Декорација на нокти

Нокти-долготрајно решение

Една од најчестите причини за кршливоста на ноктите е постојаното турпирање и полирање. Иако ова е честа практика, со текот на времето абразивниот процес ги еродира ноктите, оставајќи ги тенки и кршливи. Освен оваа причина постојат и низа други причини. Оние што работат со хемикалии или пак со вода најчесто имаат кршливи нокти, како и луѓето кои имаат недостаток на витамини во организмот или пак се на некој тип диета.

Најдобриот начин за да започнете да се справувате со проблемот е да ја подобрите исхраната. Овошјето, зеленчукот и намирниците кои во себе содржат многу протеин, цинк и железо се одлични за зајакнување на ноктите, но имајте предвид дека подобрувањето нема да се случи веднаш затоа што ноктите во принцип растат многу бавно.

-Ако имате проблем со кршливоста најдобро е да ги сечете ноктите кратко, за да имаат помала можност да распукаат

-Избегнувајте да ги потопувате рацете во вода. Доколку чистите по домот или пак ги миете садовите користете гумени ракавици.

-Ацетонот заменете го со друго средство за отстранување на лакот и нанесувајте барем два пати во денот крем за навлажнување на рацете.

-Купете продукт за зацврстување на ноктите. На пазарот постојат различни креми, лакови и спреови кои што се лесни за аплицирање и освен тоа што го зајакнуваат нокотот го стимулираат и неговиот раст.

Доколку ништо од наведеното не може да ја врати цврстината на вашите нокти, посетете лекар бидејќи во некои случаи кршливоста е сигнал за многу посериозен здравствен проблем.

Изменето од Valerija - 10.Август.2011 во 21:57