Слобода на медиумите

 Kali напиша:

Што значи слободата, кога не постои одговорност? 
Ништо.

Слобода без одговорност се граничи со девијантности, на какви што сме сведоци. Или еве да зборувам од свое име, не мора некој да се согласи. 
Всушност мислам на ова:
- секој може да каже што сака, и тоа да биде смислено/несмислено, воспитано/невоспитано, проверено/непроверено. Ова важи за пишани и електронски медиуми, за забавни емисии, шоуа, до политички емисии. 
- одговорност се бара само кога владината политика е загрозена од веста- ова е типичен пример на загрозување на слободата до даска. 
- зависно од тоа во кој медиум работи, новинарот се приклонува кон политиката која тој медиум и неговиот сопственик ја поддржува. Многу малку од тие новинари размислуваат со своја глава, или се дрзнуваат да го напишат/кажат она што навистина го мислат. Слободата и тука е повредена- каква е таа слобода ако не можете како новинар да имате кредибилитет, доволно образованост и личност, за да застанете зад свои ставови, некорумпирани и непоткупени?
- Ако пак сте новинар или медиум близок до власта, тогаш сте Бог. Тогаш имате право на се и сешто, дури и дрско да си залепите етикета на патриот наспроти предавниците, и да се шетате по Европски парламент демонстрирајќи ја својата невоспитаност. Кој ќе побара од вас одговорност? Никој. Можете да манипулирате со народот без никаква пречка, и притоа да си ги полните џеповите. 

Може се да се каже за Велија и некои новинари од А1, но факт е дека ниеден медиум не може да се мери со истражувачкото новинарство кое А1 го покажа. Некои од откриените стории последниве години беа фантастични и фрапантни, и за волја на вистината, буквално ниедна од тие не беше побиена. А1 предводеше пред сите медиуми во одредени програмски новини, почнувајќи од утринската емисија која ги надминуваше сите рејтинзи, до Бебе Магазин, до турските серии 
(луѓето се заљубија во Онур и Шехерезад), до Македонски Идол, итн итн. Можете да не го почитувате Велија, можете да не ги сакате одредени новинари во А1 како Борјан или Биљана, или драматичните кампањи на А1 ( ни јас не ги почитувам), но не можете да кажете дека А1 како целина е неквалитетен медиум. Не случајно се потепаа СИТЕЛ и Канал 5 да ги преземат сериите,емисиите и новинарите од А1. Приказнава е всушност следната: убијте го комшијата, за да му ја земете козата. Нелојална конк*ренција во коалиција со власта, ги добива привилегиите и го собира кајмакот. Слобода? Каде???

Единствен електронски медиум кој сега остана, и кој има програмски квалитет, е Алфа ТВ. 
Единствен медиум кој поседува всушност, образовани новинари, почнувајќи од Ана Јовковска, Оливера Трајковска, Ирена Спировска, итн. 
Дај Боже да се оддржи во ова волчјо дувло. 

Со ова се согласувам (иако не се согласуваме околу владата)
Факт неоспорен- со затворање на А1 изгубивме сите оние кои сакаме вистина,
А околу слободата на говорот- не е слобода на говор да си кажеш што сакаш на телевизијата (или да напишеш во весникот во кој работиш) што ТИ како новинар мислиш дека е така.
Мене страшно ме нервира кога ми манипулира некој со мојата интелегенција, кога ми кажува вести кои не се блиску до паметот. И најмногу ми играат дамарите кога станувам свесна дека не му можам ништо, ама ништо кога зема дел од моите пари кои јас преку разноразни давачки ги давам. Ма помодрувам од мака ама џабе ми е.

Внеси реплика	страница <1 7 8910 11 22 >
Tweet