РАКОМЕТ - новости

Вардар победник на турнирот во Блаце

Црвено-црните финалниот дуел ја декласираа екипата на ОРК Ниш со 37-23 (18-6) Ракометарите на скопски Вардар Про го освоија победничкиот пехар на традиционалниот 15. Mеѓународен турнир „Блаце 2009“ (Србија), откако во финалниот дуел ја декласираа екипата на ОРК Ниш со високи 37-23 (18-6).

Во екипата на Вардар про, повторно доминираше голманот Ангелов со 12 одбрани (три седмерци), кој беше и играч на натпреварот. Ова е втора последователна победа на Вардар про, по неодамнешната на турнирот во Добој.

Во борбата за 3. место, Будуќност, еден од противниците на Вардар Про во квалификациската група за влез во Лигата на шампионите (ЛШ) а совлада Црвена Ѕвезда.

„На паркетот во Блаце оставивме силен и убедлив впечаток со игра, која од повеќе ракометни стручњаци беше пофалена. Во финалето им дадов шанса да играат сите 18 играчи и тие тоа го сторија навистина добро“.- не го криеше своето задоволно по турнирот, тренерот на Вардар Про, Веселин Вујовиќ.

Скопјани денеска во Белград ќе одиграат пријателска средба со романската Стеауа, а утре со Решица од Вршац. Потоа следуваат неколку дена одмор, пред најважното, квалификациите за ЛШ во Скопје.

„Покрај настапот на овие турнири, ние истовремено собираме и информации за нашите противници во Скопје. Будуќност се покажа како тврд орев, екипата на Минск од Белорусија е засилена со повеќе странци, а турската екипа Бешикташ минатата година успеа да ја победи токму Будуќност. Сепак, нашиот мотив е голем и верувам дека со навивачката група „Комити“, ќе успееме да бидеме први во салата на СРЦ Кале“. - оптимист е Вујовиќ.

До финалната пресметка „црвено-црните“ дојдоа откако одиграа нерешено со Црвена Ѕвезда (34-34), а ги победија грчкиот тим Филипос Веријас (36-33) и Будуќност од Подгорица (30-26).



I uste edna titula za RK Vardar

Металург го претставува Червар

Актуелниот вицепрвак, екипата на Металург, вчера означи старт на подготовките за наредната сезона во која цел во првенството ќе биде шампионската титула, во куп натпреварувањето исто така.

На првата прозивка на ракометарите, која ја водеше постоечкиот тренерски тим, присуствуваа сите играчи освен новото засилување, српскиот интернационалец Божидар Маркичевиќ. Тој пред два дена доби син, а од клубот доби дозвола да остане дома еден ден плус. Денеска, како и да е, ќе мора да биде на тренингот закажан вечерва.

Своите планови, амбиции, размислувања и слично Металург ќе ги истакне пред јавноста денеска.

На пладне, во скопскиот хотел "Александар Палас" ќе биде организирана прес-конференција на која официјално ќе биде претставен новиот шеф на стручниот штаб на Металург, хрватскиот селектор Лино Червар. Беше предвидено тој во Скопје да пристигне синоќа, денеска веќе ќе биде во новата улога.

Со тоа и официјално ќе биде ставен крај на сите шпекулации околу неговото доаѓање во Македонија.

Повеќе од еден месец откако првпат јавно беше обелоденето дека постои можност Лино Червар да го преземе Металург се чекаше овој момент. Иако повеќе-помалку се знаеше дека тој ќе биде новиот тренер, со оглед на тоа дека досега јавно немаше потврдено од негова страна, а и од Металург беа прилично резервирани, почна да се јавува и "сомнеж" дека сето тоа ќе биде остварено и таквите "муабети" почнаа да добиваат на интензитет како минуваше времето, а немаше нови моменти.

Денеска, како и да е, ќе биде ставен крај на шпекулациите, а за првпат сезонава на прес-конференција оди Металург. Како ќе изгледа работата на Червар, како ќе го реорганизира тренерскиот тим, па до конечниот изглед на играчкиот кадар и деталниот план на подготовки ќе може да се чуе денеска.

Новиот шеф на стручниот тим на Металург пред играчите ќе се појави на вечерниот тренинг, кој ќе се одржи во салата "Форца" со што и официјално ќе биде означен старт на неговото работење во македонскиот вицепрвак.

Металург во Скопје ќе се загрева до 5 август, ден подоцна почнуваат вистинските подготовки. Екипата ќе патува во Словенија, која стана омилена дестинација на сите поголеми ракометни клубови, па така таму во периодот ќе можат да се најдат и Загреб, Партизан, Босна итн.

Металург во план има потцртано пет контролни натпревари, сите со словенечки екипи, но стои можност и да има мала измена на тој план. Во Македонија се враќа на 18 август, по што се ќе зависи од плановите на новиот главен тренер. Во екипата останува и постојниот тренерски тим.

Доаѓањето на Лино Червар на кормилото на Металург сигурно ќе донесе промени во македонскиот ракомет, на добро. Какви и во која мерка ќе покаже времето, но да се има на клупата тренер кој во џебот има златни медали од светски првенства, олимписки игри сигурно не е мала работа.

Од посебна важност тоа ќе биде за помладите играчи кои допрва треба да се докажуваат, а и севкупно за внатрешната организацијата на клубот и тренерскиот тим.

Со ова и првенството на Македонија, во кое има само еден вистински момент за одбележување, станува далеку поинтересно отколку ланското. Вардар против Металург, Веселин Вујовиќ против Лино Червар. Двата тима се силни, по слободна проценка посилни од лани, останува да се чека 8 август, денот кога ќе бидат познати точните датуми на одигрување на првенствените натпревари меѓу двата најсилни македонски тима.

Годинава, кога во македонското првенство ќе работат споменатите две и тоа како познати ракометни имиња, можеби конечно ќе заживее и тренерската организација. Таа е една од најслабите алки во синџирот на РФМ, на која очајно & е потребно да почне да го враќа загубеното достоинство и да ја замени улогата на "гласачка машина" со добро средена организација која ќе ги штити интересите на ракометните тренери.

Убедлив пораз на македонските ракометари од Исланд

Висок пораз на македонската машка ракометна репрезентација на гостувањето против Исланд со резултат 34:26. Домаќините бодрени од 4.000 гледачи со победа го потврдија пласманот на Европското првенство што догодина ќе се игра во Австрија.

Ова беше трет пораз во третиот натпревар на нашата репрезентација против директните конк*ренти за пласман на ЕП, па останува во последниот меч в недела против Норвешка во Скопје да го поправат впечатокот во овие квалификации кои ги завршуваат неуспешно.

Норвешка е "се или ништо" за сениорите

Сениорската репрезентација на Македонија само еден ден по враќањето од Белгија заминува на патување во правец од каде што и дојде. Вечера оди за Норвешка. Целта на патувањето иста, гостинска победа. Овој пат далеку потешко остварлива. Влогот е ист. Се или ништо и така ќе биде на секој нареден натпревар, под услов да победуваме.

А првата и најважната, можеби решавачката средба на програмата е на 10 јуни во Ставагнер. _ гостуваме на Норвешка. И ние и Норвежаните, свесни дека тука може да се реши се.

Македонија мора да остане непоразена за да ги задржи реалните шанси за пласман на ЕП. Пораз значи дека ќе има само уште една шанса, да направиме нешто што никогаш досега не ни успеало, да го победиме Исланд сред Рејкјавик.

Но, прво Норвешка, објективно со поголеми шанси да се вратат македонските ракометари со надеж за пласман носи дуелот со скандинавскиот состав. Информациите велат дека и тие имаат неколку (четири-пет) измени од составот кој играше на СП. Македонија со исто толку, каде ќе биде поголемо влијанието, ќе видиме наскоро.

Проблемите на Македонија не лежат само во измените во составот. Има повеќе нерасчистени работи во нашиот национален тим.

Вчера беше првиот ден на репрезентацијата под една година команда на Металург, на кој во "Континентал" не се појави ниту еден од вицешампионскиот табор.

Останаа на најавите, со гостувањето во Белгија, "нивното" со репрезентацијата завршува. Во моментов репрезентацијата е во "вакуум". И сите го чувствуваат тоа. Би било вистина чудно тоа да нема одраз на тоа како ќе играме во Ставагнер.

"Имаме големи проблеми", не крие капитенот Кире Лазаров. "Во моментов сме комплетно дезорганизирани, има. Има многу нерасчистени сметки, работи што треба да се решаваат. Не зборувам само за долгови. Ние, играчите, имавме состанок, се договоривме да не правиме никаков притисок, никакви опструкции. Ќе тренираме максимално, ќе дадеме се од себе да ја оствариме нашата цел. Но, вака не е добро. И да се реши се околу моментните финансиски проблеми, останува дека се губи време, дека суштински остануваат проблемите", вели Лазаров.

Репрезентацијата очигледно се наоѓа во лоша моментална позиција. Атмосфера меѓу играчите нема потреба да се создава, тие се долго време заедно, професионалци се, си ги знаат своите задачи, го знаат и влогот. Но, факт е дека никому не му се допаѓа состојбата ваква каква што е.

Сите идентично одговараат на прашањето "како е". Креваат раменици.

Репрезентацијата синоќа замина со автобус до Белград, од таму авионски до Франкфурт па до Ставагнер. По истата рута на 12 наутро би требало да стигне назад во Македонија. На 13 играме со Белгија, дома.

Дали е ова подобро решение отколку од Белгија директно да се одеше за Норвешка е најблаго кажано дискутабилно, но и тоа е резултат на тоа што во моментов се случува таму.

То Марија

Владимир Глигоров поднесе неотповиклива оставка

Селекторот на женската ракометна репрезентација на Македонија Владимир Глигоров, денеска поднесе неотповиклива оставка, на само пет дена до првиот бараж дуел за Светското првенство 2009 во Кина, што македонската репрезентација го игра со Австрија во салата „Борис Трајковски“.

Глигоров за МИА изјави дека се решил на ваков чекор откако вчера во стручниот штаб на репрезентацијата како советник е назначен поранешниот тренер на Кометал Ѓорче Петров и на Металург Јошко Петковиќ. Пред 10 години Петковиќ ја предводеше женската селекција на Македонија.

За оставката телефонски е известен и претседателот на Ракометната федерација на Македонија, Михајло Михајловски.

Потегот на Глигоров беше за очекување особено што во слична ситуација се најде и на неколку дена пред почетокот на Европското првенство што лани во декември се одржа во Македонија. Тогаш без да биде консултиран, за советник го доби Русинот Акопјан.