Што прави оваа влада?!

По два неуспешни обида на градската власт да избере концесионер кој ќе ги гради сплавовите на реката Вардар, на повидок е потпишување договор со фирмата „Фаланга дим“, која е заинтересирана само за сплавовите кај МЕПСО и кај хотелот „Холидеј ин“, за кои што предложи и идејно решение за нивниот изглед. За другите два сплава кои се предвидени од двете страни на Камениот мост, јавниот повик се поништи и Градот дополнително треба да реши дали ќе ја повтори постапката.

Избраната фирма ќе има обврска да ги изгради сплавовите, а за возврат да стопанисува со нив десет години. Градската власт ќе биде задолжена само за изградба на инфраструктурата на објектите. По истекот на договорот кој може да се продолжува, стопанствениците ќе треба да ги отстранат сплавовите.

Првиот јавен повик на кој учествиваше само една фирма, исто така се поништи поради неисполнување на условите предвидени со тендерската спецификација.

Градоначалникот Коце Трајановски, прилично ентузијастички ја најави идејата и Скопје по теркот на на многу европски и светски градови, да добие претпознатлива атракција, уверувајќи дека содржините кои се предвидуваат на сплавовите би биле од големо значење и би го збогателе животот и движењето на граѓаните покрај Вардар.

Сплавовите веќе се дефинирани во Деталниот урбанистички план „Мал ринг“, а, за нивната изградба е изработена и физибилити студија.

Се прашувам дали ја исчистиле реката Вардар, па сега поставуваат вакви чуда?