Сакате да вежбате? Ви треба мотивација?

Денес неможе а да не ве поздравам.. Поздрав за сите што живет здраво и што се хранат здраво!!!

АДРЕНАЛИНСКИ СПОРТОВИ

Летање, лизгање, скокање, лебдење...сето ова е многу забавно! Екстремните спортови се сè попопуларни и со својата непосредност и неограниченост се „закануваат„ дека потполно ќе ги потиснат „нормалните„ спортови.

Приказната почна во 80-тите години на минатиот век кога на разни краеви од светот младите почнаа да практикуваат и да размислуваат нови и поинакви начини да се совлада природата. Иако првите вратоломии на ролшуи и на BMX ја шокираа јавноста, а првите банџи-скокачи завршуваа дури и зад решетки, на адреналинските спортови им беа потребни сè на сè неколку години за да го освојат светот и да стекнат милиони обожаватели.
Секоја година семејството на екстремните спортови станува сè побројно, но овие дисциплини се издвојуваат со својата популарност и распространетост:

   1. inline skating - возење и вратоломии на ролери,
   2. snowboard – возење на даска за снег,
   3. paragliding – летање со специјален падобран,
   4. freeclimbing – искачување по природни или вештачки карпи,
   5. mountain bike – возење велосипед по тешкопристапни терени,
   6. bungee jumping – скок во празно на елстично јаже.

Овие дисциплини се прифатени и кај нас: последниве години параглајдингот е особено популарен.

ЕКСТРЕМНИ РАБОТИ ЗА ЕКСТРЕМНИ ЛУЃЕ

Психолозите кои го проучувале феноменот на екстремни спортови сметаат дека токму чувството на неизвесност, одење по работ на можното и остварливото, испробување на нешто за прв пат и исполнување на детските фантазии како што се летење и слободен пад, се оние карактеристики кои придонесуваат овие спортови брзо да „влезат„ во крв, па на оној кој се занимава со нив му се јавува потреба постојано да испробува нови спортови и нови комбинации.

АДРЕНАЛИНСКИ ФИТНЕС

Предностите од екстремните спортови придонеле нив масовно да ги прифатат и фитнес-инструкторите. Соочени со клиенти кои е сè потешко да се мотивираат со некоја вообичаена рекреација, многу тренери се свртија кон адреналинските дисциплини свесни за нивните благодети за човечкото тело.
Имено, освен за забава, овие спортови се одлични за кондиција и за совршен физички изглед. Сноубордот, на пример, одлично ги затегнува задникот и нозете, го зацврстува стомакот, додека пак, freeclimbing е одлична активност за мускулите на градите, рамената, грбот и рацете. Возењето ролери е одлично за долниот дел од телото: нозе, бутови, колкови, задник., но и за стомачните мускули. За отстранување на целулитот, покрај диета и специјални гелови, на девојките им се препорачува и возење ролери.

НЕ САМО ЗА ТЕЛОТО,ТУКУ И ЗА ДУШАТА

Освен тоа што на разни начини позитивно влијаат на телото, екстремните рекреативци тврдат дека овие спортови позитивно влијаат врз нивното расположение, опуштаат и забавуваат, а и придонесуваат да се чувствуваат посилни и поподготвени за нови животни предизвици.
Затоа, ако параглајдингот или банџи-скоковите се премногу за вас, купете си 1 чифт ролери и дозволете си себе добро „тркалање„.

Сакате ТОБЛЕРОНЕ мускули?

Без оглед на генетската предиспозиција, секој може значително да го намали масното ткиво кај абдоменалните мускули. Стручните лица препорачуваат исхрана на основа посни протеини, интегрални житарки, маслиново масло, риба итн...Што се однесува до неопходната физичка активност – намалувањето на стомакот НЕ Е ТАКА ТЕШКО КАКО ШТО МИСЛИТЕ.


     

Без оглед на генетската предиспозиција, секој може значително да го намали масното ткиво кај абдоменалните мускули. Стручните лица велат дека е многу важно да се имаат предвид следниве фактори:

   1. Исхрана и диети

Исхраната треба да ви биде базирана на растителни влакна, посни протеини, овошје, зеленчук, интегрални житарки, риба, маслиново масло.
Треба да се избегнуваат:

    * скроб и прости шеќери. Најдобри се јаглехидратите кои содржат растителни влакна – значи, интегрален леб наместо бел.
    * Избегнувајте жестоки пијалоци-посебно пиво, но дозволена е 1 чаша вино на ручек.

   2. Хормони

Во стресни ситуации, надбубрежните жлезди лачат хормон „кортизол“ – тој го зголемува апетитот за јаглехидрати, а нивното консумирање води до таложење на масни наслаги на стомакот. Експертите велат дека нивото на овој хормон може да се намали со медитација, јога или физички вежби.

   3. Фитнес вежби-стомачни или со топка

Можеби се прашувате: умерени или интензивни? Не е важно – и двата типа даваат резултати. Степенот на согорувањето на масното ткиво се зголемува со интензивирање на физичката активност, а за негово намалување токму кај абдоменот – неопходни се кардио вежби и вежби за зацврстување.
Кардио програма е „смрт“ за масното ткиво низ целото тело, а вежбите за зацврстување влијаат на силата на мускулите и го поттикнуваат метаболизмот.
Всушност, наменските вежби, во случајов за активирање на стомачните мускули, влијаат врз намалување на масното ткиво кај тој дел од телото.
Иако кардио програмата, која го ангажира торзото, многу помага во обликување на стомачните мускули, сепак, потребно е да се изведуваат најразлични наменски вежби. Менувањето на вежбите ве тера да се концентрирате на техниката на изведување. Нпр. стомачните треба да се изведат бавно, со контролирани движења на мускулите. Ефектот од обичните стомачни вежби може да се зголеми со воведување на нови движења. Овде многу можат да помогнат и вежби со топка.

Изменето од BidiFit - 30.Јануари.2008 во 13:08

BidiFit напиша: Slusaj!! ne si smesen tuku ti treba poveke samodoverba. Bitnoe da te ispolnuva toa sto go pravis i se razbira da trosis. Posmesen ke bides ako se napravis 120 kila, Veruvaj!!!!

Не бе, баш сум фит, се зафркавав.
Вежбам фитнес од време на време, ама сакав боречки вештини за поубаво канализирање, насочување на енергијата зашто се вежба и концентрација, рамнотежа, дух, итн.
 

Сакам кунг фу, аикидо малце,ама смешно изгледам- ко балерина.

Ај може на прва така ми се чини.

Вака сега,ми требаат правила неколку или заклучоци кратки според кои можам да се раководам. Значи нешто кратко а корисно. Може???