ФОТО: Тимовите на СДСМ со алкохол и пендреци се спремаат за протестот

Тимовите на СДСМ со алкохол и пендреци се подготвуваат за утрешниот протест во главниот град. Оваа фотографија која стигна до нашата редакција е направена вечерва во Богданци.

Изминатиов период медиумите постојано пишуваа дека Зоран Заев и СДСМ подготвуваат насилни протести за утре пред Владата. Овие фотографии се само потврда за ваквите тврдења за насилно сценарио, кое има за цел да го спаси лидерот на партијата кој е соочен со непобитни докази.

Дополнително, опозицискиот лидер во денешното интервју за НоваТВ потврди дека СДСМ има тимови за насилство. Заев во интервјуто вели дека имале огромен број од 2.000 млади луѓе нивни членови кои биле борци и кои тренирале карате и кик- бокс.

-Ќе имаме некаде повеќе од 2.000 луѓе млади, огромен дел од нив тоа се борци луѓе, значи кои тренираат карате, кои тренираат кик бокс од нашите членови, рече Заев во интервјуто.

Деновиве во јавноста веќе беше објавено дека тимовите на СДСМ со најсилните членови се веќе спремни, составени од луѓе со кривични дела, кражби, насилства, вооружени грабежи и учества во тепачки.