компјутерите ги изместија чекорите
Чекор напред, три назад направи Владата со идејата
за експресна компјутеризација на училиштата, која не само што не им
помогна на учениците туку сега им создава проблеми да ја следат
наставата. Најавите на Владата дека со набавка на компјутерите во
училиштата како нација ќе скокнеме една цела ера во нашиот информатички
прогрес како да паднаа во сенка.

Како што изминува времето,
прашање е дали воопшто компјутерите ќе к*ртулат од насилници, кражби и
од забот на времето. Не беше малку тоа што се покажаа слабостите на
проектот „Компјутер за секое дете“, туку сега Владата реши да набави и
75 илјади лаптоп-компјутери за основците. Намерата е сите да станеме
информатичари пар екселанс. Од мали до најстари, од 7 до 77 години. А
за тоа колку оваа замисла ќе не' удри по џебот - никој не зборува. 

Има
ли Владата воопшто кочница во трошењето пари кога станува збор за
компјутеризацијата во образованието и дали се прави процена за
успешноста на самиот проект? Вистинска мистерија е колку пари од
буџетот ќе треба да се издвојат за компјутерите и кој ќе плати ако тие
се украдат, оштетат или расипат. Опозицијата пред извесно време ја
прозва власта дека набавката на компјутерите е матна зделка, но
надлежните не излегоа со конкретни детали за проектот за компјутерите,
кои барем засега се само декор во училиштата. 

При првичната
најава за проектот „Компјутер за секое дете“ беа одвоени дваесетина
милиони евра, но оваа сума е многу повисока, знаејќи го фактот дека ќе
се набават и над 70-ина илјади лаптоп-компјутери вредни 10 милиони
евра. За нив учениците ќе имаат и нови клупи и столчиња кои, исто така,
не дознавме колку ќе чинат. Само за подготовка и материјали за проектот
се одвоени девет милиони евра и дополнителни 300 илјади евра
компјутерите да се донесат до училиштата. Сега Владата има намера да
ангажира и администратори за да се грижат за одржување на компјутерите
и мрежата, но сумата за нив се' уште не е позната. 

Нема месец
Владата да не најави нови „проектчиња“ поврзани со компјутерите. Де ќе
се набават маси и столчиња, де ќе се набави ова, де она, само да им се
сервира компјутеризација на учениците. А притоа како да заборава во
какви услови учат тие деца. Дека секој ден им е буквално преживување,
бидејќи немаат каде да одат по нужда поради засмрдените тоалети, кои не
се одржуваат поради недостигот од средства. Ги прашал ли некој
учениците во какви објекти учат, кога прашање на време е кога ќе им се
сруши покривот на глава. 

Никој во Владата не се најде засегнат
да одговори и на други прашања. На пример, како надлежните ќе го
објаснат фактот што дел од компјутерите се' уште фаќаат прашина по
магацини додека нивната гаранција истекува. Зошто Владата, по претходна
опомена од државните институции, платила осигурување на компјутерите,
но само за периодот од јануари до март 2008 година. И кој ќе им
гарантира на учениците дека ќе добијат исправни компјутери, чија
вредност од ден на ден се намалува? 

Компјутерите пристигнаа,
ама само во средните училишта. Ај што пристигнаа, ама учениците не
научија ниту една електронска лекција, бидејќи не се направени
дигиталните содржини што треба да се внесат во компјутерите. Може само
да замислиме што ли ќе се случува со новите лаптоп-компјутери кои
наставниците и професорите од основните и од средните училишта ќе можат
да ги носат и дома. В ред е што сакаме да создадеме компјутерски
писмена нација уште од мали нозе, но работите треба да се одвиваат по
ред и транспарентно.

Јавноста остана покуса и за објаснувањето
за ефектите и трошоците за проектите за компјутеризација на училиштата,
бидејќи оние кај кои лежат вистинските одговори сметаат дека проблемите
не се од таков размер како што се претставуваат. Според нив, ефектите
од овој проект ќе се докажеле по неколку години. Ќе видиме дали ќе биде
така.

Внеси реплика	страница <1 7 8910 11 19 >
Tweet