РАКОМЕТ - новости

Темелковски го состави поширокиот список

19.05.2009.

Сениорската машка репрезентација на Македонија ќе ги започне подготовките за претстојниот квалификациски циклус за учество на Европското првенство 2010 год. во Австрија.      Селекторот Темелковски го објави списокот на 28 кандидати за националниот тим, од кои дел ќе бидат повикани на претстојните подготовки на репрезентацијата.Дефинитивниот список ќе биде објавен следната недела.   1. Ристовски Борко Р.К. Металург 2. Ангелов Петре Франција 3. Митревски Никола Р.К. Вардар Про 4. Брестовац Данило Р.К. Металург 5. Алушевски Стевче Р.К. Вардар Про 6. Макалоски Гоце Р.К. Вардар Про 7. Недановски Владо Р.К. Металург 8. Темелков Владимир Германија 9. Мојсоски Златко Р.К. Вардар Про 10. Јовиќ Александар Р.К. Металург 11. Георгиевски Гоце Р.К. Металург 12. Павловски Игор Романија 13. Маркоски Никола М.Р.К. Вардар 14. Наумовски Левко Португалија 15. Стоилов Стојанче Р.К. Металург 16. Стојановиќ Радослав Словенија 17. Лазаров Филип Р.К. Металург 18. Стоилов Мите Р.К. Металург 19. Маркоски Велко Р.К. Вардар Про 20. Караиванов Мите Р.К. Вардар Про 21. Јоновски Ацо Босна и Херцеговина 22. Мојсовски Наумче Р.К. Вардар Про 23. Миркуловски Филип Р.К. Металург 24. Кузмановски Горан Шведска 25. Ангеловски Бранислав Дубаи 26. Лазаров Кирил Хрватска 27. Митков Влатко Германија 28. Мајнов Лазе Словенија

Ракометна завршница во Купот на Македонија

Достоинствено и во фер игра пред полна сала да поминат полуфиналето и финалето на ракометниот Куп на Македонија што викендов ќе се одржи во Скопје, е пораката која ја испратија претставниците на клубовите учесници во завршницата.

Купот ќе се одржи викендов во салата „Борис Трајковски“, а организатор е Ракометната федерација на Македонија.

На денешната прес-конференција беше соопштено дека се запазени сите детали околу регуларноста на натпреварите и во тој контекст е жребувањето на судиите на два часа пред почетокот на полуфиналните дуели.

- Еден натпревар е во прашање и нема поправен. Се е можно во Купот. Очекувам да играме финале без во ниту еден момент да го потценам противникот во полуфиналето Пелистер, изјави тренерот на Вардар Про Веселин Вујовиќ.

Тренерот на Пелистер Борче Марковски ја истакна фаворитската улога на Вардар, но нагласи дека ќе го дадат максимумот за да го направат полуфиналето неизвесно.

- Имаме млада и перспективна екипа и нема да му дозволиме на Металург лесно да стигне до финалето иако има поквалитетна екипа од нас, е коментарот на Стојан Петрушевски, тренерот на МРК Вардар, за мечот со Металург.

Во Металург посакуваат сменети улоги со Вардар Про од ланската сезона. Репрезентативците Лазаров и Миркуловски се едногласни дека ќе се спротивстават со сите сили и покрај повредените играчи.

- Ако Металург лани беше шампион, а Вардар ни го зема Купот сега нека биде обратно кога веќе Вардар ја обезбеди шампионската титула, истакна Филип Лазаров.

Вардар Про - Пелистер од 18:30 и Металург - МРК Вардар од 20:15 се двете полуфинални двојки за в сабота.

Финалето е закажано за в недела со почеток од 17:30 часот.

     

Борба за третото место во ракометната супер лига

Со одигрувањето на натпреварите од 23-тото коло остануваат уште малку дилеми околу разврската за изгледот на табелата во ракометната супер лига. Првите две позиции се познати (Вардар Про прв, Металург втор) и сега останува борбата за третото место за кое конк*рираат ракометарите на МРК Вардар и Пелистер.

Во 23-тото коло беа постигнати следниве резултати: Вардар Про - Борец/Младост 46:26, Тинекс Пролет - Металург 30:33, Пелистер - Преспа 39:22, ВВ Тиквеш - МРК Вардар 24:29.

Табела: Вардар Про 65, Металург 59, МРК Вардар 42, Пелистер 36, Тинекс Пролет 31, ВВ Тиквеш 29, Борец/Младост 6 и Преспа 4.

Лазаров го чекаат во Шпанија и во Германија

Ако Кроација Осигурање му понуди неприфатливо финансиско намалување на договорот на Кирил Лазаров, нашиот најдобар ракометен интернационалец кариерата може да ја продолжи во Шпанија или во Германија, соопштува весникот „Дневник“.

Тамошните клубови повеќе години по ред се обидуваат да го донесат во своите редови, а сега можеби ќе добијат шанса ако Загреб, поради финансиската криза, не сака или не може да го плати квалитетот на нашиот ракометар.

Како можни дестинации за Кире често се споменуваат Сиудад Реал и Барселона. Во Германија повеќе пати го бараа од Флензбург. Април и мај се месеци кога се прават трансферите во европските клубови, па следниве недели можно е да има новини.

Леворакиот Лазаров би требало денеска во клупските простории на загрепчани да разговара за својот договор. Тој засега нема најави дали клубот нему ќе му понуди договор со помала вредност. Дојде во клубот како големо засилување, две сезони по ред е најдобар стрелец во Лигата на шампионите. Пред СП во Хрватска го продолжи договорот со клубот за уште две сезони, па и не може да размислува за заминување, освен ако не го пушти клубот.

Загреб Осигурање во моментов има 500.000 евра помалку во буџетот по заминувањето на Теле 2 и ХЕП, и кредит од околу 1.000.000 евра, што беше земен за да се донесе Ивано Балиќ. Според Зоран Гобац, менаџерот на загрепчани, сезонава клубот е задоволен од Вори, Тончи Валчиќ и Дувњак. Повеќе очекувале од Балиќ, кој ниту маркетиншки не им донел профит. Токму за неговиот договорот кој годишно тежи околу 350.000 евра, најмногу се зборува во медиумите. Според хратските медиуми договорот на нашиот Лазаров е помеѓу 150.000 и 300.000 евра по сезона.

„Двајца, тројца или четворица ракометари ќе ги задржат сегашните договори, на двајца ќе им се понудат зголемувања, а кај повеќето ќе има намалување“ изјави Гобац за хрватските медиуми.

Златко Хорват не го прифатил покачувањето, Домагој Дувњак побарал неколку дена да размисли дали му е доволно зголемен договорот. Во некои европски клубови рецесијата е веќе присутна. Перо Метличиќ кој игра во Сиудад Реал вели дека нема „кратење“ на договорите на играчите, иако рецесијата се чувствува, па клубовите ги намалуваат трошоците на друг начин.

Одложениот меч Белгија - Македонија на 6. јуни во Херстал

Одложениот квалификациски натпревар за Европското првенство 2010 година во Австрија на македонската машка сениорска ракометна репрезентација со Белгија, на гостински терен ќе се одигра на 6. јуни во Херстал.

Првично мечот беше закажан и требаше да се одигра на 22. март, но поради лошите временски услови и затворениот скопски аеродром репрезентацијата не отпатува за Белгија и истиот требаше да биде презакажан.

Двете репрезентации седум дена подоцна ќе играат во Македонија.

До крајот на квалификацискиот циклус Македонија ќе одигра уште три натпревари, на 10. јуни против Норвешка на гости, на 17. јуни со Исланд исто така на теренот на противникот и со Норвешка на 21. јуни во Скопје. Првопласираните две репрезентации од групата ќе играат на завршниот турнир.

Македонија моментно е на четврто место со три бода од три меча. Лидерската позиција ја делат Исланд и Норвешка со по 7 бода.

Vardar1947 напиша: Komitsko ludilo vo novata sala Vardar - Metalurg http://www.youtube.com/watch?v=Rpm6mPVWFRM&feature=channel_page

Секоја чест

Komitsko ludilo vo novata sala

Vardar - Metalurg


http://www.youtube.com/watch?v=Rpm6mPVWFRM&feature=channel_page

Изменето од Vardar1947 - 14.Април.2009 во 11:44