Русија или САД

Буш против летечките објекти - чевелот достигна десет милиони долари

Само еден чевел од парот кои ирачкиот новинар го фрли пред неколку дена кон американскиот претседател Џорџ Буш на прес конференција во Багдад достигна неверојатна цена од 10 милиони долари, објави московската интернет страница vesti.ru.

И тоа не е крај. Цената расте од час во час.

Најголемата понуда досега ја дал 60 годишен бизнисмен од Саудиска Арабија, кој е подготвен да плати 10 милиони долари за само еден чевел.

Почетната цена од 100 илјади долари ја понуди поранешен технички директор на ирачки фудбалски клуб.

Меѓутоа, се уште не се знае каде се наоѓаат тие фамозни чевли.

Според една верзија, нив ги конфискувале ирачките безбедносни служби.

Сопственикот на чевлите, во очите на многу Ирачани веќе стана национален херој, па дури и добитник на одликувања.

Награда за храброст му додели хуманитарна организација, која што е спонзорирана од ќерката на лидерот на Либија, Муамер ел Гадафи.

Кога наградата ќе му биде врачена на младиот новинар се уште не се знае, затоа што тој се наоѓа во полиција на испрашување и му се заканува казна затвор од неколку години, доколку му се суди за напад врз странски шеф на држава во Ирак.