Што мислите за ЦЕЦА?

Поранешниот српски министер за внатрешни работи Радмило Богдановиќ порача дека треба да се испита зошто српската пејачка Цеца го оставила нејзиниот сопруг Аркан непосредно пред атентатот.

Како што пренесуваат српските медиуми, Богдановиќ во своето прво интервју по 20 години за магазинот ’НИН’, ја осомничи Светлана Ражњатовиќ дека знаела оти Жељко Ражњатовиќ Аркан ќе биде ликвидиран.

„Полицијата треба да ја истражи нејзината улога во овој случај“, рече Радмило Богдановиќ, кој на чело на српското МВР бил до почетокот на 1991.

„Многу работи од почетокот беа чудни и тогаш им реков на полицајците да испитаат зошто Цеца со својата сестра влегла во бутикот, а Аркан останал да чека пред рецепцијата на Интерконтинентал“, изјави Богдановиќ, кој не сакаше да открие повеќе детали.