Семејно насилство

mislam deka tie ludje treba da se utepaat po kratka postapka ........ so kundak da se tepaat do smrt ............ ne vredi ni k*rsum da se arci na niv . osobeno ne vo sostojba na ekonomska kriza

Изјави на жртви


А.Б. 56 годишна жена, клиентка во Центарот за правна помош од Скопје:

Се случуваше уште во почетокот, само јас не бев свесна, бев млада, со деца мали, со обврски. Секогаш да биде по негово, секогаш да се направи тој како што ќе каже, зашто јас сум била глупа и не сум знаела ништо. Не дај боже да подигнев глас или да му речев не е точно, тој веднаш ќе ме удреше.

Затоа што го разбудил некој на телефон, не знам кој беше, се развика по мене, по име. Јас влегов во ходникот, правев зимница со роднини. Тој ме фати во ходникот и ме удри така силно. Падна, беше пијан. Тоа беше страшно. Јас само викав: Немој, немој роднините гледаат! Немој, зошто ме удираш?!

Се ме болеше. И навредите негови и ударите. Со клоци некој да те мава по стомак или по гради и главата, да те фати за коса, и да ти ја удира од ѕид ... болките се јасни. Колку пати не сум можела да се издишам. Малтретирањето траеше цела ноќ. Ни самата не сум свесна зошто го правеше тоа.

И кога ќе ме удреше, јас ќе свриштев, ќе речев: Зошто ме тепаш, па јас не сум стока. А тој ќе речеше: Што? Ова е тепање? Па, ти не си видела ќотек! Секогаш бев крива. Еднаш не рече јас сум крив. Во целиот наш живот од 36 години тој не рече јас сум крив, извини.

Постојано се испитував, дури и него го оправдував. Ајде млад е, па може му смета тоа што сум го направила.

Не знам што повеќе ме болеше – дали неговите навреди или ударите. Ми се собра сеж и едноставно, верувајте ми, се собрав едно сабајле кога тој отиде во град, ги зедов торбите и излегов од куќа.

Да не ја повторат мојата грешка и да не чекаат времето да донесе некоја промена, туку тие самите да променат нешто во животот, и тоа веднаш. Затоа што со првото преќутување, со првото не сега, утре или следниот пат ќе направам нешто, веќе губат драгоцено време.




Н.Г. 58 годишна жена, сместена во засолниште:

Многу ми бил животот пеколен. Кога ќе ме тепа со стап, кога со клоци, кога со боксови, ќе ме фатеше за коса, главата од ѕид ќе ми ја удираше, морав да клекнам на коленици за да го молам, за да попушти. Животот таков ми беше скоро 15-16 години.

Знаеше да фрла по станот, да крши. Цело време живеевме под стрес и под тензија. Во моментот знаеше да го смени расположението. Да заѕвони телефонот тој е веќе вознемирен.

На коленици ќе клечи, те молам тоа веќе нема да се потвори. Но, само еден месец, по еден месец истата песна. Ги трпев сите последици, да не направам срам, да не речат децата мајка ни оди од маж на маж. Не го направив тоа. Заради тоа останав со него. Животот ми беше пеколен.
Почна во 5 изутрината. Стана и го бркаше детето да си оди. Јас му реков: Ако си оди моето дете, си одам и јас. Си одам и јас од овде, па еве ти куќа и живеј. А тој го зел ножот без да го видам, кујнски голем нож, го зел и го скрил зад себе. Јас мислам како и друг пат дека само ќе ме удри. Но, кога го видов дека со ножот сака да ме погоди директно во срце, се настранив и место во срце ме погоди во стомак. Почнав да крвавам, ја затвори вратата и не ме пушташе за да искрвавам до смрт. Го фати и детето за рака, го вртеше ножот за да го убоде и детето. Обид за убиство кон двајца! Јас не знам како може таков убиец да шета на улица, само тоа не ми е јасно...




В.К. 49 годишна жена, клиентка во Центарот за правна помош од Скопје:

Зошто баш таа кошула што тој сакал да ја облече, таа не е испрана или не е испеглана или специјални некои чорапи што му одговараат во тој момент не се спремни.

Ќе почнеше демек да се извинува што не запоставува и мене и детето, демек ќе се промени, само малку да се стрпам, или ќе избувне, па сето тоа ќе се завршеше со... не беше тоа водење љубов, туку силување. По тоа се чувствував уште помизерно.

Не можев да внесувам храна доволно колку што ми треба. Почнав да повраќам во нервоза. Тахикардиите станаа секојдневни. Неколку пати морав да одам на дежурен лекар за проблеми со срцето. После една таква нервоза мораше да викне итна помош бидејќи се онесвестив. Цела ноќ ме држеше стиснато во себе, се извинуваше и рече дека никогаш повеќе нема да се повтори. Меѓутоа работите се повторија по неколку дена.

Ќе се наљутев, ќе му речев ќе те оставм, не можам веќе. Добро, ќе ме видеше дека сум на крај, дека викам, дека лексилиуми пијам со години, од утре ништо не ти зборам, ништо не ти правам. Тоа траеше два – три дена.

Во почетокот вината ја барав во себе, да не сум погрешила некаде. Разговарав со блиски пријатели, од страна како ме гледаат, да не грешам некаде, меѓутоа јас барем не најдов вина во себе. Се обидов да кажам на многу блиска моја пријателка, меѓутоа таа не ми веруваше. Мислеше дека така ми се причинува бидејќи тој беше типичен пример на класичен домаќин, на стар домаќин.

Секоја жена која е жртва на семејно насилство нека го пријави случајот, нека не седи, за да не дојде до степенот до кој јас дојдов. Тоа го препорачувам на секоја личност, а знам дека во Македонија ги има многу. Многу прикриваме, знам дека се плашат. Не треба да се плашат веќе. Јавно треба да се излезе и да се каже што се случува.

Според написот во Нова Македонија
Мажи пак тепаат сопруги и родители
Двајца скопјани што ги малтретирале своите родители, односно сопругата и малолетната ќерка, ќе одговараат за семејно насилство, информираат од скопската полиција. Тие деновиве биле пријавени од своите жртви и против нив експресно биле поднесени кривични пријави.

Во првиот случај четириесет и петгодишен скопјанец со години психички и физички ги малтретирал своите родители. Тој, незадоволен од својот живот, вината ја лоцирал кај своите родители и постојано им се заканувал дека ќе ги избрка на улица или ќе ги убие. Завчера осомничениот С.Џ. дошол во станот на родителите К.Џ. (69) и Л.Џ. (64), кој се наоѓа на улицата Ангел Димовски во населбата Аеродром, и почнал да им вика и да ги навредува. Беспомошните родители само седеле настрана и ги слушале гадостите на своето чедо. Набргу тој почнал да фрла и да крши низ станот, а како капак на сè отишол во кујната и зел два големи кујнски ножа, со кои почнал да замавнува кон родителите. Тие исплашени за својот живот излегле од станот и побегнале, а кратко време потоа го пријавиле насилството на синот во полициската станица во населбата. Истата вечер тој бил лоциран и приведен.

Во неделата, пак, во селото Волково, во полициската станица дошле мајка и ќерка, кои го пријавиле В.Т. (44) за насилство. Тие на полициските инспектори им раскажале оти сопругот често им викал и ги навредувал, а понекогаш и ги удирал. Така во неделата тој без никаква причина или повод се нафрлил на сопругата и почнал да ја удира, а потоа ќотекот продолжил и врз недолжното седумнаесетгодишно девојче.

Според статистиките и анализите на МВР, семејното насилство е најзастапено во Скопје како град со најголем број жители во земјава. Во минатата година биле регистрирани вкупно 378 кривични дела, 730 прекршоци, а полициски екипи интервенирале по 3.671 поплака. Споредено со 2007 година, случаите на семејно насилство бележат пораст од околу 15 отсто.

Само во Скопје полицијата минатата година регистрирала третина од сите кривични дела - 110 и прекршоци 235. Зад Скопје во сите статистики се Куманово и Битола.

Гледано според сторители, деведесет отсто од пријавените се сопрузи или синови, а нивни најчести жртви биле брачните партнери, децата и родителите.

О.Ч.




Во Тетово намалена стапката на семејно насилство

Тетовската полиција од почетокот на годинава евидентирала три кривични дела од областа на семејното насилство. Двајца од пријавените се сомничат дека ги тепале сопругите, а за насилство врз таткото треба да одговара еден тетовец. Според полициските податоци, бројот на семејни насилства во споредба со 2008 година е намален за три пати, бидејќи тогаш биле евидентирани девет случаи.

- За разлика од минатите години, деновиве сè погласно се зборува за семејното насилство. И не само тоа, туку и сè почесто се пријавува во полицијата. Очигледно целосно се менуваат старите стереотипи и предрасуди дека сите кавги и недоразбирања во семејството треба да останат внатре -изјави Марјан Јосифовски од канцеларијата за односи со јавност при СВР-Тетово.

Психичките растројства се најчеста причина на осомничените да дигнат рака врз своите блиски, а во трите кривично санкционирани случаи е употребена физичка сила, што завршило со нанесување телесни повреди.

Покрај кривичните пријави, годинава тетовската полиција поднела и седум барања за поведување прекршочна постапка поврзани со семејното насилство, а примени биле и 32 поплаки, кои се финализирани со писмено предупредување на насилниците .

lane62 напиша: se i za razmisluvanje...kako da se resi problemot.

Rabotata e sto ne smee da dojde do problem...

Zakonot si e dobar, samo statistikive se uzasno zagrizuvacki.   

E toa e nesto sto navisitna nemozam da go podnesam, nasilstvo tepacki postojani raspravii, pijancenja i sl. A edna od pricinite, spored mene e toa sto mnogu zenski si mislat deka ke mu dojde pamet ili pak obratno maskite mislat deka ke se pribere i zasaka so vreme, pa i pokraj toa sto znaat so kogo se vo vrska pristanuvaat i na brak.  

Нормално не е... човечки не е...Каде замина нашето трационално почитување кон родителите????

Ја скр­шил од ќо­тек мај­ка си оти не му го пре­пи­шу­ва­ла ста­нот

Ин­ци­ден­тот се слу­чил око­лу 19,20 ча­сот во Скоп­је на ули­ца­та "Кеј 13-ти Но­ем­ври" , ко­га во ста­нот на М.П.(55) дош­ло до рас­пра­ви­ја би­деј­ќи таа од­би­ла да го пот­пи­ше до­го­во­рот за пре­пис на ста­нот на неј­зи­ни­от син А.П.

А.П.(35) од Скоп­је, пред три де­на и скр­шил че­ти­ри реб­ра на мај­ка му М.П. (55) оти таа не са­ка­ла да му го пре­пи­ше ста­нот во кој што жи­ве­ле. По крв­нич­ко­то те­па­ње тој мај­ка­та 24 ча­са ја др­жел зат­во­ре­на во ста­нот. На­ред­ни­от ден ко­га ја ос­ло­бо­дил таа по­ба­ра­ла ле­кар­ска по­мош во Град­ска­та оп­шта бол­ни­ца ка­де што би­ла за­др­жа­на на ле­ку­ва­ње, а слу­ча­јот бил при­ја­вен во по­ли­ци­ја по што А.П. Бил при­ве­ден и про­тив не­го ќе би­де под­не­се­на кри­вич­на при­ја­ва.
Ин­ци­ден­тот се слу­чил око­лу 19,20 ча­сот во Скоп­је на ули­ца­та "Кеј 13-ти Но­ем­ври" , ко­га во ста­нот на М.П.(55) дош­ло до рас­пра­ви­ја би­деј­ќи таа од­би­ла да го пот­пи­ше до­го­во­рот за пре­пис на ста­нот на неј­зи­ни­от син А.П.
Из­ре­вол­ти­ран од не­пос­луш­нос­та на не­го­ва­та мај­ка А.П. се на­фр­лил врз неа и поч­нал да ја ма­ва со ту­па­ни­ци и кло­ци по гла­ва­та и те­ло­то. По бру­тал­но­то пре­те­пу­ва­ње тој мај­ка­та ја зак­лу­чил во ед­на од со­би­те. На­ред­ни­от ден око­лу 17,30 ча­сот А.П. ја пуш­тил да из­ле­зе од со­ба­та, по што таа по­ба­ра­ла ле­кар­ска по­мош во Град­ска Оп­шта бол­ни­ца, ка­де и се ут­вр­де­ни теш­ки те­лес­на пов­ре­ди -скр­ше­ни­ци на че­ти­ри реб­ра.