УЕФА Лига Европа

Вердер во Финале

Бременскиот Вердер со 3-2 победи во Хамбургер, и по основ на повеќе постигнати погодоци во гости, избори пласман во финалето на Купот на УЕФА кое ќе се одигра на 20 мај во Истамбул. По првиот натпревар во Бремен, Хамбургер имаше предност од 1-0, но во вториот натпревар скапо ја платни ноншалантната игра во одбрана, но мораме да признаеме дека Вердер одигра далеку подобро од тоа што го покажа во првиот натпревар, вкупно земено подобрата екипа во 180те минути. Веќе во 13. минута Хамбургер преку Ивица Олиќ дојде до предност од 1-0 или вкупно земено тоа беше добар во тој момент резултат од 2-0, кој гарантираше финале за домаќините. Но Вердер го возврати удаарот преку Диего кој во акција со Пизаро ја посрамоти целокупната одбрана на Хамбургер. Диего имаше шанса да постигне уште еден погодок во првиот дел, но неговиот топовски удар заврши во гредата. Во продолжението Вердер играше се подобро и подобро па така во 52 минута постигна и погодок преку Пизаро кој беше поништен поради сомнителна офсајд ситуација, но четиринаест минути подоцна, истиот играч сепак донесе водство за Вердер. По гужва во шеснаесетникот одлично се снајде Бауман и го постигна третиот погодок за својата екипа а тоа значеше 3-1 и обезбедено финале за гостите од Бремен. До крајот на натпреварот домаќините повторно преку Олиќ успеаа само да го намалат резултатот на 3-2, што беше недоволен за обезбедување виза за Истамбул. Куп УЕФА, полуфинале, реванш: Хамбургер - Вердер 2-3 / 1-0 /Олиќ 13,87 / Диего 29, Пизаро 66, Бауман 83 Шахтар - Динамо Киев 2-1 / 1-1 /Јадсон 17, Илсинхо 89 / Бангуора 47

Изменето од fiks - 08.Мај.2009 во 01:26

Почнува разврската за украинско-германското финале

Со денешните први полуфинални натпревари почнува разврската за финалето во Купот на УЕФА што на 20 мај ќе се одигра во Истанбул.

Едно е познато дека ќе има по една екипа од Украина и од Германија.

Во првото полуфинале вечерва Динамо Киев го пречекува Шахтјор, додека во второто ќе се состанат германските екипи Вердер и Хамбургер.

Прв меч е довобојот помеѓу Динамо К. - Шахтјор со почеток во 18:30,додека Германското полуфинале е со почеток во 20:45.

Куп УЕФА - во полуфиналето украински и германски тимови

Фудбалерите на киевски Динамо се пласираа во полуфиналето од Купот на УЕФА, откако во реванш мечот лесно излегоа на крај со Парис Сент Жермен. Успешен беше и другиот украински претставник, Шахтјор, кој во Марсеј оствари уште една победа и ги потврди големите амбиции.

Највозбудливо беше во Удине. Домаќините на полувремето имаа резултат кој им гарантираше продолженија, но тимот од Бремен предводен од Бразилецот Диего во продолжението од средбата си обезбеди пласман во следната рунда. Рано постигнатиот гол од страна на Гереро му овозможи на Хамбургер мирен меч во Манчестер. "Граѓаните" се трудеа и успеаа да направат пресврт, кој сепак беше недоволен за пласман во следната рунда.

Резултати:

Динамо Киев - Парис Сент Жермен 3:0 (прв меч 0:0)

Бангура 4', Лондро 16'(аг), Вукојевиќ 61'

Олимпик Марсеј - Шахтјор 1:2 (прв меч 0:2)

Бен Арфа 43' - Фернандињо 30', Луис Адријано 90'

Манчестер Сити - Хамбургер 2:1 (прв меч 1:3)

Елано 17'(пен), Каиседо 50' - Гереро 12'

Удинезе - Вердер 3:3 (прв меч 1:3)

Инлер 15', Кваљарела 30', 38' - Диего 28', 60', Писаро 73'

Полуфиналните дуели се играат на 30 април и 7 мај, а ќе се сретнат Вердер - Хамбургер и Динамо Киев - Шахтјор.

Солидна предност за Германците

Диего во дуел

Двата германски преставници Вердер и Хамбургер обезбедија идентична предност од 3:1 против Удинезе односно Манчестер Сити во првите четвртфинални дуели од Купот на УЕФА. Во таква ситуација ќе се обидат да издржат во реваншот и да се пласираат во полуфиналните борби. На мечот во Бремен главна ѕвезда за домаќините на беше бразилскиот ас, Диего постигнувајќи два гола, еднаш во листата на стрелците се запиша и Хуго Алмеида, а во самиот финиш Кваљарела им даде мала надеж на гостите пред реваншот закажан за идната недела. Првпат мрежата на Удинезе беше начната во 34. минута. Диего поведе една акција и со шут по земја од косо, со десната нога, го матира голманот Хандановиќ. На почетокот на второто полувреме Италијанците ја отворија играта и притоа имаа две добри шанси. И двете ги пропушти најопасниот нивни напаѓач, Кваљарела (првата заврши покрај голот, а при втората, Визе го одбрани неговиот обид за лоб).

Во 67'. минута Диего влезе во шеснаесетникот на гостите, сам си обезбеди позиција за шут и го постигна својот втор погодок. Веќе во следната минута дефанзивците на Удинезе не поставија добра офсајд замка по која Алмеида излезе сам пред Хандановиќ и по трет пат ја тресе неговата мрежа. Во финишот италијанскиот преставник само го ублажи поразот откако Фабио Кваљарела во третата своја шанса го матира Визе.

Вториот германски преставник, Хамбургер се престави во одлично издание играјќи доста отворено и напаѓачки против англискиот претставник Манчестер Сити. Уште не беа седнати навивачите на Нордбанк арената, а веќе имаа можност да видат гол. Можеби најбрзиот погодок во историјата на ова натпреварување го постигна Стивен Ајрелнд, уште во 29 секунда на додавање на Робињо. Само осум минути подоцна Трошовски изведе корнер, топката стигна до Јорис Матијсен кој го израмнува резултатот. До крајот на полувремето имаше уште неколку шанси но резултатот не се промени. Во 63. минута дефанзивецот Ричардс игра со рака во сопствениот шеснаесетник по што следуваше пенал за Хамбургер. Трошовски сигурен и прави пресврт од 2:1. Во 71. минута во игра на местото на Олиќ влегува Гереро и само осум минути подоцна носи добра предност од 3:1 пред реваншот идната недела.

И украинскиот Шахтјор си обезбеди солидна предност над Марсеј од 2:0 пред преполниот стадион во Доњецк. Головите беа дело на дефанзивецот Томас Хубшман во првото и Жадсон во второто полувреме. Домашниот состав на чело со Мирчеа Луческу беше подобар противник и имаше шанса да обезбеди и поголема предност, но напаѓачите во неколку ситуации беа немоќни.

Единстената шанса за гостите беше ударот на Нианг во 36. минута кој заврши во гредата, а веќе три минути подоцна домашните навивачи се радуваа. По центаршутот на Срна, Хубшман успеа да го совлада Манданда и да обезбеди предност на полувремето.

Во 65. минута одличната комбинација меѓу Фернандињо и Жадсон, вториот ја претвора во водство од 2:0 што се покажа како конечен исход на овој натпревар.

јако ќе биде на вердер - удинезе

Источноевропска инвазија за четврт-финале

Денеска се играат првите осминафинални натпревари во Купот на УЕФА.

Дури шест источно европски екипи се најдоа во можноста да се борат за четврт-финалето, а во оваа фаза и два поранешни европски шампиони меѓусебно ќе ги одмерат силите.

Минатогодишниот освојувач на трофејот, Зенит, за пласман во четврт-финалето се соочува со единствениот "преживеан" претставник од Италија, составот на Удинезе.

Рускиот претставник со големи амбиции им приоѓа на мечевите во Купот на УЕФА, а тренерот Дик Адвокат се надева дека неговата екипа ќе продолжи успешно да се претставува како што беше случај и минатата година.

"Удинезе не е лесен противник. Тие играат дефанзивен фудбал и сигурно нема да ни дозволат да играме како што знаеме. Во секој случај мора да бидеме претпазливи, зошто кога се игра во нокаут фазата секој гол е може да биде решавачки", рече Адвокат.

Холанѓанецот не ќе може да смета на дефанзивецот Томаш Хубочан, но затоа неговото место ќе го заземе Белгиецот Николас Ламбертс, кој заздрави од повредата. Во екипата се враќаат и Тимошчук и Ширл, кои ја одлежаа суспензијата од еден натпревар.

Освојувачот на трофејот од Купот на УЕФА од 2005 година, ЦСКА од Москва, на свој терен го пречекува одличниот состав на Шахтјор.

Рускиот гигант на чело со прославениот Зико имаат големи амбиции оваа сезона како во домашните така и во европските натпревари.

"Екипата е во добра форма. Минатата недела го освоивме домашниот Супер куп, а во ист стил се подготвуваме да го елиминираме и Шахтјор. Украинците секогаш важеле за незгоден противник, но нема да дозволиме да се радуваат на наш терен", изјави Зико.

Во Киев, пак, се игра украинското дерби меѓу домашниот Динамо и Металист од Каркив. Како што успешно грабат во домашното првенство така двете екипи феноменално играат во Купот на УЕФА. За само осум дена ова ќе биде втор меѓусебен дуел. Првиот одигран на 4 март им припадна на Динамо со 2:0, но овој пат Металист нема право на грешка.

На Велодром силите ќе ги одмерат два поранешни европски шампиони, екипите на Марсеј и Ајакс. На Марсеј му беа потребни вкупно 210 минути и 13 пенали да го елиминира Твенте во претходното коло, но тренерот Ерик Геретс верува дека овој меч ќе биде сосема поинаков бидејќи и двата тима играат офанзивен фудбал.

Германскиот гигант Вердер, кој го елиминира големиот Милан, очекува да обезбеди солидна гол разлика против Сент Етјен, екипа која грчевито се бори за опстанок во француското првенство. Додека, пак, амбициозниот Манчестер Сити ќе ја тестира својата подготвеност за големи дострели против изненадувањето во Европа во оваа сезона, данскиот Алборг.

Центарот на вниманието во фудбалска Европа го привлекува и вториот германски претставник, Хамбургер, кој на Нордбанк арената го очекува пресметка со турскиот Галатасарај.



ДВОЈКИ

ХАМБУРГЕР - ГАЛАТАСАРАЈ 18 ч.

ДИНАМО (К) - МЕТАЛИСТ

ЦСКА (М) - ШАХТЈОР

ПСЖ - БРАГА 20:15

ВЕРДЕР - СЕНТ ЕТЈЕН 20:30

УДИНЕЗЕ - ЗЕНИТ 20:45

МАРСЕЈ - АЈАКС

МАНЧЕСТЕР (С) - АЛБОРГ

Уште една бламажа на Милан

И покрај големите ѕвезди во тимот, Милан дефинитивно игра уште една очајна сезона. Откако заостанаа 11 бода зад градскиот ривал Интер во италијанското првенство, "росонерите" вчера си дозволија уште една бламажа, овојпат пред своите навивачи и испаднаа од последното натпреварување во кое имаа какви-такви шанси за титула. Пред почетокот на сезоната, но и пред одигрувањето на 1/16-финалната фаза Милан беше посочен како најголем фаворит за освојување на трофејот во ова натпреварување, но заврши полошо дури и од Баерн минатата сезона кога баварскиот тим испадна во полуфиналето.

Веројатно никој не можеше да очекува ваков развој на настаните откако по нешто повеќе од половина час имаше предност од 2:0 во дуелот со Вердер што заедно со оние 1:1 од првиот меч го носеа во осминафиналето. Пирло погоди од белата точка по играта со рака на Торстен Фрингс, а Алесадре Пато потоа постигна ремек-дело со кое конечно малку ги израдува навивачите на Сан Сиро. Но, со стартот на второто полувреме, комплетно падна играта на домаќините. Милан во вторите 45 минути немаше речиси ниеден удар кон противничкиот гол, но многу полошо од играта во нападот беше одбраната која не можеше да ги запре акциите на противничкиот тим. Како последица на тоа паднаа двата гола на Клаудио Пизаро во период од само десетина минути и двата на многу сличен начин, со глава од непосредна близина. Веќе немаше време да се постигне уште еден гол, а до крајот на мечот Вердер имаше шанса дури и да стигне до победата на Сан Сиро. Уште еден голем срам за Милан и веројатно почеток на крајот на Карло Анчелоти во миланскиот гигант. Ако за него се уште е неизвесно, јасно е дека Паоло Малдини синоќа го одигра својот последен натпревар во европските купови во кариерата.

Вистинска драма се случуваше синоќа на стадионот Али Сами Јен во Истанбул. Домашниот Галатасарај имаше 0:0 од првиот натпревар против Бордо, но уште во првата минута од реваншот прими гол и значително си ја искомплицира својата работа. Првиот пресврт се случи пред крајот на првото полувреме кога домашните фудбалер во период од само две минути преку Арда Туран и Хари Кјуел дојде во предност од 2:1 и тоа со два прекрасни голови, кој од кој поубав. Тешко дека некој на стадионот во Иснабул помислуваше дека Бордо ќе се врати во игра кога во 63. минута Туран со својот втор погодок го донесе Галатасарај во водство од два гола разлика. Прославата за пласманот во осминафиналето веќе почна кога резервистот Фернандо Кавенаги почна со своето шоу. Прво, во 74. минута му асистираше на Шамак за 3:2, за само 60 секунди подоцна самиот да се запише во листата на стрелците. Сега психолошката предност се врати на страната на Бордо кој со 3:3 обезбедуваше пласман во следната фаза. Но, ни тоа не беше доволно за францускиот тим да излезе како конечен победник. По стариот добар рецепт од европското првенство во Австрија и Швајцарија, Галатасарај чекаше да дојдат последните моменти, па преку Сабри Сариоглу да го постави конечниот резултат. Со тоа Турците ја продолжија кризата на Бордо, а во исто време му посакаа убаво добредојде на својот тренер Булент Коркмаз и останаа во игра за остварување на својот сон, настап во финалето на Купот на УЕФА кое сезонава се игра во Истанбул.

Само Манчестер Сити остана на фудбалската сцена во Купот на УЕФА од англиските екипи откако Астон Вила и Тотенхем не успеаја да излезат на крај со ЦСКА Москва и Шахтјор. Тоа и беше очекувано бидејќи и Вила и Тотенхем преку изјави во последните денови потврдија дека за нив приоритет сезонава е Премиер-лигата. Тотенхем се бори за опстанок, додека Астон Вила има шанса првпат да обезбеди пласман во Лигата на шампионите.

РЕЗУЛТАТИ

ЦСКА - АСТОН ВИЛА 2:0

Жирков 61', Лав 90'

МЕТАЛИСТ - САМПДОРИЈА 2:0

Ваљајев 30', Јаја 40'

ХАМБУРГЕР - НЕЦ 1:0

Олиќ 9'

ТВЕНТЕ - МАРСЕЈ 0:1 (6:7 на пенали)

Бен Арфа 24'

ВОЛФСБУРГ - ПСЖ 1:3

Хасебе 63' - Луиндула 38' (п), 74', Ротен 59'

ГАЛАТАСАРАЈ - БОРДО 4:3

Туран 42', 65', Кјуел 45', Сариоглу 90' - Белион 1', Шамак 73', Кавенаги 75'

МИЛАН - ВЕРДЕР 2:2

Пирло 27' (п), Пато 34' - Пизаро 68', 78'

АЈАКС - ФИОРЕНТИНА 1:1

Леонардо 87' - Џилардино 61'

МАНЧЕСТЕР С. - КОПЕНХАГЕН 2:1

Белами 73', 80' - Вингард 90'

СТАНДАРД - БРАГА 1:1

Мбокани 78' - Агуиар 87'

ШТУТГАРТ - ЗЕНИТ 1:2

Гебхарт 80' - Семшов 42', Фајзулин 86'

УДИНЕЗЕ - ЛЕХ 2:1

Пепе 56', Ди Натале 90' - Ренгифо 13'

С.ЕТЈЕН - ОЛИМПИЈАКОС 2:1

Паје 45', Илан 57' - Оскар 75'

ЛА КОРУЊА - АЛБОРГ 1:3

Серхио 37' - Шелтон 41', Јохансон 44', Еневолдсен 45'

ТОТЕНХЕМ - ШАХТЈОР 1:1

Џовани 56' - Фернандињо 86'

ВАЛЕНСИЈА - ДИНАМО (К) синоќа

ДВОЈКИ ЗА ОСМИНАФИНАЛЕ

ВЕРДЕР - С.ЕТЈЕН

ЦСКА - ШАХТЈОР

УДИНЕЗЕ - ЗЕНИТ

ПСЖ - БРАГА

ВАЛЕНСИЈА/ДИНАМО (К) - МЕТАЛИСТ

МАНЧЕСТЕР С. - АЛБОРГ

МАРСЕЈ - АЈАКС

ХАМБУРГЕР - ГАЛАТАСАРАЈ

*Првите натпревари се играат на 12, а реваншите на 18/19 март